فاتت ليلة الزاوجة و الثالثة و الرابعة و الدراهم بدات تكمل و انا نعيط لختي جيهان نطلب منها السماح وهي تبكي و تقولي علاش يا حبيبتي درتي هك فروحك جات عندي لوتال و عطاتني ثلث ملايين قاتلي روحي كري بيها كاش ستيديو لوتال رح ياكلك دراهمك تحتاجي اي حاجة عيطيلي تعيشي روحي لولاية خلاف راني خايفة يشوفك هشام خويا يقتلك و فعلا رحت لولاية وحداخرا دبرت ستيديو كريت شهر و الجوع قتلني كنت نبات فوق لحاف بارد ماعندي لا كويزينيار نطيب فيه لا والو الدراهم كملت مابقا والو بقات ربعمياتلف برك فذيك الدقيقة عرف وش راه يستناني ... الميليو 😔 .. ستيكيت روحي مليح روحت لصال تع شيشة جمعت شيشت جا واحد طلب نيمرو تاعي .. مكانش خيار مديتلو ... روحت معاه ... كل يومين ثلاثة مع واحد ...كل ليلة فالكاباريات .. كل خطرة و شحال يخلصوني المهم ندبر دراهم الكرية والماكلة و اللبس ومنموتش بالجوع ممبعد وليت لاباس بيا احترفت المهنة بصح وليت رخيييسة بزاف ...كل دقيقة مقول لروحي شاناز .. شاناز انتي لخترتي امالا اتحملي النتائج.. بالاك يجي نهار و يرضى بيا واحد و يتزوجني و يخرجني من الميليو بالاك خلوني نحلم ... شاناز ماشي كون راكي دافية فدار باباك؟ ويماك تجيبلك لقهوة لحتى فراشك؟ شاناز وين راه أمين دوكا؟ مع مرتو و نتي؟ انا تع تولموند .. انا لي درتها بيدي و رايي وصلني لهنا..😔 ...النهاية ...
اوكي لبنات نشالله ديتو العبرة من هاذ لكرونيك برك ونقولهالكم ليحبك يجيك لباب الدار وخليكم من لحكايات الفارغة وديو مثال شاناز ماشي شرط يكون يرجع امين ويزوجها هذي تكون غير في لكرونيكات وفي خيالنا حبيباتي برك ونتي لي راكي تقراي فيلكرونيكات روحي لقاي صنعة ديريها وكملي قرايتك واخدمي وخلي وليد بلادك يكبر [هاذو جماعة ليبلعتوكم بلي مزال صغير وهو شلاغمو واصل لركايبه]وهاذاك تاع مازلني نكمل قرايتي لاه قولنالك حبسها روح اعطي لكلمة برك ولا هاذاك هاذي لخرة قاتلهم اسكتو نسنى خويا يزوج صح ومبعد نشوفلك حل روح نشالله ربي يحللك راسك
وحاشا ولاد الفاميليا قاع وبنات الفاميليا
_هاشاغ الشرف
هاشتاغ القوة
_هاشتاغ بنات الفاميليا
