الحان القبول

البارت الخامس

هلوووو ..ياحلوين .. اتمنة البارت يعجبكم اذا شفت تفاعل راح انزل البارت الجاي احبكم كومة...

الحان القبول البارت 5

جهاد :انتو تعرفون بعض ..
سيف : اي اعرفهة شلون ماعرفهة ..
ملك :انتة صودك متستحي اني مو كايلتلك اياك انو تطلع بوجهي مرة لخ ...
سيف :انتي الي متستحين ..للمعلومة هاذة بيتي وانتي الي جاية لبيتي ..
ملك :شنوو ..بيتك انتة شكاعد تكول هاذة بيت جدي ...
فاروق : وين تعرفون بعض ...

(اكيد الكل مستغرب سيف وين يعرف ملك صح لاتخافون هسة اكلكم ...)

قبل ثلاثة اشهر
________________
اللقاء الاول..
ملك ..داحضر لعيد ميلاد امير وياربي شكد تعبت هلكت بس بقة اجيب الكيكة ....
واني داجيب الكيكة اشتريتهة وخلصت اجيت اريد اعبر الشارع ما احس غير سيارة ضربتي ..
سيف ...واني داسوق بالسيارة فجاءة تطلع بنت كدامي وماسكة علبة كيك وملحكت الزم بريك راستن ضربت لبنت بس متاذت ضربة سطحية والبنية وكعت علارض والكيكة طارت ووكعت علة راسهة اوف منظر البنت صار يموت ضحك بس الي صبرني ومضحكت السيارة بلكي صارلها شيء واني هستوني مشتريهة واللة بابا بعد ميجيبلي سيارة لو اموت صح اني وحيدة بس تعب من كثر ما يشتريلي سيارات..
ملك ..منضري صار يضحك بس اريد اعرف منو هاذة الغبي الي ميشوف وخرت الكيك من شعري لانو وكع علة راسي ..ورحتلة دكيت الجامة وهوة فتحة واني كنت معصبة كلش ...
ملك ..هي انت الا ترى ..
سيف ..شوف الغبية فوك ماهية غلطانة اتذب الصوج بية..
ملك :عراقي .. حلوو ..اذا متعرف تسوق ليش حتة تسوقلك سيارة فهمني ..
سيف : واللة حلوة هاذي فوق ما انتي الغلطانة وتمشين بنص الشارع متشوفين الاشارة خضرة ها يلة احجي ..
ملك :اي صح بس انتة لمن تشوفني كان لازم توكف ..
سيف :بسببج كانت سيارتي تفلشت باعي شلون ضربت بالعمود باعي شلون خربت الاضاءة الامامية ..
ملك :لك اني كنت راح اموت وانتة كل الي هامك سيارتك ..
سيف :هسة شنو المطلوب كولي شكت تردين خلي ادفعلج يلة ..وطلعت محفضتي اريد انطيهة وهية كبت بوجهي..
ملك :لك صدوق انتة متستحي انزل من السيارة يلة بسرعة انزل ..
سيف :نزلت من السيارة ..وهاي اني نزلت هسة شنو المطلوب ..
ملك :تعرف .. انتة واحد قليل ادب ومنحط لك صدوك انتة متستحي ..اني كنت راح اموت وانتة كل الي هامك سيارتك .. هاك هاذي سيارتك ..وضربت السيارة برجلي مرتين ورحت ..واحد قليل ادب ..
سيف :لك صدك هاذي مجنونة رسمي علكلن اني جاي اجازة ماريد شيء يعكرلي مزاجي ..
----------------
بعد مرور  يوم
القاء الثاني ..
سيف ..دنجول بالمول اني واصدقائي (محمد وروان وقدر و عمر وسما)...
الكل راح بقينة بس اني و روان ..
ملك ..اجيت اني والبنات نور وسارا للمول حتة نشتري شوية ملابس وشغلات محتاجينهة واحنة دنفتر تعبنة وقررنة نروح للكفتريا اني ونور لانو سارا دتشتري واحنة لحد الان معاجبنة شيء ..
وية مدخلت الكافتريا اشوف هاذة المزعج الي ضربني البارحة و وقع الكيكة علة راسي ..اوف مناقصني اتعارك ويا قررت انوو اسوي نفسي مشفتة
چان هو يشوفني والمصيبة طاولتة صارت مقابيل طاولتنة هوة والبنية الي ويا ..
سيف وهوة يعلي بصوتة ويابوع علة ملك متعمد يستفزها : روان تعرفين انو البارحة ضربتلي بنت بالسيارة و وقعت الكيكة علة راسهة وصار منظرها يموت ضحك ..
رروان :اوف ..داتخيل منظرها اكيد شكلها صار يفشل .. ههههههه
سيف وهوة يباوع علة ملك :ههه حقج تضحكين لانو صارت تموت ضحك ..والحلوة مسويتلي نفسها صاحبت كرامة وما اخذة الفلوس الي شمرتهن بوجها ..
ملك تباوعلة و وجها صار احمر من الغضب ..
روان :اي هنة هيج البنات تسوي نفسها صاحبة كرامة وبداخلهة متمنية لوتاخذهن ..
ملك كامتلة بعد ماتحملت واخذت العصير الي مقابيلة وصبتة علة راسة :انتة واحد قليل ادب ومنحط ..
روان :لك انتي الي قليلة ادب شسويتي ..
ملك :انتي تسكتين ومتسمعيني صوتج لتصيرين محامية الدفاع مالتة ... الحية الصفرة ..
(هههه ملك تسميهة هيج لانو شعرها اصفر )..
سيف : كام واخذ كلنس ومسح وجهة من العصير وكال ..خلص روان لتعبين نفسج بالحجي ويه هيج نماذج .. واللة لو ما انتي بنت لعلمتج الادب علة اصولة ..
ملك :واللة .. لا صودوق خوفتني اصلن متسترجي ترفع ايدك علية اكسرها الك ..
نور بعدها مصدومة من الي صار :خلص ملك حبيبتي عوفي ..
سيف : يلة اسمعي كلام صديقتج وروحي منا ..
روان :يلة روحي منا وبلا قلت ادب .
ملك : انتي تسكتين ومتسمعيني صوتج ..لاخربلج  وجهج الحلو هذا .. وانتة اياك انو تطلع كدامي مرة لخ سامع ..
سيف :انتي الي لتخليني اشوف وجهج مرة ثانية يكون افضلج ..
ملك ..واحد منحط ..واخذتهة نور وراحت ...
----------
بعد مرور اسبوعين ..
القاء الثالث ..
سيف ..باجر احنة راح نرجع للندن ..وتخلص اجازتنة بواشنطن ..واجييت اني وروان وقدر وعمر لسوق اني اجيت اشتري هدية لماما لان بس هية بقت ما شتريتلهة هدية لان ردت هديتهة تكون مميزة ..

ملك ..مليت من كعدت البيت قررت اروح لسوق فجاءة لفتت انتباهي كرة مائية بداخلهة عروس وعريس كلش حلوة اجيت اريد اخذة ونكمشهة اني وولد ..
سيف ..عجبتني كرة مائية مميزة قررت انو اخذة وتكمشهة وياي بنت ..
سيف وملك صاحوو بنفس الوقت ..
ملك : انتَ ..
سيف :انتيِ ..

هلو حبايبي لهنا ويكون
خلص البارت اتمنة يكون عجبكم اريد تفاعل
حتة انزل البارت الجاي لانوو اني
حابة اكمل القصة بس اذا شفت تفاعل ..
احبكم كوومة