Sadist Lover (Editing)

Chapter 12: Playing Cupid

CHAPTER 12

May quiz kami ngayon pero nag a-alala ako dahil dalawang araw nang hindi pumapasok si Lance. Dalawang araw akong na rin akong walang kinukurot. Wala tuloy akong pampagising tuwing inaantok na ako.

Kanina ay nagtanong ang teacher namin kung sino ang kaibigan ni Lance dito tapos lahat ng mga mata ng kaklase ko ay nakatingin sa akin. Hindi ko tuloy alam ang isasagot ko kaninang tinanong ako kung bakit siya absent. Wala naman akong number niya kaya hindi ko rin siya mai-text.

Malay ko ba kung nasaan siya! Hindi naman ako hanapan ng nawawala, e.

"Psst." Hindi ako tumingin kahit alam kong ako ang sinusutsutan. "Oi! Miyuki."

"What?" Lumingon ako sa likuran ko at tinignan si Gail.

"I saw Lance." Ngumiti siya sa akin dahil mukhang alam niyang nakuha niya ang atensyon ko nang banggitin niya iyon sa akin.

"Talaga?" Tumango siya. Sabay na rin naming ipinasa ang quiz paper bago kami lumabas.

"Saan mo siya nakita?" Tanong ko rito nang nasa corridor na kami.

"Sa soccer field may laro yata sila. Diba malapit lang yun sa bahay niyo? Ang cool niya pala, no?"

"Hah?" Parang nagulat si Gail sa reaction ko.

"Ang sabi ko ay cool si Lance." Inayos pa niya ang salamin niya habang nakangiti ng todo.

"kaya ka ban a-late kanina? Never ka kasing na-late, e."

"Kasi naman nag-enjoy akong manood kanina habang nagpapractice pa sila." Ang dami niya pang ikinuwento sa akin pero hindi ko na iyon napakinggan pa. Tama na siguro 'yung alam ko kung bakit hindi pumasok si Lance. "Crush ko na yata siya." Napangiti na lang ako dahil sa pahayag niya.

"Gusto mo siyang maka-close?" Kaagad itong pinamulahan dahil sa tanong ko.

"H-hindi naman sa ganun, attracted lang ako physically pero hindi naman ako aabot sa puntong iyon. Anyway, kumusta naman ang quiz mo kanina?" Ngumuso ako dahil sa pag-iiba nito ng topic. Ayaw pa niya kasing aminin na may gusto siya kay Lance. Totoo naman na gwapo si Lance at talented. Medyo masungit lang sa una pero kapag nakilala naman, okay na rin. Likeable na rin.

Nagkibit balikat lang ako bago ngumiti sa kanya. Nahirapan kasi ako sa quiz kanina.

"Hindi ka nakasagot?" Hindi makapaniwala nitong tanong sa akin kaya tumango ako. "Miyuki, magaling ka naman pero bakit ka nagpapabaya? Dahil ba masyado kang busy sa boyfriend mo?" Napatigil ako sa paglalakad dahil medyo na-offend ako sa sinabi niyang iyon. "Look, concerned lang ako." She said kaya naman ang namumuong kunot sa noo ko ay nawala rin kaagad.

"Concerned ka?" mahina kong tanong rito.

"Oo naman. Classmate kita and... and" humugot siya ng hangin at tumingin sa labas bago muling nagsalita. "I want to be your friend." Pahina nang pahina ang pagkakasabi nito na dahilan naman ng pagngiti ko.

Pumunta ako sa harapan niiya at pinilit siyang titigan ako sa mga mata.

"Friends?" inabot ko ang kamay ko at matagal nitong tinitigan. "Gail, friends?" ulit ko pa rito. Kaagad itong tumango at kinamayan ako.

"Friends." Sagot nito.

"From now on, call me Sharlot. Kasi lahat ng tumatawag sa akin ng Sharlot mga taong close ko lang."

"Even Lance?" Tanong niya pa.

"Uhh, mapilit lang siya na tawagin akong Sharlot. Wait, binanggit mo na naman siya. Gusto mo talaga siya, ano?"