الحب لغير الله مذلة ولكن

تعريف الشخصيات

الكاتبة...مرحبا ....اليوم راح اكتب اول قصة آلية طبعا والله هذي قصة  خيالية واتمنى ياربي تعجبكم واحتاج دعمكم الي احبكم حبايبي يلة نبدي اعرفكم على ابطال القصة

😍😍😍😍😍😍😍😍😍😍

هلووو....اني اسمي تمارة من محافظة ديالى
عمري 17 سنة صف رابع عدادي
اني عندي اثنين إخوان ولد واخت وحدة صغيرة
اهلي ناس معروفين حالتنا المادية الحمد لله ممتازة
اني بيت اهل امي هما الي ربوني واموت عليهم
بس اهل ابوية ابد مو ماعدهم حنية علينا لذالك مااحبهم 🙃
اني كلش عنودية واللساني طويل ما احب احد يغلط كدامي واسكت يعني ادخل بكل شي هههههه
صح اني الجبيرة باخواني بس اني اوكح وحدة بيهم البراسي اسوي
شكلي مو كلش مختلف او كلش جميلة لا جمالي وسط
مواصفاتي ..(( بشرتي حنطاوية..جسمي رشيق  ..طولي 159سم ..شعري اسود بلون الليل طويل يوصل الحد وركي...عيوني سود إكبار....وهذي مواصفاتي ))
واني طبيعتي كلش احب طلعات ونسات
بالدراسة الحمد لله اني ممتازة واتمنى اصير محامية هذا حلم حياتي
طبعا سوالف الحب والشباب مالي شغلة بيهن
هواية اسمع بنات يسولفون هذا خاني هذا عافني هذا طلع جذاب هذا يهددني واحسهن كلش مكسورات
وانقهر عليهن لذالك اضوج من سوالف الحب لان كلة أذية والحب لغير الله مذلة واني عندي ابوية يسوة عندي الدنيا كلها
شخصيتي عصبية واضوج   واتخبل احد يحجي علية
احب اسوي الي اني مقتنعة بي
ما احب احد يجبرني على شي اني مااريدة
صديقات عندي هواي بس المقربات آلية بس اثنين
الي هي رفل تصير بنت خالتي اموت عليها وصديقتي وياي بالدوام اسمها أسماء هي صديقتي واختي كلش احبها صح ونتعارك اني وهي بس ابد ماازعل منها لان هي تؤم روحي
وهذا كلشي عرفتوا عني راح أترك القلم هو الي يكمل
انتظروني باي

🥰🥰🥰🥰🥰

هلووو....اني أسمي فهد من محافظة ديالى عمري23سنة الدراسة صف سادس عدادي وتركتها لان الصراحة ما احب المدرسة وكل سنة ارسب بالسادس بالاخير مليت وبطلت وهسة اني عملي صاحب محلات تصليح سيارات وعندي معرض سيارات كان حلمي يصير عندي معرض مال سيارات والحمد لله تحقق بفضل ابوية احنا الحمد لله حالتنا المادية ممتازة والله مفضل علينا اني عندي  إربع اخوان واني خامسهم وعندي اخت وحدة المدللة مال البيت راح اعرفكم على اسماء اخواني
الجبير اسمة أحمد عمرة 29 سنة مدرس انكليزي هذا عصبي النهار كلة ابد ما يضحك واني بسببة واخذت نظرة على مدرسين الانكليزي انو هما كئابة ومعقدين بس هذا الحجي بيناتنا مو تفتنون علية ترة بعدني شاب ماشفت شي من حياتي 😭😂  اوووي كئيب هههههههه
الوسطاني اني فهد طبعا تعرفوني 😎😊
الصغر مني ...اسمة أسد عمرة 21سنة يدرسة كلية مرحلة اولى ادارة وقتصاد هذا فد واحد مقطاطة الرايح والراجع بالبيت لازم يقطة منعول 😂😅 طلاب الإدارة وقتصاد هم تقطون باهلكم لو بس العدنة مقطاطة 😂😂
الأصغر من الاصغر مني طبعا تاهت علية السالفة شلون اعددهم ماشاء الله 😅😅
الأصغر من الاصغر مني اسمة أيهم عمرة 20 يدرس صف سادس عدادي  هذا بس مال انترنيت لازم الفون وكاعد ليل مع نهار يمكن عندة فارة اني شاك بالموضوع 😅😅
والصغير اسمة أمجد عمرة 18 سنة نايم بالخامس عدادي مجودي نار ويشتعل تعرفون الصغير بعد واخر العنقود وعدكم الحساب خبيث الى درجة يعني اذا لزم على واحد من عدنا لزمة بهذاك اليوم لازم انضل نتوسل بي علمود مايحجي😅صارت وياي
واختي الصغيرة اسمها رفل عمرها 17 سنة صف رابع عدادي شاطرة بالدراسة الحمد لله رفولة دلوعة البيت محد يحجي وياها بس عدها شوية خبالات طبعا ابوية ما يقبل واحد يحجي وياها لان المدللة على خمس ولد بس هي أبنية فمحد يحجي وياها اصلا الأميرة حضرة جنابها 😏😏بس اموت عليها مااكدر اذا مااشوفها هي مثل صديقتي من اضوج اروح يمها لان سوالفها تضحك الشيطانة 😂😂😂
مرت اخوية الجبير اسمها وئام أبنية حبابة وردة مال الله قايمة بواجب البيت كلة وابد ماتتعاجز ولا تضوج كلنا نحترمها وهي هم تحترم مانفرق بينها وبين رفل ابد لان هي هم مسؤليتنا صح ما صار عدها اطفال بس ابد مامحسسينها لان الرزق بيد الله
امي وابوية خيمة البيت والامر والنهي ابيد الحجية امي ابوية تزوج امي على حب من هي وصغيرة هو يحبها طبعا امي غريبة على ابوية بس جانوا جيران
فهو يسولفنا يكول جنت ساعة ب6 الصبح اكعد بالباب مال بيتهم قبل ما اروح للمدرسة علمود من تطلع اني اوصلها  للمدرسة لان اخاف عليها اووي ابوية شكد رومانسي 😂😂يكول امك جانت تضوج مني هههههه اشو تضوج منك وتزوجتك وخلفت منك خمس ولد وابنية لعد لومتضوج 😂😂😂اسكتوا لايسمعني المهم
هي هاي عائلتي عرفتوها وهسة اعرفكم على نفسي
اني شخصيتي متواضع واحب اضحك واسولف بس وقت الضحك ضحك وقت الجد جد من مرتاح اخذوا الثوب العلية بس من عصبي احذروا شري وعصبيتي
اني مواصفاتي مثل اي شاب عربي
((طولي 180سم...بشرتي حنطاوي على سمار .....شعري اسود عالي ....عيوني سود مثل الفحم .....جسمي ضخم الى درجة ومعضل ))وهي هاي مواصفاتي عرفتوها وعائلتي هم عرفتوها
ولأن أترك القلم للاحداث القادمة
باي 😘😘

الكاتبة .....شكرا الكم 😘😘
هلو حبايبي وهاي تعرفتوا على ابطال القصة الي هما 😍تمارة وفهد😍
اتمنى تعجبكم القصة
ولاتنسون التفاعل علمود تشجيع آلية
وشكرا الكم
انتظروني في الاحداث القادمة
اموووووح
😍😍😍😍😍😘😘😘😍😍😍😍😍😍😍😍