من الصدمه بقيت م فاهمه شي و دموعي الحلفت تاني م ينزلوا نزلو غصبا عني قلت يعني هو عمل دا كلو عشان الكف وبقيت ابكي بحرقه بكيت لمن الله غفر لي تاني قلت هي يا اميره م انتي البتبكي عشان ولد واتذكري انتي بتكسري م بتنكسري💔مسحت دموعي ومشيت الحمام غسلت وشي وجيت راجعه لقيت مي قاعده قالت لي مشيتي وين؟؟قلت ليها الحمام😊اخدنا باقي المحاضرات وم ظهرت لي مي اي شي كنت طبيعيه من بره بس من جوه انكسرت يعني حالفين الا يكسروني💔بعد طلعنا و ودعت مي مؤيد جا ركبت معاه كنت معاه عاديه برضو لما وصلنا عايزه انزل قال لي اميره قلت لي نعم قال لي انتي كويسه؟؟قلت لي اي الحمد لله لي😊قال لي ولا شي بس حسيت كانوا في شي؟قلت لي مافي شي م تخاف ودخلت طلعت غرفتي ختيت الشنطه وقعدت في السرير وكنت زي المات لي زول قلت لي انا م عندي حظ😥لي الناس البحبهم بعملوا فيني كده💔امي الكنت فاكراها امي طلعت م امي وطلعتني من حياتها ابوي مشي خلاني ولما قلت خلاص بقي لي صاحب ولا يمكن بقي عندي اكتر من صاحب طلع عايز ينتقم وياخد حقو لي انا بحصل لي كدي عملت شنو عشان اتحاسب علي وبقيت ابكي😭😭💔شويه كده وعيت قلت استغفرك يا ربي قمت غيرت واتوضيت وجيت صليت ارتحت شويه نزلت المطبخ نضفتو مع انه نضيف بس لما بكون زعلانه بشتغل البيت دا كلو قمت علي خليتو يسوكدي👋وكان في مكوه اماني قالت لي عايزه تمرضي انتي بعد نضافتك دي كلها عايزه تكوي والله م اخليك وبعدين تعالي م اكلتي شي مش الاكل العملتو ليك م اكلتي قلت ليها م عايزه م جعانه😊قالت ولا غصبن عنك المدام موصياني عليك كان مرضتي اعمل شنو😑قلت ليها م بمرض قالت لي ولا كلمه امشي ارح ساقتني من يدي عملت لي الاكل وقالت لي اكلي وقفت معاي لحدي م اكلت بعدها جابت لي عصير شربتو قلت ليها كفاي وسلمت عليها في راسها قلت ليها ماشه اقرا انا قالت لي م تساهري كتير بعد شغلتك دي😒قلت ليها حااااضر يا قمرايه😚ومشيت يعني لما تفقد ناس ربنا بعوضك بناس احسن منهم واماني والمدام بقوا زي امي بقي عندي اتنين💕قلت وكلت امري لي ربي وبعدين هو منو عشان ازعل علي دا كان تافهه وح يطلع من حياتي زي م طلع غيرو😊مشيت اخدت لي حبه قريه عشان الامتحانات قربت بعدها نمت ،،،صحيت اليوم التاني نفس الروتين وصلني مؤيد قال لي الليله عندنا محاضرات كتيره يمكن اتأخر قلت لي تمام ومشيت دخلت شفت شله عمر مشيت بطريق تاني عشان بس م اشوفو عشان انا لو شفتو م ح اريحو عارفه روحي👋وصلت القاعه لقيت مي جات سلمت عليها وقعدت قالت لي عمر يسأل منك لقيتي؟؟؟قلت ليها لا وطلعت تلفوني عشان يشغلني شويه بعدها الدكتور جا اخدنا المحاضرة وطلعنا عشان الفطور بقيت اقول يا الله م اشوفو يا الله م اشوفو مشينا الكافيتريا والحمد لله محاضرتهم كانت لسه م انتهت طلبنا بعد اكلنا وعايزين نقوم سمعت صوت عمر قال اميره وجا علينا قال لي بفتش ليك من بدري قلت لي اي جيت متاخره الليله ومشيت بقي يقول اقيفي ولا اتلفت علي مشيت القاعه مي جات وراي قالت لي مالك؟؟قلت ليها مالي قالت لي م براك احكي مالك عايزه اتكلم الدكتور جا داخل قلت ليها بعدين😊بعد المحاضره قالت لي ارح نطلع بره عندنا شجره كده بنقعد تحتها عاده مشينا لقينا عمر قاعد قال لينا واخيرا خلصتو من قبيل مستنيكم بعد مي قعدت قلت ليها انا ماشه البيت قالت لي شنو؟؟قلت ليها م عايزه اقعد هنا ماشه البيت واتلفت عشان امشي م احس الا بيد ماسكه يدي وشاده عليها كان عمر قلت لي فك يدي بنرفزه قال لي مالك في شنو من الصباح بتتفادي تشوفيني بعد قال كده خلاص دمي فار وعندو عين يسأل؟؟شلت يدي التانيه وطااخ اديتو كف وفكيت منو يدي التانيه قلت لي انت من عشان تمسك يدي وتحاسبني بقي مقلع عيونو بس قلت لي اها دا الكف التاني ح تنتقم كيف انت اذا راجل واجه عديل م تبقي جبان قلت لي كدي مشيت مي م كانت فاهمه حاجه جان وراي قالن لي في شنو بقيت ابكي واحكي ليها قالت لي شنو ولي م كلمتيني التافهه الحقير وبقت تهدي فيني وتتوعد والله م اخلي حسابو معاي قاعدين انا وهي عمر جا و وشو م بتفسر مسكني من يدي وقال لي ممكن تفهميني عشان انا م فاهم شي قامت علي مي قالت لي فك يدها يا التافهه ال م نافع قال ليها وانتي كمان في شنو😠فهموني ياخ قالت لي هيي تقتل القتيل وتمشي في جنازته 👋البت عملت ليك شنو عشان تعمل فيها كده ها عملت شنو عشان بس اخدت حقها وانت يا الخايب العايب بدل تحترم البنات تمقلبن هييي وتاني هييي قال ليها قولي شي ينفهم قالت لي سمح عايز تفهم بديك الزيت كلو مش انت صاحبت اميره دي عشان تنتقم عايز تعلقها فيك وتمشي يا ال م بتشبه الرجال فهمت ولا لسه وانا قلت ليك البت م بتستحمل زياده صح بعد القلتو ليك عملت فيها كده وانا الوثقت فيك تفو عليك وعلي رجالتك ياخي وساقتني ومشت،،،طلعنا ركبنا امجاد وصلتني البيت وقالت ليهم مصدعه بس قعدت معاي لي المغرب بعدها مؤيد وصلها،،،الايام مشت وانا بقيت اضغط نفسي شغله وقرايه عشان م افكر كتير بقيت اتفادا عمر وشلتو وهو عايز يوصل لي بي اي طريقه بس كنت م بدي وش نهائي حتي مي حزرتو اكتر من مره عبير دي لسه شايلا معاي م عارفه لي مش هي عايزه عمر تتهني بي دا الكنت بقولو لي نفسي بس هو تقريبا مسفهها وم بقعد مع شلتو كتير بقي همو كلو يتكلم معاي كيف والشي دا حرقها في اليوم كنت في الحمام جات عبير فايره ومنجلقه🐸قلت امسينا بالله قالت لي هع بتعرفي الله يعني😏قلت ليها امممم اكتر منك☺قالت لي عظيم قلت هي ابعد عن الشر وغنيلو عايزه اطلع مسكت يدي وقربت علي وقالت اميره عثمان مسجونه سنتين بجريمة القتل العمد😚😏انا بقيت عامله كده😳قلت عرفت من وين قالت لي اوووبسس اتخضيتي يا بيبي اتخيلي بس لو الخبر دا انتشر في الجامعه ح تكوني كيف ويمكن تنفصلي وضحكت قلت اصلو م ح ابين ليها اني ضعيفه بيدها الماسكاني بيها لويتها ليها وقلت ليها اوووبسس وجعتك☺شوفي يا السمحه م انا البتهدد لاني عارفه نفسي م عملت شي غلط تمام وانتي امشي العبي مع زول قدرك وفكري فيها القتل مره ممكن يقتل مره واتنين وتلاته عشان كده ابعدي من سكتي احسن لي وليك وانتي مش عايزه عمر ياهو شبهك تتهني بي وحلال عليك انا اصلا م بلزمني بعيدها ليك ابعدي من سكتي احسن ليك لزيتها علي الباب وشلت منديل مسحت بي يدي وجدعتو ليها في وشها ابتسمت ليها ومشيت ياداااب انفشيت احيي انا😚👋 مي قالت لي سكنتي قبلك مالك🌚قلت ليها فاتتك لكن قالت لي شنو شنو قلت ليها ابردي بحكي ليك😂حكيت ليها قالت لي وااااااي انا زاتي خفته😂لكن م عاااافيه منك ابتي😚💕قلت ليها أهم شي عفوك يا امي😏👋بقت تضحك قالت لي لكن التافهة دي عرفت كيف قلت ليها علمي علمك سكتت شويه وقالت التافهه الحقير😳قلت ليها شنو قالت لي انا م كلمتك عمر عارف انك كنتي في السجن وحكايتك كلها😥يوم قال لي عايز يعرفك اكتر وكده وبما أنه كان صاحبنا حكيت لي😭قلت ليها ياخ انتي خلاص انسي قالت لي انسي لي بعدك والله م انسي الاصبر ال م بشبه الرجال ده وقامت بقيت انادي فيها ولا قالت لي تقولي في شنو مشيت وراها عمر كان مع اصحابو لما شافنا جا علينا قال لي اميره عايز اتكلم معاك وضروري مي مسكتو من يدو ولفتتو عليها وطاخ ادتو كف🌚قال ليها انتي جنيتي قالت لي هييي م ترفع صوتك فاهم انا لما اديتك سر البت دي تمشي تدي للتافهه دي واشرت علي عبير اصلا هي شبههك وشوف وقسما بالله ها قسما بالله تقرب عليها تاني الا اوريك النجوم عز الظهر وتفت لي في وشو وساقتني ومشت قلت ليها تغير توتلي😂قالت لي نرفزني الله ياخدو😪الايام مشت و عمر بقيت كان اشوفو صدفه وهو بعاين لي بس في يوم قاعده في الكافيتريا في واحد مصري اسمو حسن شغال فيها بقول لي ابو علي😚 مي مشت الحمام وانا قاعده مستنياها هو جا قال لي عايزه حاجه قلت لي اهلا اهلا بابو علي ايه اخبارك قال لي تمام وانتي ايه اخبارك قلت لي عال العال☺قلت لي عايزه عصير فراوله لو سمحت👋قال لي كالمعتاد😂قلت لي تاني م تسال😬قال لي تطلبي حاجه تاني يا ست هانم🌚قلت لي لا يا شيخ الغفر روح انت دلوقتي وهات اللي قتللك عليه😂👋بقي يضحك قال لي مصريه لكن قلت لي كيف بالله وبقينا نضحك مشي أتلفت عشان اشوف الهبله دي شفت عمر واقف لما اتلفت علي حمر لي😐🐸..........
