الحان القبول

البارت ٢٤

السلام عليكم 🙋🙋

هلووو بنوتاتي شلونجن ..
وهاذ بارت ..فدوة تفاعل للقصة ..اريد احس نفسي صدق كاتبة هاي شبيجن محسساتني مثل بياعة خضرة بنص الصحراء ..مروتجن وين الهمة وين العزيمة ..يلة اغمض وافتح الكاجن متفاعلات خرب حضي المصخم ..يلة كملن البارت ولوو هو انتن وينجن اشوو تنعدن عالاصابع كلش اذا كتل روحة البارت ..يقرنة عشرين والمصوتات خمسة ..والتعليقات حدث بلا حرج ..واللة لو ماكول عيب جا انا علقت النفسي..
😂😂..
يلة اخليجن وية البارت ..
قراءة ،، ممتعة
.............ً......

# الكاتبة – غفران ..
....................

#رواية ...

الحان القبول ..

البارت الرابع والعشرون ..

🌷🌷🌷🌷🌷🌷🌷🌷🌷

ملك ..موت بيبي جان فاجعة وعياط عمتي نازك وعمتي سماح ..وقدر الي ملخت نفسهة ..ودموع بابة وعمو فاروق وصدمة الولد ..اني صح معشت هواي وياهة ..واصلا قليل ما اشوفهة ..لان مريضة ودائما بغرفتهة ..متتحمل تعب ..بس مجرد عمتي نازك تعتني بيها وحتى جدي قليل مايتواجد وياها ..لان التجمع مو زين على صحتها ..وميصير تحجي هواي ..يضر بصحتة ..وبالاخير ماتت ..واللة مشبعت منها ..بجيت بجي ..يمكن بحياتي كلها مابجيتة مو بس على بيبي لا ..لان لاول مرة اشوف دموع بابا من بعد فقدان امي ..وعمتي نازك وحتى جدي يبجي .. دزوها للمستشفى حتى تبقى بثلاجة بين ما ياخذون تصريح وموافقة حتى يسفروهة للعراق يدفنوهى بمدينة النجف لان امنيتهة هي وجدي انو يندفنون بوادي السلام ..بواسطات عمو فاروق گدروا ياخذون الموافقة ..واني حبست نفسي بالغرفة ماكدرت اطلع ..واخذت النوم وسيلة حتى ما اسمع صوت بجيهم ..
.....
علي ..
من بعد ما اعترفت لملك ..اني معجب بيها ..مشوفتها وجهي ولا تواصت وياها ..خليتها على راحتها ..اني ماريد منها شي ولا اريدها تصير الي بس مادري شنوو الي خلاني اعترفلها لان اني بطبعي صريح ..بس طول هالفترة الي بعيد عنها احس نفسي مشتاقلها واحس الي بداخلي اكثر من شي اسمه اعجاب ..ماعرف ليش ملك بالذات مع انوو ولا موقف حلو جمعنهة سوة مجرد نتعارك .. بس اذا فعلا اني احبها ..مستحيل اتخلى عنها .. فكرت طول اليل وحسمت امري ..خلص اني احبها لملك ..واروح اكلها ..بس اخاف متتقبل ..وليش ترفضني اصلا شنوو الي بية يخليها ترفضني ..اشوو وسيم ..بس هي ميهمها الجمال ..
ومتمكن ..ولا يهمها الفلوس ومو مادية ..بس خلص اني راح اكسب كلبها ..مهما كلفني الامر ..دزيتلها رسالة انو اريد اشوفهة وقررت احاجيها ..
لشوي طلعت حتى اتعشى ..واشوف بابا مخبوص ..
علي ..خير يابة ..شصاير ..
ابو علي ..الحجية ام فاروق انطتك عمرها ...
علي ..انا لله وانا الية راجعون ..اللة يرحمها ..
ابو علي ..يلة ابني صيح اخوك وخلي نتوكل نروح الهم ..
علي ..صار ..
جووووووود ..جووود ..
جود بتذمر  ..هاااا ..هاااا..
علي ..وسممم تعااال ..
جود ..ها شصاير ..
علي ..ام فاروق توفت ..امشي خلي نروحلهم ..
جود ..قصدك بيبية هاي الحلوة ام عيون الزرق ..
علي بعصبية ..نجبب للك ..اذا جبت طاريها على السانك اكصة الك ..وبعدين ليش تحسسني متعرفها ولا جنك جنت انهار كلة يمهم ..
جود .. هه اعصابك اعصابك ..داشاقة هاي شبيك ..وبعدين تعال كلي شبيك معصب كلة علمودهة ..
علي ..لك كل عقلك تحجي اكلك ..الحجية توفت  والعالم اللة اليعلم بحالهم ...
جود بصدمة ..تحجي صدوك ..
علي ..لعد صارلي ساعة شلغي ..
جود ..واللة علبالي تشاقة .. يلة امشي امشي خلي نتوكل ..
توجهنة لبيتهم الي علة بعد ربع ساعة عنة ..
جود ..اللة يعينهم ..ويرحمهة ..سيف كولش يحبها ..
علي ..امم حتى امير واسامة ..صح مصارلهم هواي من التقووا بيهة بس اتعلقوا بيهة ويعزوها ..
جود ..طبعا يخوي الدم يحن ..
وصلنة للبيت والدنيا مقلوبة كلها تبجي هنا عدهم ..والجيران ملتمة يم الباب ميعرفون السالفة شني ..
توجهت للولد ..سيف واسامة ..
علي ..اللة يرحمهة ويسكنة فسيح جناته ..
جود ..اللة يرحمها ..
اسامة ..طبطب على كتف جود ..
سيف ..اوووف ..قبل شوية مبيهة شيء ..
علي .. بعد هذا يومها ..اللة يرحمها ..
شباب بعد ماوصيكم اي شي تحتاجووو اني بالخدمة ..
جود ..واني بعد موجود ..احنة اخوانكم ...
اسامة ..كفوووو منكم متقصرون ..
شوية واجة محمد   ..
.......
ملك ..مرن سبوع علة وفاة بيبي عود واسطة وفلوس وبالكوات يلة البارحة كدروو يسافرون بطيارة خاصة ..بس جدي وبابا وعموو فاروق وامير وعمتي نازك وعلي وابوو  راحووا ..
اسامة وسيف بقوو يمنة مراحووا ..
سيف بقى هنا علمود قدر لانوو ثالث يوم الفاتحة تخربطت واخذوهة للمستشفى سولهة تحليل وطلعت حامل خطية فرحت وصارت تبجي بالزايد ..
وهم اجوي البنات نور وسارا وامهم وابوهم وحتى اشم اجة ..
خطية تاجل عرسهم ..
و اية ونور وسارا معافونة ابد يشتغلون ويانة..
وحتى سما وروان .. ودنسوي ثوابات ونوزع بس هنا مو مثل بالعراق ..جنازتهم تختلف عنة ..سوينة فاتحة ..بس شكم واحد عراقي وعربين مابيهم عشرة ..
وهاي رنا ماعرف شسمهة بت عم علي بس تخوزر بية
ومعاجبهة العجب .. عبالك كاتلة ابوهة ..واللة ياللة ..
........
مر سبوع ورجعوو من العراق وطول هالفترى
اية وخالتي ام علي معافونة وهاي بت خوها بعد مشفناهة بس اول يومين ..
وآشم وجود وية الولد معافوهم ابد. .
وسارا ونور معتنيات بقدر لان خطية كلش مريضة اكثر وحدة تاثرت بينة ..
..
# اية
من عرفنة بيبي ام فاروق توفت كلش نقهرنة لان ابد مفرقتنة عن احفادهة دائماً جانت تكول اني مو بس بيبيت سيف وقدر لا اني بيبيتكم وتحضنة وتبوسنة وبطفولتنة شلون تغنيلنا وتحجينة قصص هواية ذكريات تجمعنة بيهة اللة يرحمهة ويسكنهة الجنة ..رحنة لبيتهم سفروهة للعراق يدفنوهة بالنجف لان اللة يرحمها جانت دائما تكول وصيتي من اموت دفنوني بالنجف ببلادي ماريد ببلاد الغربة ..
اللة يرحمها حققوو امنيتعة ونفذول طلبها ودفنوهة بالنجف ..
قدر جانت كلش تعبانة ومتاثرة على بيبي مغ انو هي حاملوموزين عيها تتدهور حالتها ومتقبل لا تاكل ولا تشرب بس تبجي انكلها رحمي حالج واكلي ليصير ببانج شي كوه قنعناهة علمود ابنها تاكل ..
وهم نور وسارا مقصرن دايرات بالهن عليها ويساعدنة بالبيت ..
الساعة ب ١٠:٣٠بليل
جنت نازلة اصعدلها اكل حتى تاكل وتاخذ علاجها وتنام ..
دخلت للمطبخ وانصدمت بوجود شخص ماعرفة اول مرة اشوفة .. ديدور بالثلاجة ..
اية ..المعذرة ..من انت ..
اشم ..باللة هاذي شكلها ..اكلها ميت من الجوع واريد اكل ..والكلب اسامة عافني وراح ..امم لا شيء ..اني فقط ....
اية ..😊 انتة  عراقي مو  ..
اشم ..اي عراقي بس انتي هم عراقية اشو تحجين مثلنا  ..
اية ..لا بنگلادش ..طبعا عراقية ..
اشم ..هه 😅 مو قصدي .. امم يلة اني رايح ..
اية .. اسويلك عشى ..
اشم ..هو ان..
قاطعة اسامة ..احم احم ..عالاساس اجيت تريد زقنبوت ..
اشم ..بطنك ..
جود ..العب ..
اشم ،اسامة ..انتة انجب ..
جود ..خير حب قلبي مسويتلي نفسج الفلبينية مالتهم .. وتريدين تسويلهم زقنبوت ..واني هناك اتوسل بيج متقبلين ..
اية ..لانك مفجوع كل خمس دقايق جوعان ..وتعال لازم اسويلك سم ..
جود ..ببطنج ..ياريت .. عاد اكلج عليه العين اشو حتى چلاب الشوارع متقبل تاكلة ..
اسامة ..يمعود بعدين تعاركوو راح اموت من الجوع ..
اشم ..واني هم ..
جود ..خيتووو .. حنمووت من جوع ..
دخل سيف ..ليش مو قبل شوية تعشيتوو ..
جود ..ليش هذا هم حاسبة عشى ..
سيف ..ليش باللة استاذ جود شنووو حاسبة حضرة جنابك 😒😒..
جود ..مجرد تصبيرة للعشى صح شباب ..
اشم ،اسامة ..صح الصح ..
جود ..يلة ماي سستر ..
اية ..😊😊 من عيوني .. ثواني وحسويلكم اكل ..
جود ..انتي منووو .. وين اختي اية لا لا اكيد مبدليهة ..
اية ..نننن متضحك ..
جود ..ومنوو كلج داضحكج ..
اشم ..جود ..حنموت من الجوع عوف البنت تسوينة اكل رحمة الوالديك ..بس قبلهة عفية صيحيلي سارا ..
اسامة ..خير شتريد من خطيبتي ..
اشم ..وانتة شكوو اني واختي ..
اسامة .. اختك هي مرتي المستقبلية ..وخطيبتي الحالية ..
اشم ..😒😒افتهمنة بالعباس افتهمنة ..
اية ..سويتلهم اكل ..ودزيته الهم ..ومن حطيت الكل مقابيلهم اجت عيني بعين هذا الي اسمة اشم اشو هاذ ابتسم وواني بادلتة الابتسامة ..
دخلت ورحت لغرفة ملك ..
لان هالفترة ابات يمهن واني وملك وسارا ونور بغرفة وحدة ..
...........
#روان