الحان القبول

البارت ٢٢🌷🌷

السلام عليكم شلونكم بنات طبعا عتبي عليكم ليش ماكو تفاعل يعني اني من داكتب واللة اتمنيت كلمة تشجعني منكم ..متعرفون كمية السعادة من شخص يسوي شغلة او عمل ويجي احد يكلة ولو كلمة بسيطة تمدح شغلة يحس نفسة مسوي انجاز معلينا بانو ميهمنا كلام الناس ولا انو واثقة بنفسي وميهمني احد لا صدكوني من احد يمدح شغلك تحس بالسعادة تغمرك واني هاذ احساسي من يجي احد منكم يكلي استمري او عاشت ايدج واللة افرح صح بعدني مبتدئة واني من داكتب حتى اقضي وياكم وقت وهم اعيش وياكم لحضات حلوة احبكم كومة وربي ميحرمني منكم ادعولي انو اللة يوفقني واكمل وياكم للاخير تحياتي الكم احبكم ..
................
الحان القبول البارت ٢٢
🌷🌷🌷🌷🌷🌷🌷

ملك ..طاح حظج وحظ زوجج..
قدر ..نجبي لج ..
ملك ..بااااي ..
طلعت وجان اشوف جود اخو للمتكبر ((قصدها علي)).. واكف يم سيارتة شكلة يريد يروح وشوية ويطلع ابو وعمو وبابا من الاستقبال ..يضحكون ويودعونة وعمو يكلة ابقى عل عشة بس هوة مقبل ..وصلوو يمي استحيت ماسلم علية وهوة مبين خوش رجال رحت تقربت عليهم وكلت ..
ملك ..السلام عليكم ..
عمو وبابا وابوعلي ..وعليكم السلام ..
ملك ..شلونك عموو ..
اسد ..هلة بيج عمو انتي شلونج شخبارج ..
ملك ..تمام الحمد اللة ..
اسد ..جهاد ماتكلي شمسوي بحياتك حتى اللة رزقك بهيج بنت جنهة بقلاوة ..
جهاد ..هههههه هالبقلاوة هاي ام المصايب ..هية نفسهة الكتلك عليها علة موقف اليوم ..
ملك ..بيني وبين نفسي ..عزززززة وين اروح من الفشلة واللة عيب هسة شيكول علي ..لحضة لحضة واذا يعني ..اصلا ليج اخجل ماسويت شي غلط ..صايرة خجولة ..واللة صايرة وحدة ثانية ماعرف نفسي بس ليش هالرجال طيب لهدرجة وحباب ويحجي كلام حلوو وكلة ذوق عكس ابنة المغرور عديم الذوق اللة ياخذة اليوم شكد قهرني بكلامة ..اني شبية صايرة هواي افكر بعلي بس لا ...لا لا مستحيل شنو هو لا مستحيل لا ملك اصحج لا تفكرين هيج انتي من سابع المستحيلات تكونين معجبة بهالغبي المتوحش هاذ لا لا ..
صحيت علة عمو ابو علي وهوة يكلي ..هاا وين صفنتي ..
جود ..الصفنة للحمار ههههه...
ملك باستهزاء ..هههه دمك خفيف 😒 ..
سيف ..هههه اين جبهتك يارجل ..
جود .انتة انجب 😌😌..
اسد ..يلة من رخصتكم يلة جود ..
فاروق ..اهلا وسهلا ولو ملحكنة نشوفكم ..
اسد ..الجايات هواي انشاء اللة نخليكم تملون منة لحد متكلونة كافي ملينة ولوو لهلكم ..
جهاد ..هههه حبيبي منو كلك هسة احنة مطردناك بس هاي كلمة التنكال وانتة لزكت ماصار وداع ..
اسد ..اهووو يحسسني جاي علمودة ..ترة اني اجيكم غصب عنكم البيت بيتي 😂😂..
جود ..يبوووو ولك بابا انطردنة ..
اسد .ولك لاكة هاي علة منووو ولك ..
جود ..امسحهة بوجهي ابو الجود دنشاقة دنشاقة .. خاني التعبير ..
اسد ..بعدين نتحاسب ..
جود ..ياخي دنمززززح ..
ههههه واللة حببتة لهاذ الجود شخصيتة مرحة وخصوصة بعد اخر موقف لمن تعرفت علي كعد يصنف عالناس وعلة لبس البنات وينطي رأية شبعنة ضحك ..يربي عكس اخوو الحقنة ..
راحووو واستلمني بابا ..
جهاد ..ها حبيبتي وين رايحة ..
ملك .. طالعة اتمشى شوية ضايجة ..
جهاد ..اسامة كلي انو هوة طردج ..
سيف ..عمو احنة مو محتاجين عاملة تنضيف ليش منشغلها ..
ملك ..ننن راح اموتك واللة عمو صيح بي ..
فاروق ..نجب لك .. وعلي اذا زعلت ملاكي اسحلك ..
ملك ..حبيبي عمو تسلملي ..
سيف ..😮 هاي علية بابا ..عودك انة ابنك الوحيد ..وبعدين متكلولي منو هاي الحشرة انجيلينا جولي ومادري ..
ملك ..تغار مني ..
سيف ..انجبي ..
ملك ..يلة بااااااي ...
...بااايااات
جهاد .خلي السايق يوصلج ..
ملك ..لا ماريد اريد اتمشى ..
جهاد ..براحتج ..
طلعت اتمشى علة كد ما الجووو حلوو بي برودة ونسمة هوى حلوة بس واللة مو احلى من هوى بغداد اللة يالعراق اتمنى اروحلة رحتلة مرة وحدة وية بابا واسامة من صغيرة وبعد مارحت ..بس امير وبابا كل فترة وراحوو كم يوم ورجعووو ..
اخخخ شتاقيت للبنات ممتعودة هيج افاركهن واللة جنة منتفارق ..يلة مضل شي هية كلها اربع تيام ونروحلهم نتحمل ..
.........
نور ...اكول اسووو ..
سارا ..همممم ..
نور ..اشتاقيت لملوك ..
سارا ..لملوك لو لاخوو ملوك ..
نور ..نجبي واللة صدق مشتاقتلها وهم مشتاقة لامير ..
سارا ..يلة حبي مابقة شي عن قريب نعيش بنفس لبيت ..
نور ..اييي هم صح ..
سارا ..خلي نتصل بيها ..
نور ..اوك يلة ..
📞📞☎📞📞
الووو ..
سارا ..ياهلة بهالصوت ياهلة بحماتي اقصد اغاتي ..
ملك ..هههه ياهلة ياهلة بمرت اخوي ..
نور ..مرحبا شلونج ملوك ..
ملك ..تمام التمام انتو شلونكم شخباركم ..
نور ..الحمد اللة بخير ..
سارا ..لج ميموو مشتاقتلج كوووومة ..
ملك ..والنبي اني اكثر قبل شوية جنت افكر بيجن لج متصدقن شكد حاسة نفسي وحيدة مع انو قدر والبنات هنا بس انتن مكانجن مختلف انتن خواتي الي ماجابتهن امي ..
نور ..يعمري والللة احنة الاشوق ممتعودين نتفارق هالكثر ..
سارا ..يلة فرجة مبقة شي وننجمع ببيت واحد ..
ملك ..مستعجلة ست سارا ولا تستحي اني شايفة البنت تخجل بهالموضوع .. خصوصا من اهل الولد واني اخت العريس يعني حماتج ..
سارا ..حتى لو اريد اخجل انتن متسون واهس وبعدين واذا حماتي تبقين غصون حبيت قلبي ..
نور ..كانو داشم ريحة لواكة ..
سارا ..انتي نجبي ..
نور ..اي مكلتيلي امير شخباره وعمو وجدو وبيبي قدورة الكل شلونهم ..
ملك ..كلهم زينين انتي كليلي اخوج الخبل اشم شلونة ..وعمو وعمة ..
نور ..تمام التمام ..
وبقووو يحجون شوية عن حياتهم وشسووو وختموهة بالوداع  ..
اوووف ياللة شوكت يجن يعيشن يمنة واللة مشتاقة لطلعاتنة ولعركاتنة سوة ..تمشيت بمنتزه واشوف الجهال شلون يلعبون وامهاتهم وياهم اخخخ يا ماما شكد مشتاقتلج ملحكت اشبع منج اخخخ محتاجة وجودج يمي مشتاقتلج ماما محتاجتج بكل لحضة بحياتي امير وجود حيزوجون وانتي مو ويانة غير المفروض انتي ترحين وتخطبيلهم ماما نور وسارا خوش بنات حبابات ..ماما حبيبتي محتاجتج 😟😟😟...
اسمع رنت تلفوني بس مالي خلگ حتة ارد شفت منو شنوو هاذ شعندة متصل مو كافي الصبح حصلتلي منة رزالة ..هسة شيريد ..ارد لو لا ..خلي ارد اشوفة شيريد ..
.....نعمممم شرايد اذا متصل حتة تعتذر ف..

قاطعهة ..لا مو علمود هالموضوع  ...

..بكلبها ..خرب فشلني ..احم اي شرايد لعد ..

..ممكن نلتقي وهسة ضروري ..

..وليش يعني تكدر تحجي الي تريدة ع التلفون ..

..بس االي اريد اكولة ماينفع ينحجي ع التلفون ..

..هففف ماشي شوكت ..

..هسة ..اذا تحبين نلتقي ب.......

...لا لا اني هسة موجودة بمنتزه...... تعال انتة ..

..ماشي جاي ..باااي ..

..باي ...
ياترى شيريد مني ..
بقيت منتضرتة قرابة النص ساعة واجة ..
علي ..خواما اتاخرت ..
ملك ..اي وهواي اصلا كلت الك دقيقة اذا ماجيت اعوفك وامشي بس للاسف اجيت 😒😒😒..
علي ..ملك ..اعرف انج مضايقة من كلامي الي كلتة الصبح بس ترة اني مغلطان ..اي لتباوعيلي هيج فعلا مغلطان هاذي كانت ردة فعل علة تصرفاتج الماصخةةالي مالها معنى ..حطي نفسج بمكاني شحتسوين لو اني اتصرف مثلج وكل شوية وناطة بوجهي وتحجين كلام تكبر منج ..
ملك ..بهدوء ..تعرف شكد اكرهك ..
علي ..ابتسم ..اعرف ..ولهسبب اني اجبت...
ملك ..شتقصد وضح اكثر بكلامك ..
علي ..ملك ماعرف شلون وشوكت
بس ياملك كل الي اعرفة ومتاكد منة اني هسة انو اني .........       

🌷🌷🌷🌷🌷

لهنا ويكون خلص البارت اتمنى يكون عجبكم ولتنسون تكتبولي شنو توقعاتكم للبارت الجاي بنات مسموح انتقاد القصة بس رجاءا خلو الانتقاد باحترام وبس احبكمممم هواية شفتوو شكد مدللتكم كل بارت متغزلة بكم ياحلوين امواااح ..
😘😘😘😘😘.                                                 🌹🌹🌹🌹🌹🌹🌹🌹🌹🌹🌹🌹🌹