أنا شاناز من العاصمة عمري 24 سنة رح نحكيلكم حكايتي بالاك تدوها عبرة ....انا هي شاناز العاهرة تاع باطل لي يضحكو عليها بزوج كلايم لي كانت تتخيل روحا تسوق طوموبيل إيبيزا تع لي كان تعيطله مون بيبي لي وعدها بالزواج تروح تشري القضيان و تطيب لراجلها واش يحب 💔 شاناز لي كانت تتخيل روحا فالمطار رايحة تبدل الجو مع البيبي تاعها و راجلها في فرانسا ...شاناز كانت تحلم تدي امها للعمرة من دراهم راجلها لي يحبها و يموت عليها ومايخسر فيها والو كيما كان يوعد فيها 😔 شاناز كانت تدير اي حاجة بش يرضى عليها لي ضيعلها حياتها و خلاها شفايا... شاناز كانت تاخذ الدراهم من عند باباها و تشريهم نويزات و قش معري باش تغري صاحبها بيه ...سلمت نفسي ليه وليت لعبة بين يديه ، مانيش نقلكم أنا ضحية لا لا انا لي بعت روحي بااااطل غير بزوج كلايم حلوين و دورة بالطوموبيل 😔 يااااحسرا هاذاك النهار عمري ماراح ننساه كنا فالطوموبيل نتصورو طالقين الغنا و زاهيين و هو يعنق فيا كنت متسلفة قش بنت خالتي إيمان انا زوالية معنديش كنت حاباته يشوفني دايمن زلة و حطة و كنت دايرة بارفان تع أختي جيهان المتزوجة عطاتهالي من جهازها مين كنت نروح عندها .. شحال توحشتها جيهان حبيبتي...💔😔 و شحال توحشت مين تغمزني تقولي هايا وينتا يجي يخطب مين تسمعني نحكي فالتلفون معاه.... كانت تقولي حبيبتي جهازي قاع اديه راني متشوقة نشوفك بلاغوب بلونش انا نكريلك أغلى و أجمل وحدة هي و راجلها خدامين كانت مقلشتني خطرة على خطرة تشريلي قش و تفليكسيلي 😔💔 .... شحال توحشت ماما كانت تحطلي السني تع القهوة و المسمن الصباح بكري كي نروح نقرا و تقولي بنتي اقري مليح تولي استاذة و نرفع راسي بيك 💔 اييبيه يا ماما ماكنتش عارفة بلي رح نحطلك راسك في لرض.... نرجعو لهاذاك النهار المشؤوم كنت بالكرش منه فالشهر الثاني كنا نهار الأحد و كان واعدني نهار الخميس يجي يخطب و موراها بأسبوع نتزوجو ونقولو بلي ولدت فالشهر السابع المهم كنا فطوموبيل نزل بش يشري الدخان و نسى بورطابل فالفيستا وكان يصوني مديت يدي للفيستا و دخلتها فالجيب و كانت صدمتي كبيييرة من واش لقيت مع البورطابل ....
