انا افنان عندي عشرين عام ما بين ليلة والنهار تقلبت الموازين ديال حياتي او أفكاري معاها احذاث غيرات من شخصيتي ورادتني الأقوى
ضربة لما قتلاتك التقويك
القصة ديالي عامرة بالتشويق والإثارة نتمنى من كل قلبي تابعها او انا متأكدة غادا تعجبكم إنشاء الله❤💘❤...
.... :وا ناري على الزوفري لي عطاني ربي وانوضي ونتي كتبقاي مبلقا دوك العينين فالمشقوف وتبقاي مكوزة ليا تال جوج دنهار ماتنفغي فوالو افنان: عوتاني ا ماما باديا عليا بداك لموال الصباحي وصافي حفضتو حياتي كاملة و انا كنسمعو اش باغا على الصباح محسيتش حتى نزلات عليا واحد الصندالا بحال الصاعقة افنان: الله الله ميمتي مغنمشي لدار راجلي غير لما رجعتيني بياس ديطاشي ماما:اي كيشتي العرسان غير دايرين صف نوضي تحركي لبسي و خشي فوجهك راه باغاك تسخري ليا افنان:فين عوتاني ماما:راه خالتك سميرة جايين عندها شي ناس او وصاتني نكوموندي ليها الحلو من عند بشرى الحلاوية وجابتها ليا. افنان:وانا مالي من هدشي كامل ماما:راه مشغولين او ماكين لي ايجي ياخد هاد السخرى نتي ليغاديها ليها لدارها لي فالعنق(*بلاصة فكازا قريبة لعين دياب)، ومنها شوفي البحر نيت،يلا نوضي عفا بنيتي سربي. افنان:لقضية ملي فيها دوران والبحر انا نايضة. نضت فطرت او لبست حوايجي لبست سورفيت mauve او سبرديلا كحلة او شعري مهيم بحال الصورة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
او حتى شعري بحال الصورة 👆 اما وجهي ديما طبيعي حيت معنديش مع الماكياج كنحس بوجهي غير مسلفاه او خديت السخرى وشي فلوس من عند ماما وخرجت .
مشبت نيشان لدار خالتي سميرة (صاحبة ماما صراحا دريفا كانت جارتنا مني كانت عندي 6سنين غير مسك عليهم الله او تحولوا ولاكين بقات الصحبةبينها وبين ماما) بين ما وصلت نعرفكوم عليا. انا افنان عندي 22عام بابا مات او انا بنت8سنين انا بوحدي لي عند ماما عايشة انا وياها فدارنا عاديا فحي عادي مشي شعبي وماشي راقي يعني عادي ياه القافية جات هيا هاديك عندي اجازة فالإدارة والتسيير او الخدمة الله يجيب ،معروف عليا فدرب بلي قاصحة و مرجلة هاكدا رباتني ماما واخا ما بيناش عليا حيت وخا مرجلة كيعجبني نلبس ونتأنتك ولاكين ضروري من الكيطمات او حوايج دراري مايمكنش نعيش بلا بيهم كنموت عليهم أما بالنسبة للناس لي فحياتي معدودين علا رؤوس الأصابع : ماما:لالة مريم مرا حرشة ولاكين حنينة كبراتني وقراتني ما خلاتني محتاجا لحتى حاجة كانت ليا اب او امما خلات ما دارت عليا هيا فالخمسين من عمرها. محسن:فيه خويا عشيري وحتا بابا قرا معايا وكبرنا بجوج بحكم حنا ولاد درب واحد هو لي كنهضر معاه فديك لحوما كاملة حيت انا حدودية بزاف او معنديش معا البنات حيت فيهم النميمة والحسد بزاف اما ولاد دربنا مرا مرا حتى هوما كنقصر معاهم كورا وعزيزة عليهم. لالةالزوهرا:خت ماما الكبيرة والوحيدة عايشة فميريكان هيا وراجلها مسكينة مكتولدش او دايراني بحال بنتها مهليا فيا بل البيان هيا لي كتشري ليا الحوايج كتصيفط ليا غير البيايسات الناضين شحال من مرة اقترخات عليا نجي نعيش معاها ولاكي انا مكنبغيش . وأخيرا مروة: بنت جيرانا او صا حبتي كنخرج انا وياها بزاف مهيم هي اول درية كنرتاح معها مهيم دريفة وكانت قرات معايا . هادو هما الناس لي فحياتي او بس. ###### البارت الجاية انشاء الله قريبة وغدي تكون حتى واحد البارت فيها وصف الشخصيات بالتدقيق و قولوا ليا كيف جاتكم البدية بليز ديرو vote او تأبوناو عندي او كتبو شي كومنت
