Sadist Lover (Editing)

Chapter 3: Bossy

CHAPTER 3: Bossy

Swear! Ito na siguro ang pinakanakakahiyang nangyari sa tanang buhay ko! Walang-wala yung pagkakadapa ko sa harap ng crush ko noong kinder pa ako! Bakit hindi ko man lang namalayan na first day kop ala? Bakit ngayon pa ako dinalaw?

Nakaharap lang ako sa kanya para hindi nito makita pa ang pulang marka sa palda ko. Hindi ko kinaya! Para akong iniwan ng espirito sa sinabing iyon ni Lance. Gusto ko na lang mag-dive ngayon mula dito sa rooftop pababa! Tatalon na lang ako kaysa mabuhay pa sa mundong ito!

Hinawakan ko ang palda kong may tagos para takpan ito.

Napahawak naman siya sa noo niya at parang nag-iisip.

"Itatago ko." Sabi nito kaya napanganga ako. Paano naman niya itatago ang palda kong may tagos diba? Saka nakakahiya naman kung tinatakpan ko ang palda ko. Obvious iyon masyado. "Kaysa naman maglakad ka ng ganyan." Sabi nito pero hindi pa rin siya makatingin sa akin.

"Maglakad ka lang."

"Makikita nila." Sabi ko. "Mahahalata nila." Oh God! Naiiyak na ako. First time kong matagusan sa totoo lang.

"Sa likod mo lang ako. I'll make sure that they won't see that." Kalmado nitong sabi kaya maski ako ay parang nakakalma na rin.

Nakakahiya man ay sinunod ko ang sinabi niya. Nauna akong maglakad pero kaunti lang ang distansya namin para hindi nila makita. Sa totoo lang halos wala na nga, e! Nasa likod ko ang mga kamay ko para kahit papaano ay matakpan ko pa rin ito.

Nakakailang dahil napapatingin ang ilang estudyante na nasa hallway pa. Kunti na lang sila dahil ang iba ay pumasok na sa kanya-kanyang klase nila.

Alam kong may lalabas na naman na tsismis na isa akong malandi. Na nilalandi ko ang bagong estudyante. Gwapo si Lance Mariano at hindi ko naman iyon itinatanggi. Kung wala nga siguro akong boyfriend baka crush ko na siya.

"I guess you're okay here." Sabi niya nang marating namin ang CR ng girls.

"uh-thanks!" Hindi na ako nagsayang ng oras pa at pumasok na ako kaagad sa loob. Agad akong naghulog ng barya sa vending machine para sa isang pirasong sanitary pad at nagpapasalamat dahil ako lang ang tao ngayon dito. Agad kong binasa ang parting may dugo at muli ulit nagpasalamat dahil may sabon dito.

Halos twenty minutes rin ang hinintay ko matuyo lang ang palda ko. Sa totoo lang ay hindi pa naman ito gaanong tuyo pero masyado na akong marmaing namiss sa klase kung hindi pa rin ako papasok.

Pero pagkapasok ko pa lang sa room namin ay kaagad na akong pinalibutan ng mga babae sa klase. Napansin ko rin na wala ang mga lalaki pati na rin ang teacher namin.

"Higad ka talaga." Paratang sa akin ni Kristine, isa sa dati kong mga kaibigan.

"oo nga. Ang landi mo talaga. Lahat na lang ay inaagaw mo." Segunda pa ni Mae.

"Layuan mo nga si Lance. Huwag mo nga siyang inaakit kung ayaw mong isumbong ka namin kay Jake!" Hindi talaga ako pinagbibigyan na magsalita nina Ina Marie.

"Kaya ikaw Sharlot---" Hahawakan sana ni Kristine ako pero agad kong tinapik ang kamay niya palayo sa akin. Naiinis ako dahil sa paraan ng pagtawag niya sa pangalan ko.

"Don't call me Sharlot." Matapang kong sabi sa kanya. Nagpapatawag lang akong Sharlot sa mga kaibigan ko at simula noong inayawan nila ako bilang kaibigan ay wala na silang karapatang tawagin ako sa pangalan kong iyon.

"Choosy ka pa! Akala mo naman kagandahan ka! Naging boyfriend mo lang si Jake akala mo kung sino kang maganda. Bakit? Anong pinagmamalaki mo? Na nakuha mo siya? Na napapansin ka niya? Nilandi mo lang naman siya!" itinulak niya ako palayo sa kanya na dahilan kung bakit naitama ang likod ko sa mesa.