#وحيدتي 💜✔
#الحلقه 17🚗🎫
انا : مقمعزه عالتلفون رن تلفون مراد مراد
مراد : من الكوجينه نعم
انا : تلفونك يرن
مراد : من
انا : قصي
مراد : جا ورد عليه ايوا باشا
قصي : بصوت مهزوز مراد
مراد : قصي كنه صوتك شن في
قصي : مراد خليك قوي
مراد : بصوت عالي قصي احكي شن فيه
انا : صبيت ونبحت فيه
قصي : بصوت مهزوز روان طلع عندها ورم فالراس
مراد : بحت فيا وخناته دمعته ونزلت
انا : حطيت يديا على فمي ونبحت فيه
مراد : بصوت واطي قول غيرها يا قصي قول غيرها
قصي : تنهد مراد خليك قوي روان محتاجتلك
مراد : امتى عرفتو
قصي : اليوم طاحت وجبناها والدكتور متأكد من الورم غير مزال في تحاليل اخرى
مراد : قصي حنحولك فلوس توا وتركب اول طياره انت وروان وامي وتجوني هنا
قصي : بس يامراد
مراد : عيط مافيش بس بكرا تكونو هنا
قصي : تنهد ان شاء الله وسمع بالك انت بس
مراد : ان شاء الله سكر الخط وقمعز ويديه على راسه
انا : قمعزت جنبه وحطيت يدي على كراعه ودموعي ينزلن ممرااد
مراد : بصوت هادي وكانه يفكر ها ياميار ها
انا : مسحت دموعي مش حيصير شي ع روان حتبرا وحترد كيف قبل والله
مراد : تنهد ان شاء الله ان شاء الله
انا : نمشي في يدي على شعره ردبالك تضعف را روان مش حتقوى الا بيك خليك قوي انت قوتنا يامراد
مراد : بحت فيا عارفه روان شنو ليا روان بنتي مش بس اختى انا ربيتها على يديا هذينا انا كنت لها الاب والاخ في نفس الوقت
انا : مسكت يديه ونبحت في عيونه عارفه انك كنت لها الاخ والاب وتوا خليك الانسان يلي حتقوى بيه وبعدين هنا في طب ومطور واكيد مش حيصير شي على روان
مراد : ضغط على يديا عقلك مش لسنك بكل
انا : تنهدت وحضنته الدنيا تكبر الانسان قبل عمره
مراد : حضني وباس راسي ربي يخليك ليا
انا : وليا
مراد : وخرني ومسك وجي بيديه انا بنطلع توا ندير الاوراق تمام عارفك تخافي بروحك ياعمري لاكن الله غالب وحنسكر عليك من برا تمام
انا : هزيت راسي تمام
مراد : باس جبيني وخذا تلفونه وكم حاجه وطلع وسكر الباب
انا : اول ماطلع مراد قعدت نبكي ماكنتش بنبكي قدامه ونكده اخرى بس بجد كنت خايفه على روان من كل قلبي صبيت توضيت وصليت ركعتين و قعدت ندعي في ربي
___________________
قصي خش على روان وهيا دوبك واعيه
قصي : قمعز جنبها شنو دراما هذي ياشيخه وقرص خشمها
روان : حولت يده حول مانحكش معاك انا
قصي : ضحك حتى وهيا مريضه ماتنسى القريضه
روان : اها ماننسش وبعدين عليش الحركات هذينا اه خطى وجي
قصي : اممم مش حنعدل عليك وندير روحي ماسمعتش
روان : شهقت هييس قصي ماهزبنش على جلاطه لا شن بيصير فالدنيا بنموت ولا شنو وضحكت
قصي : عقد حواجبه ونت فيها معش تقولي الكلام هذا
روان : بصوت واطي ننبصر كنك
قصي : بصاره كيف وجك
روان : تؤ تؤ نا مريضه تزعل فيا عليش 🥺
قصي : ضحك باهي خلي لسانك يمرض عشان منزعلكش
روان : هاهاها بارده معش تعاودها 😒
قصي : مسح على وجه استغفر الله ياربي
روان : وين ماما
قصي : تو تجي فالحمام
روان : وشنو دير هذا كلا فالحمام
قصي : غمزلها شن يديرو الناس فالحمام مثلا
روان : غمت وجها بيديها ياحيوان ياقليله الادب 🙈
قصي : يضحك ما انتي عبيطه بكل
_______________
