الحان القبول

البارت الاخير 🌷

السلام عليكم شلونكم بنات ..
هذا بارت مفاجئ ..
........

جهاد ..اني يا بابا مدايملكم وحابب افرح بيكم ..وكلبي ناغزني ..وخايف عليكم ..ماريد اخوفكم ..بس تذكرون الشخص الي انسجن والسبب بحرق بيتنا ..
امير ..اي شبي ..اصلا اني متحلفلة ..
جهاد ..اي ..للاسف قبل شهرين طلع من السجن ..
بابا ملك ..عوفيني اني واخوانج عندي موضوع وياهم ..
ملك بانزعاج ..ماشييي رايحة ..طلعت وسديت الباب وراي ..واللة خوش هسة ليش يطردني .. ياربي لو خالقني ولد مو احسن ..هفففف ..
..............

اسامة ..بعد مطلعت ملك من الغرفة .. كمل كلامة بابا ..
جهاد ..ماريد ملك تعرف بالكلام الي حقولة ..
رافد من يوم الي طلع ولحد الان ديدزلي تهديدات ..
اسامة ..وليكون ديهددك بملك ..واللة موتة علة ايدي..
امير .. تهديد بشنووو ..
جهاد ..مو بملك ..وانما يهددني بقتل امير ..
امير ..هه لتخاف علية ..اني خوفي هالكلب يريدك تركز علية وياذي اسامة لو ملك ..
اسامة ..زين شمعنى انتة ..مو عموو فاروق هو السجنى وعداوتة ويااه المفروض ..
جهاد .لا عداوتة وياي ...
قبل بوقت الكلية جنة اني ورافد اعز اصدقاء ..
اكثر من اخوة .. بس وضعنا المادي جان اقل من متوسط .. وبوقتها هو جان يحب بنت من ايام الثانوية يموت عليها  وخطبها وقرروا بس يخلصون جامعة يتزوجون .. وهو يحبها الى درجة بحيث لو تطلب روحة ينطيها وميتردد ..بيوم من الايام صارت تتوددلي ..هية جانت جميلة بشكل وبنضرة منها توقع كل طلاب الجامعة بس كل هذا مأثر بية المهم عندي اخوي وعضيدي .. من شافتني منطيتها مجال صارت تخرب بيني وبين رافد وصارت تكلة انو هو يتحارش بية بس هو مصدگها واصلا مهتم يكلها سوء تفاهم ..بس هي ميأست وضلت توز براسة ليش مابيوم من الايام شفتها تخونة وية واحد رحت وكتلة وهوو كل ضنة انوو اني اكرها ولانوو تهمتني اسوي بيها المثل وتعاركنا وتضاربنا ..ورة فترة هيج عرف فاروق ورزلنا وكال الموضوع ميستاهل وصالحنا ..ورة فترة اجتني رسالة من رافد بالليل انو هوو والشباب مجتمعين بيت واحد من الربع وسهرة وكذا فاني كتلة ماشي دزلي العنوان دزة رحت لكيت الباب مفتوح دكيتة مرة مرتين محد فتحة كلت ملتهين ميسمعون المهم دخلت وياريتني مادخلت ..رحت للاستقبال ماكوو احد اتصلت برافد مرة مرتين ماكوو كلت يجوز غلطان بالبيت ..وي ما اجيت اطلع صارت كدامي سهى الي هي خطيبته الرافد متانقى على اخر حباية بملابس النوم والمكياج والشعر ..للحضة انصدمت ..بس راستا نزلت عيوني واستغفرت ربي يشهد اللة علية ما نضرتلها غير مرت اخ بالنسبة الي ..رولتها واجيت اطلع ركضت وحضنتني وي دخلت رافد ..بهاللحضة جمدت بمكاني ماعرفت شلون اشرحلهة موقفي حاولت ابررلة بس مفاد هجم علية بوكسيات هنا اني ماتحملت رجعتلة ضرباتة ..بعدين رافد فقد صار يبجي ويضرب على راسة ويعيط ..وكل شوية وضربني بوكس والحقيرة واكفة تتفرج وتبتسم هجم عليها وهية شردت وقفلت باب الاستقبال عليها .. رجعلي وحجة كلام خلاني يختل توازني ..
رافد ..صدكني يخوي اني ما نكسرت لان هية خانتني لا اني ضهري نكسر لان انت الخنتني ولك جنت حاسبك اكثر من اخ ..واعز يشهد اللة علية احبك اكثر من هالساقطة هاي بس انتة شسويت خنتني لو كايلي يرافد هالبنت عاجبتني جنت كتلك تحرم علية مره اخوي عاجبتة جان واللة عفتهة الخاطرك واني الممنون .. ولك ليش طعنتني بضهري بس روح يجهاد واللة لندمك علة كل دمعة نزلت مني انتة وهالفاجرة بسيطة ..راح وعافني واني دموعي عشرة عشرة ..لحكتة البيتهم وضل يغلط واني احاول افهمة صعد ضغطة وتخربط وخشمة طك دم ..امة شافته هيج صارت تلطم على راسهة تخربطت خذوهم للمستشفى الحجية اجتهى الجلطة وماتت كل ضنها ابنها الوحيد توفة ..ورافد يومين فاقد الوعي ..ومن صحى حلف يكتلني موت ..لان اني السبب بموتت امة .. فاروق من سمع مقبل يخليني لحضة بالعراق راستا سفرني ماقبلت واعترضت وردت ابرر موقفي بس دموع امي وابوي وتواسيلهم هنة الجبرني اروح ..
ورة سنة من سفرتي تعرفت على امكم وحبيتها وبقينا سنتين واحد يحب الثاني انوب فاروق بدة بمشروع شوية شوية طور نفسة وصار عندة شركة صفى وضعة ولحكوني هو ونازك وامي وابوي ..
خلصت كلية وطلبت ايد امكم ورة سنة من زواجنا صار عندي امير وبعدين اسامة وملك ..وعايشين مرتاحين  ورة سنين ماعرف شلون رافد عرف ولحقنة ويريد ياخذ ثارة ..وصار الي صار وهسة هوو طلع من السجن وديهدد ..
اسامة .. واللة ماعرف شكول بهيج حالة ..هذا اكيد مو صاحي ..
امير ..من ناحية ثانية هم حقة هو ميعرف الحقيقة ..
اسامة ..بس الي سواه مينغفر ..
امير ..اني وياك ..بس بابا انتوو لازم تلتقون وتوضحون سوء التفاهم الي بينكم ..
جهاد ..بس اني وضحتله وحجيت ويا بس هو ميقتنع وهو حر بس اريدة يبعد عنا ويكفينة شره ..
امير ..عوف هالموضوع علية ..اني راح احله ..
—————
بعد مرور خمس اشهور
نور ..اليوم هو يوم عرسي واحلى يوم بحياتي ..اليوم راح اتزوج فارس احلامي واميري الي من طفولتي واني احلم بي ..اليوم اجمل واسعد يوم بحياتي ..اليوم اني واختي حنتزوج الشخص الي اختارة قلبنا ..مسوينا حفلة الحنة هو حنة هو عرس .. لابسة الفستان الابيض ومقابيلي اختي لابسة فستانها الابيض ..وملك اختي الي مجابتها امي ..وقدر الي بفترة قصيرة صارت اخت غالية علة قلبي وبطنها الكبرانة دخلت بشهر السابع ..
وروان وسما ..
روان ..هاي شنوو احنة خطبنة قبلكم وانتوو تتزوجون قبلنا ترة هذا مو عدل ..
سما ..الي يسمعج ميكول هي الي تماطل بسالفة الزواج ..
ملك ..خطية محمد تورط بحياته من حبج ..ماكول بس اللة يعينه ..
روان ..ملوووك ..وبعدين حبي هو وين صاحلة مثلي اشوو جمال ورقة وادب وسنع ..
قدر ..هسة غير تكعد راحة انجلينا جولي ..
روان ..تروحلي فدوة ..
سارا ..بنات حاسة مغص ببطني ..
قدر ..على شنوو وداعتج بس اول مرة وبعدين تصير عندج حلاوة ..
بقن البنات يهدأنهن واني سرحت بخيالي القبل شهر ..
ملك ..
جنت بالدوام ..لانوو بدت الكلية والسنة اني مرحلة رابعة .. واية اخت علي هماتين تدرس بنفس كليتي  .بس غير مرحلة والصدفة اجه علي االي يوصلها ..ماعرف متقصد .. بس ماعرف شي بداخلي فرح بشوفته .. علي انسان رائع مع انو شكد مغرور وجنت ابدا ماطيقة لانوو مليق الى درجة ..
بس مع مرور الوقت اثبتلي العكس هواي اكوو مواقف تجمعنة سوووه ..
علي ..مرحباا .. شخبارج..
ملك ..😊😊مرحبتين .. تمااام وانت ..
علي ..بخير اذا انتي بخير ..
ملك :..................
علي ..احبج ...
ملك ..هااا😮😮..
علي ..احبج ..
......
روان ..وين صفن الحلوو ..
ملك لا هاا مويمج ..
....
بعد مرور سبع سنوات ..
ملك ..علي ..علي ..
علي ..عيوني ..
تعال انزل اجوي الباب دتندك ..
رحنا فتحناه ..
الكل ..سلاااام ..
علي ..تفضلوو .وعليكم اسلام ..
ملك ..بابا حبيبي ..
جهاد ..شلونها بنتي الحلوة. ..
ملك ..بابا ياحلوة بعد كبرت وصرت ام ٣ اطفال ..
جهاد .. ولوو حتبقين بنيتي الصغيرة الحلوة ..
بهالسبع سنين الي مرت هواي شغلات تغيرت ..
تزوجت من علي وصاروو عدنة ولد تلاثة وهسة اني حامل .. احمد ومحمد توم عمرهم خمس سنوات  ومصطفى سنتين وحامل ببنية وعلي يريد يسميهة جمانة ..
وامير ونور تزوجوا وصار عدهم  مروان ست سنوات وجوان خمسة ..
واسامة وسارا ..بنات ثنين غزل و وقار وهسة هية هماتين حامل بولد ..واسامة يريد يسمي كرستيان على اسم لاعب ريال مدريد ..وسارا متقبل لان متحب ريال وتريد تسمي منتضر ..
وسيف وقدر صار عدهم سجاد عمرة سبع سنين واريج خمسة ..
وروان ومحمد تزوجوو وصار عندهم ولد سموو كيان ..
واية واشم هه ماعرف هذول شوكت حبوو بعض وشوكت قرروا يتزوجون ..هه تزوجوو قبل شهرين ..
وجود وسما وصار عندهم بنية وسموهة مريم ..
اما رنا اوف يارنا شكد حاولت هالبنت انو تفرقنا اني وعلي بس مكدرت بالاخير كدرت تثتنع انو هية مو من نصيب. صارت دكتورةشاطرة وهسة هية متطوعة للاجئين الفقراء بالدول العربية وانخطبت لدكتور وياها ومنعرف شوكت يتزوجون ..
وعمتي نازك وجدي وغمو فاروق وعمتي سماح عايشين حياتهم اللة يحفظهم النا ..

ملك ..جبت البوم الصور ..
سماا ..اوو اجة بوقتة ...
كعدة نتفرج علي ..
ملك ..هنا بيوم عرسنة بوقتهة اضحك علة علي لانوو نضربت رجلة بباب السيارة ههه ..
روان ..وهنا اني ومحمد ورة ولادتي بيوم دنتعارك على الاسم اني اريدة كيان وهوة يريدة قاسم  ..
سارا ..وهنا بيوم الحنة خجلانة وعندي مغص ببطني بوقتها جنت كولش خجلانة  
نور ..وهنا بيوم العرس اني وامير هاذ اليوم من اجمل ايام حياتي ..
......
الكل راح وجهالي يلعبون بغرفتهم ..
علي ..احبج ..
ملك .اعشقك ..
قرب ديبوسني..علي هسة يجون الجهال ..
علي ..واذاا.   وفجأة ..
احمد ..ماما تعالي لحمدي ضرب صفاوي ..
علي وملك ..هههههه ..يلة جايين ..
.....  

ولهنا وتنتي قصة الحان القبول ..
اتمنى تكون القة عجبتكم طبعا القصة من وحي الخيال ..دائما القصة بيهة نوع من الحزن والمعاناة وقررت انوو اكتب قصةةبدون حزن بلكي شوية تفرحكن ..وبس احبكممم كومة ..
انتضروني بقصة جديدة وهالمرة القصة مثل مكتلكم من قبل حتكون واقعية ..
.... 
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
احبكم كومة ..
الكاتبة غفران ..
🌷🌷🌷🌷🌷🌷🌷🌷
🌿🌿🌿🌿🌿🌿🌿🌿