قال لي شنو؟؟قلت بي م مشكلتي اذا كنت م بتسمع فكيت يدي ودخلت😐بقي ينادي لي عملت نفسي رايحه بقيت ماشه علي القاعه في طريقي لقيت عبير عاينت لي من فوق لي تحت حمرت ليها وكملت طريقي وصلت القاعه لقيت مي قلت ليها هلا جيتي متين قالت لي قبل شويه كيفك قلت ليها تمام قالت لي الحمد لله☺قالت لي الحفله حددوها متين؟؟قلت ليها لسه امي م حددت بقت تضحك قلت ليها غريبه صح من المدام لي امي😬قالت يعني شويه غرابه وسكتت شويه قالت لي اسي انتي حماتي😂قلت ليها وعمه بناتك😏👋وضحكنا الاتنين م كان عندنا محاضرات عرفنا بس هي متين وكده بعدها مشينا عشان نفطر في الكافيتريا جا ابو علي😚سلمنا علي وضحكنا معاه شويه قال ياها الطلبات المعتاده ولا في شي اتغير👋قلت لي بالنسبه لي ياها زاتها☺مي قالت لي انا زاتي بعد مشي شفت عمر قاعد في تربيزه ورانا كرفس لي وشو🐸ابتسمت لي ورفعت حاحبي😏😂بعد كان مكرفس وشو بقي يضحك😑قلت الود جنا🌚ابو علي جاب الاكل ومشا فطرنا ومي قالت لي بحاسب انا😚قلت ليها تمام طلعنا ومشينا قعدنا في الشجره في قعدتنا ديك اتذكرت عمر قلت ليها مي قالت لي نعم قلت ليها انا م كلمتك😥اتلفت علي وقالت لي في شنو؟؟قلت ليها عمر قالت لي مالو الخايب العايب😑شايفاه جا الخطوبه كان م الناس والكلام دا عيب كان طردتو😐👋 اها م موضوعنا مالو عمل معاك شنو المره دي🐸قلت ليها يوم خطوبتك قال لي قال لي قالت لي م تتمتمي😒قلت ليها بسرعه كده قال لي بحبك😭قالت لي شنووووو قال ليك كدي متين ووين احكي بالتفصيل احسن ليك😧حكيت ليها الموضوع كلوو قلت ليها اسي انا اعمل شنو؟؟قالت لي تعملي شنو في شنو قلت ليها ميي قالت لي جاوبيني اول تاني بقول ليك تعملي شنو😒قلت ليها علي شنو قالت لي اميره بيي صراحه كده بيني وبينك انتي حبيتي عمر؟؟؟قلت ليها حب😥م عارفه قالت لي كيف يعني م عارفه اي ولا لا😪👋قالت لي خلاص اسهلها عليك لما تكوني مع عمر بتحسي بي شنو يعني بتكوني متضايقه ولا كيف ابتسمت لا اراديا قلت ليها م بتضايق بالعكس برتاح اكتر يعنى بحس بأمان كده عجيب ولما يضحك معاي بحس كاني اول مره اضحك ولو ضحك هو بتمني اللحظه م تخلص عشان اشوفوا بيضحك تتذكري لما اليوم داك م جا الجامعه يومي م كان يوم اصلا كانت في حاجه ناقصه كنت متنشنه اليوم كلو بس م ظهرت ليك وبعد م زعلت كان لازم المحو عشان يومي يكتمل يعني قالت لي يعني بالمختصر بقي جزء من يومك وحياتك كمان👋احب ابشرك لقد وقعتي في الفخ👏😂you fell in love💞قلت ليها انا احب التافهه ده😥قالت لي للاسف دا الحصل🌚قلت ليها والعمل قالت لي العمل عمل ربك☺قلت ليها ونعم بالله جاده ياخ اعمل شنو انا اسي😒قالت لي انتي المفروض تعرفي انتي شوفي قلبك بقول ليك شنو وامشي وراه💕سكت م قلت ليها حاجه نهايه اليوم مؤيد اتصل قال اطلعوا طلعنا لقينا صدقي ومؤيد وعمر😪صدقي سلم علينا وقال لي انبسطت ليك والله قلت لي تسلم عمر كان اطرش في الزفه😂مؤيد قال امشوا ارح قلت لي انا مستنيه علي جايي اسي☺قال لي تمام بقيف معاك لحدي م يجي مي كانت واقفه جنبي قالت لي بصوت واطي زولك دا شويه ويقتلك ضحكت وقلت ليها خايفه من كدي ترا وهو شويه ويطق😂💔طول الوقفه عمر بحمر لي بعدها علي جا سلم عليهم علي سلم علي بطرف اصابعي😂قال لي نمشي☺قلت لي اي اتلفت علي مؤيد قال لي م بنتاخر قلت لي كلم امي معاك😊قال لي تمام ومشينا علي فتح لي الباب القدام طلعت طلع هو ودور قال لي عارفه محل ايسكريم معين؟؟قلت لي والله قال لي خلاص بعرف واحد قريب قلت لي تمام😊لما كنا في الطريق تلفوني ضرب كان رقم غريب رديت قلت نعم منو قال لي عمر😒قلت لي عمر منو قال لي اميره بتعرفي كم عمر انتي😐قلت لي اييييك كتار☺قال لي اميره م وقتو ماشه وين مع علي وم طلعتي مع مؤيد لي😠قلت لي م شغلك قال لي اميره وقبل يكمل كلامو قفلت الخط😂ياخ بحب احرق دمو او بمعني اصح بحب غيرتو علي💕رجع لي رفضتها تاني رجع تاني رفضتها المره التالته قفلت التلفون ودخلتو الشنطه علي قال لي دا منو قلت لي واحد غلطان😊ابتسم لي وعاين للطريق وصلنا محل كده هادي وراقي قال لي انزلي نزلت دخلنا قال لي بتحبيها بطعمه شنو قلت لي فراوله☺قال لي اتنين فراوله جابها لينا قال لي اتكلمي معاي شويه شنو يعني ساكته كدي😐 ضحكت وقلت لي اقول شنو😬قال لي اي شي قلت لي اي شي😂ضحك وقال لي دمك عثثل قلت لي تسلم اها انت قريت شنو قال لي طب اسنان اتخرجت السنه القبل الفاتت واسي عندي عياده خاصه الحمد لله☺قلت لي م لقيت الا الأسنان🐸😂قال لي مالا قلت لي عندي فوبيا من دكاتره الاسنان😬قال لي قولي والله قلت لي والله بقي يضحك قال لي اسي خايفه مني قلت لي ابتديت اخاف😂ضحك وقال لي عثل انتي ياخ قلت لي عارفه عارفه😌قال لي طبيعي ود خالتك منو وبقينا نضحك قال لي اها قلت لي اها قال لي في زول في حياتك اتذكرت عمر طوالي ابتسمت وقلت لي اممممم حاليا مافي عايزه اقرا وكده قال لي تمام قلت لي وانت قال لي والله النصيحه يعني ممكن تقولي جكست نص بنات السودان😂قلت لي بالله اصلا ماف ولد نافع الزمن ده🐸تلقاهم معلقين ميه في وقت واحد😐ضحك وقال لي لكن في النهايه بستقرو مع وحده عارفه البنات عاملات زي الباصات في منهم ميه ممكن تطلعي في اي وحده لكن في واحده بس بتوصلك البيت☺قلت لي بتقول درر والله🌚اها وانت م لقيت البتوصلك البيت😂قال لي ممكن تقولي كده وابتسم😊بقينا ناكل في الايسكريم ونتونس قال لي راجع وقام بقيت قاعده اتلفت كان قاعدين جنبا اولاد يعاينوا لي ويتهامسوا بعد شفتهم كده طلعت تلفوني فتحتو لقيت 10مكالمات من عمر ومرسل رسايل كتيره بقول فيها ردي م اشتغلت بي دخلت الفيس كان منزل بوست كاتب فيه(لا تسي الظن بشخص صامت لم يتكلم...فربما لو قرات ما في داخله لوجدت انه يود لك الخير اكثر من المتحدثين حولك😊)بعد قريت البوست قلت يمكن انا كترتها معاه شويه انا منزله راسي في زول قعد قلت لي علي مالك اتاخرت كان ولد تاني ابتسم لي وقال بس انا م علي قلت لي عفوا بس دا مكان محجوز👋قال لي حق علي وضحك لو عايزه بغير اسمي وبكون علي ☺قلت لي اوقح من كده م شفت شلت شنطتي وعايزه اقوم قال لي انتي شفتي وقاحه لسه😉😏قلت لي هيي فك يدي قال لي م تجوطي بقيت اتلفت علي لسه م ظهر😭وفي الكافيه ده في التافهيين ديل بس قلت خلاص انا انتهيت قلت لي فك يدي بالله عليك😥قال لي وين يا حلوه معقول زول لقي القمر يخلي يمشي دا حتي كده ح ارفس النعمه وغمز لي😭😭قلت خلاص انا رحت فيها بقيت اقاوي في وابكي شويه سمعت صوت اتلفت لقيتو عمر قلت لي عمر تعال شوف ده😢😭جا علي قال لي فك البت قال لي اوووو سوقك ماشي والله علي وعمر بعد قال كده عمر ضربوا بكل قوتو ومسكني قال لي اقيفي وراي بقيت ماسكه في يدو وابكي الولد عايز يرد الضربه عمر تاني ضربو المعاه بعد شافو ده اتضرب جرو والولد ده لحقهم وانا لسه ماسكه في يد عمر وابكي قال لي خلاص اقعدي جاب لي مويه شربت قال لي الجيتي معاه ده طار وين😠 قلت لي قال ماشي وجاي😥قال لي من قام ساعه ولسه م رجع؟؟؟قلت لي انت جيت هنا متين و لي شنو جيت؟؟؟ قال لي م وقتو قلت لي جيت مع منو؟ضحك وقال لي جيت مع عبير😬عاينت لي كده😒😥قال لي بهظر 😂جيت لاحقكم انتي والزفت ده قبيل😑قلت لي اسمو علي قال لي وبعد ده تدافعي لي😒قلت لي اي قال لي خلاص قبل اعمل فيك شي قومي ارح قلت لي وين قال لي البيت😒قلت لي وعلي😥قال لي اميره م طفل هو برجع براو وساقني معاه لما كنا طالعين لقينا علي في الباب قال لي اتاخرت عليك عمر كان ماسك يدي علي عاين لي م قال شي قلت لي مشيت وين؟؟ قال لي جاني مشوار قريب اسف لو اتاخرت عمر قال لي مدام عندك مشاوير مخلي البنت تطلع معاك لي😠قال وانت مالك😒عمر قال اللهم طولك يا روح عارف حصل مع البت دي شنو لما مشيت وفتها عارف لو م كنت قاعد كان راحت فيها وبعدين دا مكان تجيبها في👋عارف المكان دا بجو في التافهين بس قال لي اي عشان كده انت جيتو😏عمر قال غلطان انا البتناقش معاك وقال لي يلا يا اميره قال لي اميره تمشي معاك وين😠ومسك يدي التانيه بقيت بيناتهم الاتنين عمر قال لي فكها عايزني اخليها ليك عشان تفوتها تاني وتروح فيها علي قال لي م بفكها بقوا في افكها وم افكها وخلاااص زهجت ويدي وجعوني قلت ليهم بسسسسس بمشي براي وفكيت يدي منهم وبقيت ماشه عمر قال لي علي عاجبك كده😡#كسره 🐸فلم هندي صح😬عشان بحضر هندي كتير وكده يعني مشوها😂💔 اها نرجع.....عمر جا وراي وقال لي تعالي ارح قلت لي بطير براي خلوني انتوا بس قال لي اميره وقف قدامي تاني م احس الا وهو شايلني😂بقيت اقول لي يا مجنوم ده شنو علي جا علي قال لي جنيت نزلها قال لي م شغلك ومشي منو فتح بابا العربيه قعدني وربط لي حزام الامان قلت لي ياخ بمشي براي مالك ياخ قال لي مفروض انا اعمل كده من الاول وقفل الباب جا بالباب التاني ركب ودور العربيه وفتنا علي في مكانة قلت لي انت مجنون علي فكره😭قال لي عارف قلت ثقيل وبقيت اعاين للطريق وهو بعاين لي طول الطريق😑قلت يا ربي اسي الوقعني في الثقيل ده شنو😭 قال لي انا قدرك وانتي قدري☺💕قلت لي شنو قال لي وقعتي فيني عشان انتي قدري سكت م قلت لي حاجه بس كنت فرحانه ياخ وصلني البيت وقال لي ردي بعدين مشيت ولا قلت لي تقول في شنو دخلت البيت طلعت غرفتي طوالي غيرت وجيت نازله المطبخ لقيت اماني وهبه سلمت عليهم كبيت لي عصير وقعدت اتونس معاهم المساء امي قالت الحفله الجمعه وقالت لي فستانك جيباه ليك انا هديه مشيت رقدت في رجليها و قلت ليها امي قالت لي نعم قلت ليها بريدك انا💞قالت لي انا زااااتي بريدك علي قولك☺ بعد جيت انوم تلفوني ضرب كان نفس الرقم القبيل رديت قلت الو قال لي هلا قلت لي مين قال لي واحد معجب🙊قلت لي المعجبين كتااار انت اي واحد فيهم😏قال لي قلتي لي كتار😑بقيت اضحك قال لي كيفك قلت لي تمام في شنو قال لي الا يكون في شي حتي اتصل يعني😒قلت لي اي☺قال لي يلوي حنكك😐قلت لي جمعا بقي يتونس معاي فتره تاني قلت لي وراي جامعه يلا وقفلت رسل لي رساله تصبحي علي خير.......بحبك🙈. انا بقيت كده😍😍رقدت وكل دقيقه افتح الرساله واقراها واقعد اتبسم😂 بعدها نمت وصحيت نفس الروتين بعد نزلت لقيت علي اعتذر لي قلت لي ولا يهمك بعدها مؤيد جا وطلعنا وصلني ومشي دخلت الجامعه وكنت اخر روقان ماشه واتبسم براي جا عمر ناطي لي في وشي قال لي عساها دايمه😚قلت لي يوم بتشلني😪وبعدين تنط لي كده الدقيقه والثانيه عايزها تدوم كيف يعني😒ضحك وقال لي عايزه تقنعيني انه انا م سببها☺قلت لي اي ومشيت اتلفت علي قلت لي عمر قال لي عيونو😍قلت لي انت ثقيل على فكره😐ومشيت😂الاسبوع مشي واحنا كده بنتناقر بس لكن بكون اسعد وحده في الكون وهو نفس الشي يوم الخميس زي المغرب كده نزلت بوست(يشهد الله انك اسعدتني...جيت واحيتني...وصار قلبي بخير💕)وطلعت بعد العشاء كده عمر اتصل رديت عليه قال لي ده منو الاسعدك😏قلت لي منو وانا نسيت البوست😂قال لي مش نزلتي بوست قلت لي ايوااا قال لي اها منو قلت لي م بخصك😚قال لي لو م خصاني يخص منو يعني😒قلت لي يخص المعني بي البوست☺قال لي والمعني ده انا😌👋ضحكت باعلي صوت وقلت لي الثقه الزايده م سمحه😂💔قال لي اميره قلت لي يلا تصبح على خير وقفلت👋بعدها نمت وانا اضحك كنت قبل انوم بدعي ربنا م يحرمني منو😊صحيت الجمعه وكانت الحفله بقوا في التجهيزات وانا عشان ضيفه الشرف😌مضيفني😂كانت في الحديقه المغرب كان اي شي جاهز جات امي قالت لي ده الفستان البسي☺مي واهلها جو برضو مي وهبه لبسوا معاي في غرفتي لبست الفستان وجيت طالعه هبه قالت لي واااااااي خيالي👋مي قالت لي يشبه حق اميرات ديزني😍قلت ليهم اصبروا النكمل لبس😌👋هبه قالت فستانك الرهيييييب ده عايز لي ميكب خفيييف تعالي تعالي وقعدتني سرحت لي وعملت لي ميكب ولفت الطرحه قالت لي اميره وطلعتي اميره😍مي قالت لي ما شاء الله عيني بارده الليله قولي يا عرسان😂👋ضحكنا عليها انا وهبه شويه جات ماما داخله جات علي ضمتني وقالت لي ما شاء الله وسلمت علي في راسي قالت لي كبرتي من غير م اشوفك💔مسحت دموعها وقالت لي تعالي عشان الناس مستنينك نزلنا وناس هبه ورانا جينا داخلين علي الحديقه كان في معازيم كتااار اول م جينا داخلين امي ماسكاني عليها والناس دي كلها تعاين فينا ويتوشوشو🐸شفت عمر رفعت لي يدي قلت لي هااي بصوت واطي رفع لي يدو وابتسم وصلنا وسط الحديقه قالت ليهم اعرفكم اميره بتي☺بقوا كلهم يتكلموا البقول بتها من متين والبقول حلاتها وكلام كتير بقيت مع امي تعرف فيني في صاحباتها بعد اتعرفت عليهم كلهم قالت لي امشي شوفي صحباتك قلت ليها تماام😊مشيت مي كانت واقفه مع مؤيد قلت م ح اقطعه عليهم فتشت هبه م لقيتها قلت احسن اقعد اشرب لي عصير جبت عصير وقعدت بعيد شويه جا عمر قال لي اميرتنا مالا قلت لي م مايله😬سكت وبقي يعاين فيني قلت لي اقوم يعني😒قال لي انتي لي سمحه كده💞م قلت لي شي قال لي عارفه الرجال الفي الحفله كلهم عينهم عليك😐قلت لي يعني؟؟قال لي يعني انا ال ح اتشل بسببك قلت لي عدوك ان شاء الله😒👋ضحك وسكت عايزه اقوم قال لي اميره اقعدي شويه😊قعدت طوالي😂بقي يعاين فيني وانا مره اعاين لي مره انزل راسي الحفله انتهت وطول الحفله عمر كان زي ضلي قال خايفك تنشلبي😂الايام عدت وانا وهو علاقتنا اتحسنت وشبه اتطورت ورجعنا احسن من زمان🙊🙈مي صحبتوا من اول وجديد واعتزرت لي عن الكف😂هو خلاص ح يتخرج😪😢عزمنا كلنا عشان التخريج اتفقتا نمشي انا ومي ومؤيد يوم التخريج لبست فستان كحلي معاه طرحه جزمه بالفضي طلعنا غشينا مي وعمر كل دقيقه يسال وين انتوا م وصلتوا لما وصلنا قلت هديل وصلنا طلع لينا سلم ودخلنا قال لي قمر ياخ🙈قلت لي عارفه ومشيت قال لي مجنونه😂بعد وقت كده التخريج بدا صراحه يخليك تتمني متين تخلصي عشان تكوني في مكانهم😭💞لما جا دور عمر صفافير وصريخ واصحابو يرقصوا معاه كان طلعوا لي امه وابوه وأخته ومعاهم كم مره كده رفع لي يدو رفعت لي يدي وقلت لي مبرووووووك 😍قال لي عقبالك👋بنفهم بعض ياخ😂😚شويه شفتو جا علي قلت لي في شنو قال لي تعالي ومسكني من يدي الناس بقت كلها تعاين لينا وقف في محل الناس كلها بتشوفك وقفني قدامو طلع علبه فتحها طلع منها خاتم انا بقيت عامله كده😳قلت لي ده شنو قعد في الارض وقال لي اميره قلبي تقبلي تتزوجيني☺💕.........
