(7) أرتقوا و تعلموا
"ان الانسان لم يولد لإختيار ما هو عليه"
أرتقوا وتعلموا
"ان الخيرة فيما اختارها الله💫"
_ _ _ _ _ _ _ _ _ _ _ _ _ _ _ _ _ _ _ _ _ _ _
وصل مسلم وقلبه قريب يطلع من مكانه 💓
وصلت اسيل وخشت توترت هلبا لما شافت الناس قلبها رعش💝
و أخير النتيجة ،تقدم الشخص بش يقول احسن خمسة بعدين يختار واحد بس الي حيفوز
عدنان|احسن خمسة فنانين هما : منذر،مسلم،اسيل،رغد ،وئام
قلوبهم وقفت للحظة ....
تقدموا للمسرح وهما مصدومين وزادت الصدمة علي أسيل ومسلم لما شافوا بعض ..
عدنان يتكلم بالشوية هو و لجنة الحكم والكلام سمعه مسلم وأسيل بس |لالا البنت الي اسمها اسيل اختاروها ، هداكا عبييد فوتوه ... "عبييد"
مسلم لما اسمع الكلام ، اتمنى يموت ف اللحظة نفسها
ضحك ضحكت واحد مكسور ،وتلفت لاسيل وقال بصوت يا دوب طالع مع أبتسامة|مبروك❤
وطلع وهو يسرع فخطواته
أسيل دموعها نزلوا
طلع عدنان من وراء المسرح بش يقول الفائز مني أستغرب ،في واحد ناقص لكن لما عرفه مسلم أبتسم
"احينا قلوب البيض سوداء💫 وقلوب السود بيضاء💫"
عدنان|الفائز هو أسيل.....
و تقدم بش يكرمها ومدلها شهادة تكريم وكيف بيمدلها الهدية ، كانت صدمة للجميع
أسيل مزقت الشهادة اعلي اربعة و حذفتها علي وجهه
اسيل دموعها ف عيونها وصوت شهقاتها يتعالى
اسيل|جاهليين كلكم ،منبيهاااش الشهادة كاااان بتحرموا الواحد من حقه شن ذنببه كاااان ربي خلقه هكيييي مفي حد خلق روحهه
تلفتت للتانيين|كانتت من حق الي طلع قبل شوية ،تعرفوا اعلااش أختاروني أني، لانه هو "أسمر"
كانوا كلهم ف صدمة 💔
اسيل|شن الفايدة مدايرين مسابقة وانتم جاهلين.....
طلعت وهي مكسورة 💔
عدنان قام راسه القي الناس تطلع ...
عدنان عيط | تعالوا كداابهه تكدب اعليكم 😡
محد رد اعليه طلعوا وخلوه بروحه ...
_ _
_ _
بعد مطلع مشي للبحر صديق الكل💫🍃
قعمز و مقدرش يشد دموعه ،خلاهم ينزلوا بالك تخف حرقة قلبه ، قعد يبكي و ايديه علي وجهه
مسلم|علاش ياا ربي يصير هكي علااش
مهند حس روحه مضايق ،مشي لحوش مسلم طق فتحت ام مسلم
ام مسلم|ولدي كيف حالك
مهند|الحمدلله وانتي كيف حالك اليوم😊
ام مسلم|الحمدلله وين معش تعدل 😔
مهند|ههههه والله خدمة حاضر اليوم حنقعد عندكم الا زعلك ❤
ام مسلم|هههه ايوااه
مهند|شن مسلم مهناش؟
ام مسلم|طلع بكري ،قال مشترك ف مسابقة رسم ❤
مهند|اااا اي صح 😅 ،خلي انشوفه تبي حاجة؟
ام مسلم|سلامتك ❤
_
_
مهند يدوي بروحه|وين بنلقاك يا خوي❤
مشي للبحر ملقاشي 💨 وكيف بيولي ايدور اعليه ،جدبه صوت قرآن كان الصوت مألوف ❤
قعد يمشي لين وصل القي مسلم مقعمز و رآسه لوطا و يقرأ ف قرآن
مهند عرف انه مسلم مضايق ،قعمز جنبه وقعد يسمع لصوته الي يجيب الراحة 🍃
مسلم | {{وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ}}
وبعدها نزلوا دموعه......
"رفقاا بهم فكلنا بشر💫"....
_
_
روحت منهارة و متضايقة 💔
أسيل|عللااش هكي😢، يا ربي احمييه و خفف من وجعه يا رب 💔
كتـابة|ريـان الشُّمَّـاخِي
يتبع
أنت تقرأ
لأنني أسود🖤.
Roman d'amourالعنصرية🌒 مرض الأزمان فعلاً قولولي الفرق بين زوز أقلام واحد أصفر وواحد أحمر شن الفرق ترا !؟ الزوز من برا لوح ومن داخل رصاص الزوز غرضهم واحد "الكتـابة".... الأختلاف ف اللون 🖤 نفس القلب نفس الروح والجوهر هو الي يحدد الأختلاف مش اللون🖤 لم يولد الا...
