رواية حوش لمتنا ❤
للكاتبة: لولو حبيب❤ الحلقة: 15 الأخيرة
__________________________
انا: هههههههه ايوا
اسامة: ياسيلين بياخدوها مني😭😭
انا: غير بالشويا مافهمت شي وخيرك تبكي
مروان: شوره كل مايكلمك هوا يبكي
اسامة: ولد عمها خطبها
انا: منهيا ريهام قصدك
اسامة: اي اي
انا: به خطبتها انته
اسامة: موافقش واقعد يخبط علي الدومان( استيرسو)
انا: اوك اهدا انته وين تو انجيك
اسامة: اني هاني جايك شني بتطلعي في اليل
انا: تمام
وكعمزت
اسامة: خيره
انا: مش فاهمة تو ايجي ويفهمني
جي اسامة
اسامة: كلمتني قالت ولد عمها جي خطبها وامنين هيا رفضت قالها العرس غذوة وامشيت اني خطبتها قالي ولد عمها اولي بيها ورفضني اقعدت نعيط ودرت عركة وقاعد رافض
انا: انته ياغبي ياتستغبي معقولة ادير عركة
اسامة: شن تبيني اندير يعني
مروان: حمار انته بالحق
اسامة: اووووف اعطوني حل كيف اندير
انا: به قبل كل شي انك مني معاها في الحوش
اسامة: خالتي
انا: كويس
محمد: مفاجاة
مروان : محمد وامشي حضنه طول
انا: الحمدالله ع السلامة
محمد: الله ايسلمك وسامحيني علي الي صار واتهني يامرت خوي راهو العيل كبر وكلامك حق كنت عيل
انا: انشالله معاش يتكرر الي صار وخلاص لازم ننسو
محمد: وانسينا خلاص وبنعيشو ايامنا الحلوة واصلا نبيكم تخطبولي وسن
انا: من عيوني
اسامة بعياط: تي ديرولي حل
انا: انتم تقدرو تمشو معانا ولا تاعبين من السفر
محمد& مروان: اي عادي مش تاعبين
انا: تمام نبيكم كلكم تلبسو اسود في اسود
محمد: شني ماشيين الي جهنم
انا: بسرعة به وانته اسامة تعالي معاي كلكم البسو وانزلو اهني
اسامة: شن بديري انتي
انا: الحقني واسكت
ركبو محمد ومروان الي حوشهم واني واسامة خشينا لحوشنا
انا: اسامة خش الي دار سراج ونوضه وقوله يلبس اسود
اسامة: اعلاش
انا: اوووف تي برا ياراجل
اسامة: مش عارف شني في دماغك لكن به
امشي هوا اينوض فيه
واني بدلت حوايجي لبست سروال اسود وبلوزة سوداء ووشاح اسود وسبيدرو اسود
وشرينت الي بيان
انا: ايوا
بيان: شن تبي راقد
انا: سلم بيان نوض توا بدل حوايجك بسرعة وانزلي واسمع اللبس اسود في اسود
بيان: ياسود ايامك ساعة 2 وين بتمشي
انا: تي هيا يابيان
بيان: به تمام
انا: ايهم معاك
بيان: لالا
انا: تم
اسامة: اهو نوضت سراج ولبس حوايجه
سراج: تو اتنوضي فيا ساعة 2 شن تبي ووين بتمشي
انا: اسامة احكيله الي صاير لوطة وتو انجيكم
ونزلت القيت بيان في الدروج
انا: هي تعالي بنوضو ايهم
بيان: اعلاش تنوضي فيه
انا: نبيه
بيان: ووووه منك
انا: ومنك
خشينا الي حوش جدي ونسمعو في صوت في الكوجينة
انا: مرات ايهم الي في الكوجينة
بيان: تو انشوف وشاف القاها ايناس
ايناس: ياماماااااااا خانب
بيان: يخنب راسك انشالله
انا: هههههههه
ايناس: شن اديرو اهني
بيان: جاي بنكلم ايهم شوي
انا: بناخد سماعاتي
ايناس: اه به تصبحو علي خير
وخشت الي دارها هيا وايان وصقرت الباب
بيان: تعالي الي دار الولاد
انا: به
خشينا القيناهم الزوز مغطين وجوهم
انا: تي اماهوا ايمن واماهوا ايهم
بيان: ممكن هادا ايهم مدامه راقد بالمقلوب معناها ايهم
انا قمت الشرشاف علي وجه
انا: يعيطيك مايرفعك هادا ايمن
ايمن: تي شني اديرو فوق راسي
بيان: 😂😂
انا: شي نحسابوك ايهم
ايمن: اهوا ايهم وشن بديرو بيه
بيان: اني نبيه
ايمن:وانتي شن جاية معاه
انا: بناخد سماعاتي 😑
بيان: ايهم ايهم
ايهم: ياعنجد شكلك مرة وحدة تي اخطيني يابن عاشور
انا: ههههههه قاعد اعليها وين تاجوراء
ايمن: مني بن عاشور وتاجوراء
انا بعياط: ايهممممم
ايهم: حي ياحي مني مات
بيان: نوض البس اسود والحقنا برا
ايهم: تي شنو تبو
بيان: غير نوض
وطلعنا بدل ايهم حوايجه ولحقنا
انا: هكي كلكم اهني وتمام
مروان: هي قولي الخطة ياعبقرية
انا: توا بنمشو انقيمو ولد عمها هادا وانديرو تأشيرة _ قلتها بعياط _ مفيش حد ايقولي كيف بنديرو تأشيرة بسرعة نعرف كلكم عندكم واسطات ومصالح
اسامة: به كملي
بيان: خلوها اعليا التأشيرة
انا: به واتقوله اتكلم بو ريهام وتمشي اتقوله بنتك عندك ومعاش نبيها ولا معاش بتشوف الضي في حياتك كان موافقش انشدوه عندنا وكان وافق يمشي الي حوش عمه وايقوله وطول من حوش عمه الي المطار ويسافر ومعاش تشبحو وجه
محمد: فكرة كويسة لكن وين بنحطوه اهني امالا
ايهم & بيان: امتي روحتو انتم
مروان: صباح الخير
محمد: وين كنتو
وسلمو اعليهم
انا: مش وقته توا غير اسمعو
اسامة: صح وين بنحطوه
انا: في الربع الخالي
بيان: ابدت تتسهوك ياناس
انا: مش نتسهوك بجد انحطوه في الربع الخالي
محمد: تي اما ربع الزفت شن جابنا ليه
اسامة: شوره حطيتي روحك علي وضع الغباء
مروان: والله الا انتم الاغبياء تفهمو علي الدور 300
سراج: فايتينه بهلبا خيركم تستغبو
محمد: فهمونا الربع الخالي هادي ترا
انا: حوازة جدي هديكا الي مافيها شي الي استراحة مش انقولوها الربع الخالي ولا انسيتوها
محمد: حي راحت علي بالي
انا: عرفتوها
اسامة: اي اي
انا: تعرف الطريق
اسامة: اي
انا: تمام تو يمشي اسامة ومعاه واحد تاني للاستراحة هديكا واحني نمشو انجيبو ولد عمها وانجوكم
محمد: شن اسمه هوا
اسامة: علاء
انا: تم برا واطمن اعتبره عندك
مروان: به بنمشو هكي تو يعرفونا
انا: نبو لتام
محمد: اني عندي 6 بس
ايهم: اي عادي علي عددنا
انا: عينك واني
بيان: مني قالك بتمشي معانا
انا: امالا اعلاش عاطيتكم الخطة
محمد: هادا اعلاش انتي تبي اتجربي جو الافلام
مروان: لكن انتي اممم المهم مفيش مشي
انا: حتي لو حامل عادي
بيان: هوا مقالش حامل قال لكن انتي ومصارش ترا شن كان بيقول
انا: اي كان بيقول حامل
سراج: انتي حامل
انا: اي
سراج: يعني بنبدا خال
اسامة: حتي اني بنبدا خال
محمد: يعني بنبدا عم
انا: بالشويا
مروان: بعدين انصدمو نتفاهمو هيا
اسامة: يمشي معاي ايهم
انا: تمام واحني بنمشو في سيارة سراج لانها كبيرة وواسعة
بيان امشي الي سيارته جاب قناع جوكر
بيان: هادا ليك ياسيلين
انا: ياخيتي نجيه سلم وليدي
بيان: غيرت راي هاتيه
انا: لالا خلاص
وامشينا درسنا السيارة
انا: مروان وسراج اتعالو
محمد: انته سوق
وبيان افتح كوفينو السيارة
بيان: تم
نزلنا وقفت اني ومروان قدام الباب وسراج بجنب ميبانش وشاد شكارة سوداء
طقطق مروان فتح الباب ولد
انا: السلام عليكم لوسمحت ياخوي نبو علاء
علاء: اني علاء
انا: تم ياقلم
ودارله سراج الشكارة وقامه هوا ومروان حطوه في السيارة وركبنا ومحمد يجري بي السيارة
وصلنا ونزلوه ربطوه في كرسي
ايهم وبيان مكعمزين يلعبو في ببجي( ديما يقعدو تافهين😂)
ومحمد متكي ويلعب بمفتاح السيارة
واني ومروان واقفين وحاطين رجل علي الحيط ورجل لوطة
واسامة خدي كرسي وكعمز قدام علاء ووراء علاء سراج
سراج نحا الشكارة
علاء يغمض في عيونه ويفتح: بسم الله انتم منو
انا: الجنون
اسامة: مانبي حد يتكلم
انا بصوت واطي: ياكلب احترمتك عشان الكلب الي مكعمز كنهادا خربتلك وجهك
مروان: 😂😂😂
محمد: شن جاك
مروان: نضحك علي الهبلة هادي
انا: خلاص اسكتو
شرين تلفون سراج
بيان: مني
سراج: الردع ياجماعة
محمد: شني الردع
سراج: تي القوات الخاصة
علاء خاف: فيها حتي الردع
ايهم: متخافش ياخوف الردع هادي مرته
اسامة: ياحلو انته تسمع الكلام وتنفذ فاهم
علاء: شن تبو مني
بيان: مش احني نبو هوا يبي
اسامة: تمشي الي عمك واتقوله معاش نبي ريهام وطول شنطتك والمطار وتسافر معاش نشبح وجهك والتأشيرة واتية
انا: بالحق واتية
بيان: تي مش قلتي مصلحة وواسطات
انا: هههههه نعرفكم
علاء: متفكرش ولا تحلم بحاجة زي هادي اتصير
اسامة طلع مسدس وشده من رقبته
اسامة: عاود شني اني الي قلته يتنفذ بالحرف يانخلي امك تبكي اعليك صبح ليل اتموت بطريقة عمره ماحد مات بيها😡😡
علاء بخوف: خلاص تم تم
وامشي قال الي بو ريهام معاش نبي بنتك
ووصلناه الي المطار خش معاه اسامة للطيارة وتاكد انه سافر
ومن غذوة امشي خطبها ووافقو
_____________________
بعد سنة
مروان: شهيدد تعالي
انا: بثينة وينك
بسمة: بثينة ماما بري خالتو سيلين تبيك
بثينة: حاضر ماما
انا: بثينة جيبي شمس باللهي اعليك
بثينة: اني لتوا مش مصدقة انك اني اخترت اسامي صغارك الزوز
انا: ههههه عادي واصلا اسمهم حلو زي اسمك شهيد وشمس
بسمة: ربي يحفظك لينا ياسيلين
انا: ولو تي انتي صاحبتي
بسمة: تتذكري يوم الي قتلك نفس قصتي
انا: اه اي
بسمة: حتي اني هكي بعد الحزن فرح ياسي يو
انا: هههههه اكيد
________________
طبعا كلنا تجوزنا
محمد اتجوز وسن وهيا توا حامل
اسامة تجوز ريهام وهيا حامل
بيسان جابت ولد ايهم
وبيلسان جابت بنت وسمتها ايان
انا مش عارفة اعلا سمو هكي لكن هادا ما قاللهم عقلهم 😂😂
وانا عندي ولد وبنت شهيد وشمس
وايمن تجوز
وايهم تجوز تاجوراء😂😂
وايناس تجوزت
وايان وبيان تجوزو
طبعا ولدي زي بيان وايهم بالزبط توحمت اعليهم اليوم كله مكعمزتهم قدامي ونعلق اعليهم
وبنتي زي سما لسانها طويل ومتخافش
سيلين: حوش الجد انجوه طرابة
كلهم: انروحو ونخلوه خرابة
سيلين: #حوش
كلهم: لمتنااااااا#
___________________
هادي نهاية روايتنا حوش لمتنا عشنا فيه بكينا فيه ضحكنا فيه وتعاركنا فيه حياتنا كلها فيه
العبرة مهما كان الحب يتغير وركزو كويس بين الي يحبك والي يلعب اعليك
انشالله روايتي وصلت الي قلوبكم واخديتو منها عبرة
مع تحياتي لولو حبيب💞
وزي مانقول اني الاء حبيب السائح( اختار طريقك وخلي شعارك فيها لا للستلام )
للكاتبة: لولو حبيب❤
مع السلامة💖
