الحب لغير الله مذلة ولكن

البارت الثامن والتاسع

تمارة.... وليش يمة لا مو حلوة ويلة امشي روح مو عندك شغل

فهد...احد كالج الشارع مسجل باسمج

تمارة....شبيك فهد ...اريد احجي وصار كدامي اخو صديقتي باسم فد واحد لزكة

باسم....هلو تمارة شلونج

تمارة...هلو باسم الحمد الله وانت شلونك

فهد...امشي ادخلي جوة (بعصبية ونتر)

باسم....خير ابو الشباب شرايد منها

فهد....ليش انت شدخلك ابن خالتها واحاسبها انت منو

تمارة.....فهد كافي وباسم ارجوك لا تدخل واسفة

فهد....على شنو تعتذرين امشي ادخلي جوة لو حق محمد تعرفين شسوي

باسم....لا تصيح عليها وتمارة لا تخافين بس اشري واني اشوف شغلي ويا

تمارة....شنو شوف شغلك كالك ابن خالتي هذا يعني اني مثل اختة والا حق يحاسبني وشكرا على المجاملة وتكدر تروح وانت فهد هم روح على شغلك وبعدين نحجي

فهد....بسيطة تمارة بسيطة امشي دخلي جوة وبسرعة وهسة كدامي

تمارة....كلت خلي ادخل احسلي لان اذا راح اعاند راح تصير مشكلة دخلت البيتنا وسلمت على امي بابا كان طالع صعدت الغرفتي وبوجهي للحمام سبحت وطلعت بدلت ملابسي وتوجهت على السرير خليت راسي على المخدة وافكر بفهد والي سويتة وهل قراري صحيح ام غلط وهل هو فعلا يحبني ويغار علية لو بس شغلة العصبية تمشي بدمة مااعرف ليش افكاري متخربطة أكثر شي جنت اخاف منه علمود مااوكع بي بس فشلت
ماجنت اريد اخلي رجل يدخل حياتي غير بس ابوية ولكن هسة دخل وعندي حساس راح تخرب بسببة فهد انسان محبوب من قبل اهلي لان هو كلش يحترم بس اني رغم حبي اله الي صار خلال أسابيع ولكن الحد هاي
اللحظة اكره عصبيتة واخاف منها جنت أكثر شخص اتجنبة ومااحجي ولااتقرب منه هو فهد وكل هذا بسبب عصبيتة.. هالكد ضليت افكر نمت وماادري بنفسي

فهد....دخلت تمارة بدون ماتعترض ولاتعاند طبعا تفاجاه لان هي العناد الي يمكن عقلها اسمه عناد وعناد بس آلية تموت علمود. بس تلكة فرصة تعاندي وتحرك كلبي المهم دخلت وشفت هذا الولد بعدى واكف تقربت منه وكتلة  . ...اسمع احسن الك لا تدخل بأشياء ماتخصك لان راح تشوف شي ميعجبك ومرة ثانية غض نظرك عن تمارة والا عيونك اشلعهن

باسم.....ههههه عود يعني ع اساس خوفتني

فهد.... ما اخوفك بس احذرك لان اني من اريد شغلة أحذر بالاول وبعدين انفذ كلامي شنو تحب تجرب

باسم....اول شي لا احب اجرب ولا ابد اني ماجنت اعرفك ابن خالتها وتمارة مثل اختي لا يروح بالك بعيد واني مو مثل بعض البشر اخلي عيني على عرضي

فهد.... شتقصد  لك

باسم....مااقصد شي وهسة من رخصتك عندي شغل