قاتلي يا بنت الحرام راكي منيتك تدوري بخطيبي؟ قتلها واش ايمان هبلتي؟ راكي منيتك؟ قاتلي هو قالها بلي انا قوتلو يخرج معايا و نولي نروح لدارو نقيلو و نطيبلو و نتهلا فيه قعدت نحلفلها ماحبتش تصدقني كيما قالي هو ظهرت مخلوعة فيه و تصدق قاع وش يقول قاتلي راه بطل عليا و كيما فسدتيلي خطبتي ره نفسدلك حياتك وقاتلي غير ماكالاه ترجي للدار اليوم غير اقعدي برا خير ما يقتلوك و فعلا راحت لدارنا و حكات ليما و لبابا على كلشي و حكاتلو على البيبي لي طاحلي نهار ليكونت فلكلينيك .. انا قعدت نعيط ليما و نقولها يما تعيشي يما راني برا يما سمعيلي اعطيني فرصة انا بنتك جا بابا نحالها تيليفون من وذنها و قالي و هو يبكي انا كانو عندي زوج بنات دوكا عندي غير وحدة رح نعتبرك متي يا شاناز متي نهار ليخدعتيني فيه و طيحي راسي في لرض و نسمع خويا هشام يزقي مالبعيد و يقول ليوم نقتلها و كوبا ... دارت الدنيا بيا كانت في صاكي ست ملايبن بقات من دراهم أمين كنت دايمن نخرجها معايا فالصاك بش ميلقوهاش فالدار ... بت في لوتال ذيك ليلة خممت ننتحر خممت نرجع للدار بش يقتلني خويا و نرتاح و لكن ماقدرتش ...
