رواية حوش لمتنا 💘
للكاتبة:لولو حبيب❤ الحلقة: 7
_____________________________
انا خشيت سمعت صوت تخبيط في المطبخ اقعدت واقفة نسمع
شهد مدايرا مكالمة جماعية في الفيس وفاتحة المايك وادير في نسكافيه
شهد: فهد اليوم عذبناها معناها صقر اعليها كويس وهيا تعرف انه غذوة خطبت سيلين مرات تهرب
ايناس: هههه حابسينها 20 سنة توا بتهرب بعقلك انتي
فهد: اي مرات تو انصقر اعليها كويس
انا خشيت: احم احم
شهد نقزت في مكانها وصقرت المكالمة طول
انا: شن اديري
شهد: شي اندير في نسكافيه
انا: مزال في اميه في الكتل( جهاز تسخين اميه)
شهد: اي فيه
انا: تمام امشيت صبيت في طاسة واخديت موس كبير وهيا شدت الطاسة وبتطلع شديتها وحطيت الموس علي رقبتها هيا طيحت الطاسة وتكسرت دارت صوت قوي
انا: تو نقدر نقتلك ومايندري اعليا حد قوليلي منهيا الي كنتي تعذبي فيها وشن دخلها فيا وامنين تعرفني تكلمي
شهد: هههه تو ايجي وقتها وتعرفيها
انا: شهد
وضغطت علي الموس هيا حست بيه عيطت باعلي صوت عندها
كلهم ناضو يجرو
خالي: صلو علي النبي يابناتي خيركم
سراج: سيلين خيرك نحي من يدك
انا: تعرفو تقربو نقتلها
وداد: يابنيتي خيرها شن دارتلك
انا: حاجة بيني وبينها
سراج :شروق افتحي الباب ونادي علي مروان
شروق امشت تجري وفتحت الباب
شروق: مروااااان مروااااان
محمد فتح الباب: خيرك مروان في الحمام( حشاكم)
شروق: كلمه بسرعة سيلين بتقتل شهد
محمد: يامرواان انزل بسرعة
ونزل محمد يجري القاني في الدروج وحاطه الموس علي شهد
محمد: سيلين هبلتي
انا: مفيش حد يدخل
محمد: سيلين بضيعي مستقبلك هكي
انا: هادي وحدة تستاهل الموت انتم لوسمعتو الي سمعته
محمد: شن سمعتي
شهد ضربتني علي رجلي اني جرحته جرح بسيط في رقبتها
شهد: اه وحطت يدها علي رقبتها القتها حتي دم لا بسيط هلبا الجرح
شهد: انتي مريضة الحق بري اتعالجي
انا: استغفر الله ياربي ولوحت الموس ونزلت نجري
مروان نزل ومحمد لحقني
مروان: خيركم
شهد: رد بالك مرتك اتنوضلك فليل تقتلك لانها مريضة نفسيا
مروان: والله مافيه مريضة وانتي عايشة
سراج نزل يجري: مروان تعالي
خالي: لاحول لله غير خيركم
شهد: لقحت اعليها بس
خالي: به خشو ارقدو
خشو كلهم ورقدو
انا امشيت للباركيه
محمد: سيلين وين ماشية انكلم فيك
انا ماشية ونبكي
محمد: انكلم فيك سيلين
سراج: سيلين
انا بعياط: ماتت
مروان: سيلين تعالي بنقولولك السر
انا تلفتت هي تكلم انته وياه
مروان: كعمزي قبل
كعمزت علي سيارتي اني ومحمد وهما واقفين قدامنا
مروان: ااااا السر هوا ااااااا شهد وايناس اااا
انا: تي تكلم خيرهم
سراج: منقدروش انقولو لين محمد يتزوج ايناس
مروان: اوف وضرب الحيط برجله
محمد: خيرك متعصب
مروان: نبي انقول لكن منقدرش
محمد: اعلاش لازم نتزوج ايناس
سراج: اركبو نرقدو وبعد اسبوعين تعرفو كل شي
انا: اركبو انتم
محمد: و انتي
انا: اني مليت بالدات اليومين هادم الهموم زي المطر اعليا
مروان: اركبو تو نركب اني وياها
انا: لو سمحتو مانبي حد معاي
سراج: سيلين
انا شبحتله وشبحت دموعه زي المطر
انا: سراج
سراج: تعبت ياسيلين الموت ارحملي
انا وقفت وحضنته : خلااص انته راجل متبكيش
سراج: معاش قادر تحملت اوجاع هلبا
مروان: ربي يكون في عونك ياصاحبي
انا: هي نركبو
ركبنا وامشيت الي داري صقرتها بالمفتاح وامشيت الي دار سراج
سراج: خيرك
انا: بنرقد بحداك
سراج: خلاص ابديت كويس
انا: زيد غادي ورقدت بحداه
سراج: زي لصقة راك
انا: مستحيل انخليك اتكلمها
سراج: به تتفاهمو انتي كلمي مروان واني نكلمها
انا: ههه ومني قال انكلم فيه ارقد سلم وخيي
رقد سراج ورقدت اني
__________________ في الصبح
نضنا فطرنا وصار انتشار😂😂
عهد: هي نوضي البنات بيمشو للمزين بري معاهم
انا: اني انحط رجلي في مزين هادا ماناقص
عهد: تي خير فيتك انتي
انا: اندير بروحي في الحوش
عهد: تي هيا هادا مش يوم عادي خطبتك
سراج: خليها تعرفيها العناد يجري في دمها تو تتصرف هيا
جداي: اسمعي جاي يافرخة مش اتقولي لا مديرش مكياج هادا مش يوم عادي بديري مكياج
انا بصوت واطي: احلمو مداما الحلم ببلاش
جداي شدتني من وذني : شتي قلتي يافرخة
انا: شي ياماما
كلهم: 😂😂😂
جداي: نوضي هي وتي روحك
انا: مزال الوقت
جداي حذفتني بالشبشب: نوضي قاتلي مزال وقت
كلهم: 😂😂😂
مروان: خلاص ياجداي
جداي: اسكت خايف اعليها من توا
سراج: مني عزمتي
انا: حد
سراج: شنو
انا: خي انسيت اسامة وطلعت تلفوني كلمته
اسامة: ايوا
انا: اهلين سيمو شنجو
اسامة: مني معاي
انا: شنو
اسامة: اه سيلين اسف غير راقد بس
انا: طيح سعدك نوض وتي روحك
اسامة: الي شنو
انا: اليوم خطبتي
اسامة: شنو
انا: اي وبسرعة وتي روحك
اسامة: توا اتقوليلي
انا: انسيت وانته اول واحد نعزمه الحق
اسامة: عارف اني ميعبوش اعليك
انا: هههه اسمع اعزم القناة كلها
اسامة: ومنهوا هادا الي حظه طاير مسكين حظه قاله تشاو منهوا
انا: مروان
اسامة: مروان ولد عمك المغرور
انا: اي
اسامة: اليوم شنو
انا: خميس
اسامة: خلاص غذوة يوم القيامة
انا: استغفر الله نوض طيح سعدك ومتنساش تعزم القناة
اسامة: ماهو اني الي جاي مروان بيخطبني
انا: يابارد😂😂😂
اسامة: طيري هي
انا: بارد😂😂😂
صقر اعليا
انا: منور ياكلب تو اتشوف
جدي: هي انتشرو في الارض فاسدا
البنات كلهم امشو للمزين والنساوين كل واحد لاهيا في عمرها وحتي جداي نفس الشي والولاد كلهم امشو للحلاق
انا ركبت داري فتحت شعري وشديته بتوكة عادية وابديت ناخد بالخصلة ونلفها علي التوكة زي الكعكة وانشد في ببروش ابيض علي هيئة قلب واستمريت هكي لين طلعت امعاي وردة وقفطاني لونه احمر درت ظلال احمر هافت ومسكرة وبودرة وروج احمر هافت
ولبست كندرة ذهبية
خشت وداد
وداد: مشالله عروسة ربي يبارك
انا: يسلمو مرت خالي
وداد: سامحيني بنتعبك اديريلي تسريحة لشعري
انا: عادي
كعمزت ودرتلها تسريحة هيا شعرها لنهاية كتفها درتلها وردة صغيرة وطايحات من خصلات هلبا طالعين من الوردة وباقي شعرها مفتوح
وداد: شكرا
انا: عفوا
طلعت واذان المغرب وابدت الخطوبة لوطة في حوش جدي
واحني واقفين البنات اني في النص وبحداي بيسان وجنبي بيلسان وبعدين ايناس
خش محمد لبسها الدبلة وطلع يجري
خش سراج علي اغنية هادا انته حبيبي
خش مؤيد علي اغنية لاقلت جيبولي البحر ولاقلت جيبولي القمر
خش مروان علي اغنية عشق موت لبسنا الدبلات وقصينا التورطة وتم كل شي
من الرغم انه كلهم مش الي مزين واني في الحوش طلعت اني احلي منهم
ركبت بدلت ومسحت مكياجي وبنرقد خشت شهد
انا: اعلاش مدايرينه الباب
شهد: شنو
انا: بش ايطقطقو اعليه الناس قبل مايخشو
شهد: اسمعي اعلاش محمد خطب ايناس
انا: قالولك محمد اني تسالي فيا
شهد: اوف ميحصلوش منك كلمة و طلعت
انا: ربي يهدي انشالله صقرت علي روحي داري بالمفتاح
شرينلي مروان
انا: ايوا
مروان: الف مبروك حبيبتي
انا : مبروك اعلينا
مروان: انحبك
انا: حتي اني مروان بنرقد تاعبة هلبا
مروان: حتي اني تاعب هي تصبحي علي خير
انا: وانته من اهل الخير
كعمزت في البلكونة
محمد حذف وردة من فوق شديتها القيت فيها ورقة
شبحت ايناس واقفة لوطة
انا: اسفة شديتها وهيا مش ليا
محمد: لا هيا ليك
انا: ايناس لوطة
محمد: متخليهاش تشبحك افتحت الورقة القيت مكتوب فيها انحبك
انا: محمد تصبح علي خير
محمد: خيرك
انا خشيت وصقرت البلكونة ورقدت
___________________
ومرو اسبوعين عاديات
وابدي العرس واني كل يوم نبكي لانه ماما مش معاي
يوم الحفلة
خشيت اني وسراج وقعدنا واقفين
وخشت ايناس مع خوتها ايمن وايهم
ايمن شبحلي
انا: ايناس الف مبروك
ايناس: الله يبارك فيك .. والف مبروك اعليك
انا: الله يبارك فيك
خشو مروان ومحمد ومؤيد علي اغنية روحي وغلاي انته
انا : طيح سعدكم حشمتونا🤦♀️
سراج سمعني: 😂😂😂 اختيار محمد هادي
انا قعدت نشبح الي محمد ومروان كيف طالعين ايهبلو
وصلو وقفو قدامنا
سراج مدلي يدي الي مروان ووقف هوا ومؤيد
ونفس الشي ايمن وايهم مدو يد ايناس الي محمد
محمد شد يدها وطلعو خوتها ولوح يدها اقعد واقف وبس
وخش بيان واقف في النص ومن اليمين بيسان ومن اليسار بيلسان وصل بيان اعطي بيلسان الي مؤيد وبيسان الي سراج
واقعدنا شوي وبعدين طلعنا وكل واحد لحوشه
في الطريق شرينلي سراج
انا: نعم
سراج: مروان بيقولك السر
انا: تمام .. قلتو الي محمد السر
سراج: اي قلناله
انا: به
وصلنا
محمد: نورتي حوشك
انا ابتسمت وخشيت كعمزت
انا: هي شنو السر
مروان: خلي غذوة انقولك
انا: بليز توا
مروان: لا غذوة
انا: باللهي اعليك مروان لو اتحبني
مروان: ....................😭
انا: 😱😭
_________________________
نبي منكم تصويت وتعليق عشان انكمل💝
مع السلامة💘
للكاتبة: لولو حبيب ❤
