#وحيدتي☔💚
#الحلقه4🔥🔥
_________________
انا طلعت وقمعزت عالعشب تحت الشجره حسيت بحد جنبي تلفت كان مراد
مراد : عيونك فالشمس صغر
انا : رمشت عيوني وضحكت
مراد : بريئه بكل انتي
انا : بحتت فيه
مراد : نظرتك بريئه ملامح وجك حركاتك طفوليه حتى بكيتك طفوليه
انا : عقدت حواجبي ونبحت فيه كيف يتمسخر عليا
مراد : ضحك وتوا تعقدتي كيف العويل لصغار كشرتي وجك و طرمتي شورابك وجك حمر
انا : ضربته بشويه على كتفه
مراد : مسك يدي قدها الضربه هذي
انا : بحتت فيه بخوف
مراد : ضحك خوافه
روان : جت يسمط عليك مارلا
انا : هزيتلها راسي وخذيت الدفتر وكتبتله بااارد راك
روان : تضحك شن درتلها راقيلها منك
مراد : صبى مبتسم وينفض في يديه صاحبتك عصبيه بس
روان : ياااي ليمه تسهف بناخذها
مراد : فكينا من التشعبيط
روان : مش شوري نبيها حول تو نركب
مراد : تو نجيبها لكي عاليه واجد
روان : به
ركب مراد و جابلها الليمه
روان : شكرا
مراد : عاد شرينتي مؤدبه وتشكر وهك
روان : ضحكت ساامط
مراد : مدلي ليمه هاكي
انا : خذيتها وابتسمت
مراد : تبن حاجه
روان : على وين
مراد : طالع
روان : اها مانبوش شي
مراد : تمام قولي لامي مطول
روان : به
طلع مراد وقعدنا انا وروان فالجنينه
__________________
فاليل انا وروان فالدار
عميمه : فتحت الباب
سعد : خير ياعمتي
عميمه : بحتت فيه من وين بيجي الخير بس
سعد : كنك ياعمتي
عميمه : كني ؟ معقوله ياسعد تضرب اختك الضرب هذا معقوله واختك مريضه وعليش تمد في يدك عليها غير ياريتها دايره غلط واخذتها انا معايا هذي الامانه هكي اختك ديرلها
سعد : ياعمتي هيا تقل في ادب
عميمه : قتلي تقل في ادب ! هيا تحكي اصلا عند ماتقل ادبها وعارفتها ميار انا ماديرش الغلط لاكن اكيد السوسه يلي عندك تحرش فيك على اختك الوحيده وانت تهز في راسك وراها
سعد : تو ظلمتيها ياعمتي حرام عليك كنك ماتحبيهاش حنان
عميمه : اها انا ظالمتها اللفعه مدرعنها شن دايرتلك نين مخليتك مدروش وراها
سعد : رقتله كلمي ميار بنعدي
عميمه : ميار مش حتمشي من هنا
سعد : كيف مش حتمشي منها
عميمه : والله بعد الضرب يلي حقيته في جلدها مستحيل نخليها تعدي معاك كلمت خوتك وعمك محمد ( عمي الكبير ) وبنخليها عندي
سعد : كيف هكي انا خوها ومسؤول عليها
عميمه : ونعم الاخ والله
سعد : عمتي اليوم حنخليها عندك لاكن بكرا تطلع معايا وغصب عنها وعدا
عميمه : تعيط وراها غير احلم والله مانك واخذها سكرت الباب الضنوه السوده يلي جايبها شن بيطلع اكيد كيف باته حتى هوا اشر منه استغفر الله العظيم
___________________
روان : شن رايك نحطو فيلم
انا : كتبتلها به
روان : اسمعي انا نعدي ندير سبول و نحط شبس وشكلاطات وشقاشق وكل شي وانتي ديري حاجه بسييطه هك صغيرونه
انا : كتبتلها شنو
روان : رمشت عيونها تجيبي فيلم من دار مراد
انا : بحتت فيها وكتبتلها في عينك عطيتيني الحاجه الصعبه
روان : هيا وراسك هوا مش قاعد وكان جا اصلا اكيد بيقمعز مع ماما ونا كان جا نرقى نقولك وانتي اسرقيه بسرعه هيا وراسك
انا : بحتت فيها
روان : وراااسك بسرعه بسرعه جيبيه هيا ميورتي كلهن قدما هنا وراااسك 🥺
انا : كتبتلها تمام امري لله
روان : قعدت تحضن فيا وتبوس نجك ليا نجك
انا : نضحك وندف فيها
