قعدت برا نبكي فالجاردان وصلتني آبال نيميرو منعرفوش قلت الو وي شكون قالي شاناز انا آمين مت بالفرحة كي سمعت صوتو قالي كيراهو البيبي تاعنا توحشتك حبيبتي علابالك مرحتش صراتلي وحد الحكاية تقولي فيلم ارواحي دوكا نفوت عليك بطوموبيل نحكياك كلشي و انا بديت نبكي بالفرحة قلت اخيرا جا مزية مافضحتوش مزية صبرت روحت نجري للبلاصة لي مالفين نتلاقاو فيها شفت الطومبيلتو و مكان فيها حتى واحد رحت نجري ركبت فيها كي جيت نجبد التيليفون بش نعيطلو جا وحد الزوج تاع ليجان ركبو فيها قعدت نزقي شكون نتوما؟ رشو عليا وحد الحاجة كي البارفان و دخت .. بديت نشوف فوحد المنامات بيزار نشوف يما تديرلي فالحنة و داتني للقبر تع جدة تقولي شاناز اتهلاي فروحك حبيبتي وانا نبكي نقولها ماتخلينيش نخاف من القبور حتى نضت مخلوعة لقيت روحي فكلينيك بريفي عرفت بلي جازو خمس أيام جات وحد الفرملية كانت مقابلتني مين شافتني نضت قالتلي اسمعي رانا طيحنالك البيبي و قولنا لداركم بلي ضرباتك طونوبيل مين جيتي تقطعي الطريق وهاذاك الجان لي رش عليا البارفان مجمع قبالي يحمر فيا لعبها هو لي ضربني بطوموبيل قالي كون باباك يعرف الحقيقة يموت بسكتة قلبية ... الدم جمد في عروقي قعدت نزقي و نقول حسبي الله و نعم الوكيل دخل بابا قعد يسلم على راسي قالي يا بنتي كون غير ضربتني انا طوموبيل و ماضرباتكش و يبكي 😔 و شاف فذاك الجان قاله وليدي انا راني مسامحك انا انسان زوالي و هاذ الشي قدرو ربي سبحانو .. قعدت غير نبكي ليحبت التكملة تعلق بقلب ❤
