تمارة.... جان احلى يوم بحياتي كضيته ويا فهد ضحك وسوالف وبيبي ذهب كل شوية تتعارك ويانه لان كاعدين سوة وفهد يضوجها وهي تستلمنه غلط وفشار هههههه تعشينه وبيبي لزمتني الا اكعد يمها جذب هي بس حتى مااكعد يم فهد كملنا عشة وشلنه المواعين اني ونسوان خوالي وخالوا مسلم طلع للكهوة وخالو حسن كاعد يم فهد يسولفون
فهد...... حسن كوم نام ارحم بيا يا اخي
حسن..... احترم نفسك لك خالك اني حسن شنو كول خالو
فهد.... خالي وعلى راسي بس روح نام يااخي
حسن.... ما نعسان كوم نام انت شعندك كاعد
فهد... يمعود روح نام شنو لزكت
حسن..... اي مانعسان هي كوة انام
فهد.... عاد دروح بغرفتك اكعد
حسن.... لا هنا الكعدة تخبل
فهد.... اذا رحت رصيد ابو الخمسة الك ارحم بيا يا مو حرام عليك اني عكب باجر اطلع البغداد
حسن...... اسمع لك ترة اكسر راسك خوش والله حطلي كرون بعد
فهد.... اسمع حسن اني اذا اريد كدامك احجي خوش فدكوم تنام لو اشيلك واحطك بغرفتك واقفل الباب عليك بعد انت ختار وبكيفك
حسن..... تمارة تمارة
تمارة..... اني بالمطبخ واكفة اسولف يم زوجة خالي وسمعت خالي يصير وطلعت اركص... ها خالو
حسن..... خالو حبيبتي اخذي فراشج وامشي بغرفتي نلعب دومنة هنا بيبيتج ترتاح وحدها
تمارة..... اني عرفت قصد خالو حسن وين هههه ..... ههههه صار خالو ادلل
فهد.... وين رايحة لا عوفها هنا يم بيبي اخاف تحتاج شي باليل
الحجية ذهب...... عود خايف علية ابن البومة مااحتاج شي روحي بيبي نامي واذا شفتج مديتي راسج من الباب اكسرة الج مفهوم
تمارة..... هههههههههه حاضر بيبي يلة تصبحون على خير
فهد.... الله ع الظالم وانتي بخير يابة اني اعلمج باجر
تمارة..... ههههههه...... طلعت من عدهم واني ميته ضحك على شكل فهد شلون يتعارك وياهم لان خالو حسن مايخلي يحجي وياي وهو بس باجر موجود كلش ضايجة لان راح يروح تعلمت علية وتعلمت على اهتمامة وخوفة علية وغيرتة كلشي منه حلو صح نتعارك كلش هواي وعلى اتفه الأسباب تصير عركة بس مايخليني انام واني زعلانة منه وكلش احب بي هاي الصفات
أنت تقرأ
الحب لغير الله مذلة ولكن
Romantiekفتاه تكره الحب ولكنها تقع به حد الجنون فأنظروا ماذا فعل بها هذا الحب وما ترك لها أثر من جروح
