بنات الصياد

الحادثه

نذهب إلى منزل صابر
صفيه :حمدلله على السلامه
صابر :الله يسلمك إيه اتعشيتو ولا لسة
صفيه :العيال اتعشوا بس أنا قولت استناك
صابر :طب الاكل جاهز
صفيه :عالتسخين بس الله صحيح عملت أي في موضوع الأسيوطي واخوك وافق ولا لاء
صابر:لا لسه بس هخلي يوافق
صفيه :طب وسيد أي رأيه
صابر :اعترض في الأول بس خليته يوافق
صفيه :لحسن يقول حاجه ل احمد ويبوظ الدنيا
صابر : دا لو فكر يعمل كدا هندمه علي اليوم إللي حاول في يعمل كدا
صفيه : انا خايفه يعمل كدا من وراك ويقول لاخوك ويقلب علينا الدنيا ويمشيك من الشغل
صابر:لا ان شاء الله مش هتوصل للدرجادي
صفيه : ربنا يستر
في منزل سيد يجلس علي مكتبه ويفكر في كلام صابر له
فتدخل حنان :مالك ياسيد من ساعه ما جيت وانت مش عاجبني
سيد :مافيش يا حنان شويه مشاكل في الشغل
حنان :ان شاء الله كل حاجه هتبقي بخير بس قول يارب
سيد :يارب
وهنا ينتهي الحديث في بيت سيد ويبدأ يوم جديد مشرق ملي بالأحداث والمفاجأت
نبدأ باستيقاظ ليليان من نومها واستعداد ها ليوم جديد تذهب الي حمام تاخد شاور تذهب إلي مطبخ لتجد أمها تحضر الفطار ليليان :صباح الخير يا ماما
الام :صباح النور
ليليان :ماما إحنا عاملين النهاردة عيد ميلاد حور وإحنا عايزين نعملها مفاجأه ونبين ليها إن إحنا نسينا عيد ميلادها
الام :ماشي بس حتي نقولها كل سنه وإنتي طيبه علشان متزعلش
ليليان : لا ياماما كدا المفاجأة هتبوظ
الام :خلاص تمام هعمل نفسي ناسيه وأمري لله 😥
تدخل حلا:ادا أنتوا بتقولوا أسرار ولا اي😂
ليليان : أهي جت إللي مش بيتبل في بؤها فوله مبروك المفاجأة باظت
الام :لا دي حلا دي حبيبتي أكيد مش هتقول حاجة علشان لو فكرت تقول هتزعل
حلا:خلاص يا جماعة مش هتكلم خالص بس قولولي في أي
ليليان : هنعمل مفاجأه لحور علشان عيد ميلادها بس هنعمل اكننا نسينا وهنفاجاها
حلا :حلو الكلام طب وهتجهزوا إزاي الحفله دي يا اذكيا وهي طول الليل والنهار في البيت
الام :اي اذكيا دي يا قليله الادب
حلا:أسفه يماما
الام :أنا هحاول اخليها تخرج ونحاول إحنا نجهز بسرعه للحفله
ليليان :كدا تمام
الام :انتي بقي يا حلا مش عايز اسمع صوتك خالص
حلا :حاضر
ليليان : طب همشي أنا بقي علشان أروح اعزم مليكه ومامتها
تذهب ليليان الي منزل الجارحي والد مليكه تدق الباب فتفتح لها كوثر
ليليان :إزيك يا طنط
كوثر : تمام الحمد لله يا لي لي وأي اخبار اخواتك
ليليان : كويسين
كوثر :دايما يارب بخير
ليليان :طنط حضرتك آنتي وعمو معزومين عندنا النهاردة علي عيد ميلاد حور
كوثر: كل سنه وهي طيبه
ليليان :وإنتي طيبه يا طنط
اومال هي فين مليكه
كوثر: لسه نايمه دي من ساعه متخرجت وهي كدا بتنام لحد العصر وتعباني معاها
ليليان : ولا تزعلي نفسك يا طنط سيبها لي وانا اخليها لك تصحي من النجمه بعد كده 😎
كوثر:هههههههه ربنا يخليكوا لبعض وميحرمكوش من بعض أبدا ❤
ليليان : ولا يحرمنا منك انتي كمان يا احلي طنط