#وحيدتي 💋⌛
#الحلقه 16🎣♥
انا : ذكرت امبدري كيف يفنص فيا ويعيط خفت وزدت نبكي
مراد : رفعني بالغصب يبي يحضني
انا : بعد رفعني بقوه خفت وعيطت وخرت وببكاء خلاالءص ممءااتضرببءنيش ممءعش ننءنحءكي خخءلاص
مراد : قعد يبحت فيا ومنصدم قرب مني ومسك يدي اسس من قال بنضربك
انا : نبكي ممءااتءضضربنش
مراد : كرني من يدي لحضنه ويمسح على شعري اااشش وربي ماتنكتب عليا نمد يدي عليك كنك انتي هبله
انا : قعدت نبكي ولفيت يديا على رقبته
مراد : يمشي في يده على ضهري اشش خلاص حبيبي اهدي
انا : قعدت مقمعزه على اركابي وحاضنته من رقبته ونبكي
مراد : رفعني جابني في كتره وباس رقبتي اسف حبيبي بطلي دموع مانتحملهنش دموعك
انا : نزلت يديا و قعدت في كتره و نمسح في دموعي
مراد : يرفع في راسي بحتي فيا بس
انا : بحتت فيه وعيوني وخشمي وفمي حمر
مراد : مسك وجي بيديه ومسح دموعي بصبعه الكبير وجه في وجي ويهمس وربي نحبك انتي وبس انتي #وحيدتي
انا : بصوت مقطع من البكاء ااءنت رديت عللءيها
مراد : بنفس صوت الهمس رديت صاح لاكن ماحركتش مني شعره والله انتي مليتي قلبي
انا : قعدت نبحت في عيونه وكميه الحب في عيونه خلني نصدقه غمضت عيوني بقوه ونزلن دموعي ساخنات على خدي بس بسرعه مامسحهن مراد
مراد : مسح دموعي وكرني لصدره والله مانتحملهن دموعك وخوفك مني وربي شق قلبي شق
انا : لفيت يديا على ضهره ونحكي بصوت واطي ااءنت خخوفتني ععءيطت ععءليا اامبدري
مراد : بعدني منه شويا وحط يديه ورا ظهري وانا في كتره ويبحت في عيوني انا قلتها لكي من قبل انا صاح نعصب ونعيط ونعاقب بس مانمدش يدي والله مانمدها وانتي عقدتيني بحركه تفتيشت نقالي
انا : سكتت وطبست راسي وقعدت نلعب بخيط فنيله متاعته
مراد : غلط ولا مش غلط تفتيشت النقال
انا : بصوت واطي بكل ومطبسه راسي غغءلط
مراد : رفع راسي انا ماقدرتش نقسى عليك والله ماقدرت بس نبيك معش تعاوديها لقطه مش حلوه يلي درتيها وابتسم وانا مانبيش حركات بنيتي يقعدن هكي
انا : بصوت واطي حاضر
مراد : تنهد هيا نطلعو ندهورو
انا : جيت ينحكي
مراد : حط صبعه على فمي مافيش اعتراض في مكان حلو بنوريه لكي
انا : هزيت راسي ب به
مراد : حط يديه ورا رقبتي وقربني منه وباس فمي وبعد ابتسم نحبك
انا : ابتسمت ب شويا
مراد : هيا صبي اغسلي وجك والبسي وشاحك
انا : هزيت راسي وصبيت صاح رضيت بس قلبي مزال ناغزني غسلت وجي ولبست وشاحي وطلعنا
___________________
ايمن : فتح الشقه وخش عزق المفاتيح والجاكه وقمعز عالصالون ويديه على راسه ومغمض عيونه
اسيل : خششت العويل وحطت ميس فالدار و طلعت قمعزت جنب ايمن وبصوت واطي ايمن
ايمن : اسيل راسي بيطربق وماعنديش نيه نحكي عندك كلام اجليه
اسيل : باهي نجيبلك بندول
ايمن : مانبيش
اسيل : حطت يدها على كراعه باهي شن تبي
ايمن : حول يدها بقوه اقلبي وجك
اسيل : عيونها دمعن ايمن ماتعاملنيش هكي انا مش غلطانه
ايمن : بحت فيها ورافع حاجبه مش غلطانه
اسيل : مش غلطانه اها انت اسمعني بس
ايمن : صبى بدون مايحكي وقعد يلبس في كويشه
اسيل : جت قدامه ماتقعدش دير حركاتك هذينا
ايمن : دفها من قدامه وطلع وسكر الباب بقوه
اسيل : دموعها نزلن وبصوت عالي ان شاء الله لاسمعت وعديلهن باهي وخشت جوا وهيا متنرفزه منه
#wiush_hamo للكاتبه
________________
