القصة تحجي عن بنت عايشة وية ابوها واخوانها الاثنين تنتقل حتى تعيش وية بيت جدها وينطلب منها انو تزوج ابن عمها وهية متحبة بس ابن عمها يبقة يحب بنت عمتها وبعدين توقع بحب شخص مختلف عنها وتعيش احلى قصة حب
وبين ماهمة ديتعشون اكيد اسامة ماسد حلكة .. اسامة :اممم ..لك شهل اكل الطيب حاسس اني بعدني اكل من اكل خالة سعاد .. ملك :اي واللة الاكُل كولش طيب عاشت ايدج خالة.. سماح : بالعافية حبيبتي .. الجد :اللة شكد حلوة جمعتنة كلنة سوة علة سفرة وحدة .. الجدة : اغديلكم فدوة .. اسامة :وااات ..شنو معنى اغديلكم ... امير :هاي كلمة بمصطلح بيبيتنا .هههه.. ملك :هههه ..مصطلحاتج كلهة عسل .. الجدة :يا حبيبتي انتي العسل ... سيف :عسل مر .. ملك :شتفضلت .. سيف :سلامتج ..بس داكول انطيني دولكت المي من يمج ... ملك :انتة اخذهة ما اشتغل عندك .. جهاد :ملك ..انطي مي .. اسامة :شفت بابا بنتك هناك دائما تصنع البرائة ..بس طلعت مو بس اني الي اعاني منها حتة سيوف شفت واللة محد حاسس بيك غيري ..وخوب لو طكن فيوزاتها تصير وحدة ثانية مثل النمر المتوحش .. امير :اسامة انا اكول لو تخلي عينك بصحنك .. اسامة :من يقول الحق خسران .. فاروق :لا ملك خوش بنية اكيد الغلط من سيف بعد الولد داعمهة ومطيح الكيكة علة راسها شتتوقعون منها تسوي .. نازك :بس من ذبت العصير علة سيف ياللة دادخيل منضرة ..هههههههه.. سيف :😒😒😒 قدر :اي بس هاذي مو زينية اني عن نفسي مستحيل اسويهة لان هاذي يسموها قلت ادب .. ملك :عن نفسج ..بس اني عن نفسي ما اقبل بالاساءة اذا انتي عندج قلت ادب هاذة تفكيرج ..بس اني لا يمكن اقبل الاساءة 😤😤 قدر :😒😒😒 سماح :احممم ..اسامة كلي انتة وامير ماناوين تتزوجون علمود نزوجكم انتم وسيف بنفس اليوم ونفرح بيكم .. .. اسامة بينة وبين نفسة :هاذي عود دتحاول تغير الموضوع وضربتنة بالنص هسة شيفكني ... لا خالة وين لاحكين علزواج ... سماح : اي بس اكو وحدة ابالكم صح .. امير : اني عن نفسي ممفكر بالزواج ولا وحدة ابالي بس اكيد اذا فكرت انتي اول وحدة راح اكلها تعالي خطبيلي .. اسامة :واني ممفكر بالزواج واصلن ما احب صح اصادق بس لحد هسة ممخطط اخطي هاذي الخطوة .. ملك :وسارا ..هاا مو علاساس مشاعرك تجاهة تختلف عن كل البنات مو كلت انك معجب بيها.. امير :شلون يعني ..اسامة اذا مخطط تضحك عليها فدير بالك من هسة اكلك لان هاذي مثل اختي وما اقبل عليها معزتها مثل معزة ملك.. اسامة :لك لا واللة صح معجب بيها بس بعدني ممتاكد من مشاعري ..🌸🌸 ملك :ياريت متضحك عليها .. جهاد :سدو الموضوع وكملوا اكلكم من كعدتو عل السفرة وانتم بس تسولفون ما مليتوا.. كمل العشة وبقوو يسولفو ن شوية ويضحكون الكل تعب والكل راح الغرفتة حتة ينام ... صباحا# ملك جهزت نفسهة حتة تروح تشوف جامعتهة الجديدة وتقدم اوراق النقل هية واسامة وطبعا وية جهاد .. ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واسامة لبس تشيرت نص اردان لون بيض وبنطلون اسود ..ونضاراتة وفيكاتة .. قدمو النقل ونقبلو بالجامعة وامير راح وية سيف وعمة للشركة وسيف فرحان لانو راح يخلص شوي من الشغل وبعد ما عرف انو امير يحب الشغل وانوو هوة رجل اعمال ناجح ارتاح من الشغل ..
ومر اسبوع كامل واتاقلمو علوضع بس طبعا ماخلة من عرك سيف وملك واسامة صارو كلة يسمونها المشكلجية وقدر راح تموت من الغيرة تغار من ملك ..صح دائما تتعارك وية سيف بس عل اقل راح تصير مرتة ومنطيهة وجود بحياته علة عكسة وجودها وعدم وجودها نفس الشي متعرف انو هية الها هواية عالم تحبهة بس كل الي هامهة سيف ..
ولهنا يكون خلص البارت اتمنة يكون عجبكم ياترى توقعاتكم قدر شراح تسوي حتة تخلي سيف يحبها وياترة سيف يبقة يحب ملك لو لا احبكم كومة اريد تفاعل علة هاذ البارت علمود انزل البارت الجاي🌸🌸
