البارت ٣
لكاتبة نجمةه
قبل مانرجع لبغداد بيوم كعدت من الصبح ساعه ٧ اكو الي بعده نايم والي طالع لشغل نزلت لحديقه كلت مدام نايمين خلي اخذ صور احب اصور بس مااحب احد يشوفني واني اصور 😅 اخذت هواي صور يم الورد واني نايمه ع الارض تعبت وبقيت متمدده على الارض ورافعه الفون اشوف الصور الي اخذتها وسمعت حسن
حسن.. فدوة اول مره اشوف ورده لازمه ورده
نور.. يمه بسم الله هاي منين طلعت خوفتني
حسن.. هههه شبيج ولج ليش اخوفج
نور.. شبيك انت تجي فجئه احجي سوي صوت مايصير هيج
حسن.. احب اشوفج على طبيعتج ❤️
نور.. عابت واني لازم كل مره اهبط هيج
حسن.. ماعاش الي يهبطج نور مدام كاعدين وحدنا اريد اكولج على شي واريدج تسمعيني زين ولا تقاطعيني ممكن
نور.. اي احجي اسمعك
حسن.. نور اني احبج واتمناج الي والله اموت عليج ولج تدرين اني اجي لبغداد علمودج بس حتى اشوفج ٥ دقايق نور انتي الهوى الاتنفسه كل مره احجي ويه ابوج ويكول مو وقته انتظر بعدها صغيره واني كل يوم تجي الف فكره بالي نور اني اخاف تحبين من دخلتي لجامعه كلت ل اهلي اريد انقل لبغداد حتى ابقى يمج نور كل يوم افكر معقوله نور تحب بالجامعه هي حلوه والف واحد يتمناها اكيد يباوعون عليها اكيد راح يجون يعترفون الها وهي اكيد راح تنعجب بشخص هاي الفكره تقتلني نور صيري الي ماراح تتندمين راح اعيشج ملكه وكلشي تتمني يجي يمج
حسن جان يحجي واني منصدمه بكلامه اعرف بي يحبني بس مو لهاي الدرجه وهو يحجي واني صافنه ومنصدمه من كلامه تقرب عليه وباسني 😲 ردت اوخره مني هو احس اختنكت و وخر اول ماعافني جريت نفس وضربته راشدي وركضت جوه جنت خايفه وكلبي يدك سريع عزا هذا شسوه شصار لا لا مستحيل اني احجي ويه روحي بالحمام واجى حسن دك الباب
حسن.. نور انتي زينه بيج شي جاوبي
علي.. شكو شبيها نور
حسن.. ها جانت بالحديقة وشفتها ركضت لهنا اجيت اشوفها خاف بيها شي
علي.. حبيبي نور بيج شي
نور.. لا علي ماكو شي وكعت هسه بس اغسل اطلع
عزا اباوع ع شفتي شلون صارت حمره وجهي احمر وارجف وكلبي بعد يدك غسلت وجهي وتنفست وطلعت شفت علي وحسن
علي.. خوما تعورتي
نور.. لامابيا شي شبيك
علي اي زين شطلعج برا ولج شوكت تكبرين
نور.. اهووو علي عوفني بحالي
عفتهم وصعدت حسن بس يباوع وحبست نفسي بالغرفه ماطلعت ابد صاحوني على الريوك مانزلت سويت نفسي نايمه متمدده وافكر بحسن هذا شسوه كل عقله شلون يبوسني ليش يسوي هيج اوف يربي شوكت نرجع لبيت كلبي موتني ليش يدك هيج خلي انام احسن شي
حسن.. شفت نور الصبح تاخذ صور وتمشي وتتمدد بالارض ياربي حيل احبها فكرت الف مره قبل هاي الخطوه ورحت الها هي كمزت خطيه حجيت وياها وقررت اوضح الها كلشي وشيصير خلي يصير اعترفت الها بكلشي وهي جانت مصدومه من كلامي اني احجي وعيوني على شفايفها ماكدرت الزم نفسي وبستها رادت توخر ماكدرت حسيتها ختنكت بيدي عفتها حتى تتنفس بس اني لو بيدي ابد مااعوفها اتمنيت اخذها ونختفي نروح لكوكب مابي بس اني وهي بس عفتها ضربتي راشدي وركضت جوه رحت وراها وتعرفون الباقي
علي.. اني اعرف حسن يحب نور ومنتبه لنظراتهم واتمنى يصيرون لبعض بس ابويه الله يهدي مايقبل يكول نور بعدها صغيره وحسن ما مكون نفسه بس حسن علمود طلب ابويه دخلت طب من كعدت الصبح شفت حسن يدك بالباب مال الحمام ويحجي نور بيج شي وكف كلبي كلت شصاير يكول وكعت طبعاً ماصدكت اكيد حسن مسوي شي لنور
نور.. بقيت نايمه لعصر ماريد انزل فتحت التلفون شفت حسن حارك الجهاز داز كومه رسائل ع الواتساب على الفيس والانستا حتى على رقمي ومخابر هواي يمكن ب٥٠ مكالمه اجاهلته نزلت شفت زوجت حسين هبه
هبه.. هلا كعدت عروستنا
توترت منها هاي شبيها اشو تقربت مني حيل وكالت
هبه.. ترا شفتكم عصافير الحب هههه
نور هي كالت هيج واني متتت بمكاني عزا العزاج نور هاي شلون ورطه الله لاينطيك ياحسن بيمن وكعتني عفتها ورحت كعدت يم امي
زهراء زوجة عمي.. شبيج حبيبتي ليش ضايجه منو وياج
نور.. ماكو شي عمه مو ضايجه
شمس.. ها ضجتي لان نرجع باجر ههه
نور.. لا اشتاقيت لدوام
شمس.. شعجب
زهراء.. اي راح تتعلقين بالدوام بعد اكثر
نور.. اي صح
مالي خلك احجي وحسن نظراته اكلتني و وترتني اكثر 🤦🏻♀️ صارت ب٧ بليل وبدو يحضرون العشا بين مايجي عمو محمد وبابا وحسين وعلي وحسن طلعو هم اني دخلت اساعدهم بالمطبخ
ايه.. نور عليج الله مشتهيه لحم بعجين الي اسوي الي من اجيكم لبغداد
نور.. اي تدللين هسه اسويلج بس حضري الغراض حتى ابلش
ايه.. اوك حبي خلي اطلعلج المواد
طلعت ايه مواد لحم بعجين وكعدنا سوا انسوي
هبه.. باع الجنه الجديده شلون نادره
ايه.. اي فديتها مو مثلج بس كاعده اكبر اكله اسويها بيض وطماطه 😒
هبه.. اي الله يثخن لبنكم
اشو هاي تباوع وتخزر بيه شبيها من اول يوم اجيت و هي ماعاجبها العجب شلون متحملها حسين
نور.. اكلج ايه حسين هم يحب هبه هذا شلون متحملها اني لو منه اضرب روحي طلقه ههه
ايه.. هههههه لج كل يوم تكب عيطتهم وصلت لطلاك بينهم بس لان حامل رجعها شيطانه هاي 😂
نور.. عزا حامل هم
ايه.. اي
نور.. بس ابنها صغير شوكت لحكت
ايه.. شعرفني نايمه يمهم 🌚😂
نور.. عابت 🤣🤣
كملت اللحم بعجين وخلصنا العشه واجوي كلهم صبينا العشه وكعدنا كلنا على السفره وحسن نظراته ماشالها عني
ايه.. هاك حسن هاي لحم بعجين من ايد نور
حسن.. اليوم اتعشه بس هاي جيبي
وكعد ياكل ويمدح بيه ونظراته عليه كلبي رجع يدك سريع عزا هاي شبيه شوكت يجي الصبح واروح لبيت ارتاح من حسن وسوالفه
كملنا العشه وغسلنا المواعين وسوينا جاي واني ويه البنات اساعدهم مااحب اكعد وهم الهي نفسي او بالاحره اشرد من نظرات حسن الي كملنا كلشي وصعدت فوك ارتاح وايه دخلت تسبح لازمه الفون وحسن دز رساله
حسن.. نونه تعالي نزلي
نور.. لاتحجي ويايه لاتخليني اسويلك بلوك
حسن.. نونه اذا مانزلتي اصعدلج واعيد سالفه الصبح نزلي خلي اشبع عيوني منج
نور.. انت مو صاحي جرب اسوي هيج والله اعيط والم عليك البيت واخليهم يطيحون حظك
حسن.. اوك هيج يعني
نور.. ايييي هيج يعني
عفته وتمددت جريت الغطه لان الغرفه بارده فاتحين سبلت وسمعت الباب نفتح عبالي ايه حجيت واني وجهي ع الحايط شبسرعه طلعتي ياوصخه
حسن.. احم احم
نور عززا شجابك ولك اطلع برا
كمت عليه اريد اطلعه لزم ايدي ورا ظهري ودنك عليه وحضني حيل تكهربت من حضني مااعرف شسوي لااكدر ادفعه ولا اكدر اصيح احس اللساني نعقد خدرت كلش ودخت مااعرف شبيه شصار ليش هيج كلبي احسه راح يطلع من مكانه
نور.. حسن فدوة وخر لايشوفنا احد
ماكو جواب
نور.. حسن الصبح هبه شافتنا وكامت تبسمر بيه
حسن.. خلي تولي
حسيت اكو واحد صعد
نور.. وخر اجى واحد
عافني باوع عليه وباسني من راسي كال راح اروح جاوبي على تلفونج ترا اسوي اسوء من هيج عافني وراح ورا شويه َدخلت ايه شافتني هيج واكفه مصدومه
ايه.. شبيج ولج ليش ترجفين شصاير
نور.. ماكو شي
ايه.. شنو ماكو شي باعي حالج احجي شبيج
نور.. بجيت مااتحملت مااعرف شبيه ولج ايه حسن حسن
ايه.. شبي حسن شسوه احجي راح تموتيني
نور.. حسن باسني الصبح وهبه شافتنا وهسه دخل حضني ليش يسوي هيج ويايه واني اعتبره مثل علي
ايه.. عزا بعينك حسن اهدي لاتبجين هبه ماسوي شي كومي غسلي خلي تهدين
رحت غسلت وجهي ونمت
كعدت ع صوت امي الصبح كمت كوه راسي يوجعني شكد مابجيت بليل دخلت سبحت مااصدك شوكت ارجع لبيت كملت عدلت نفسي وحظرت الجنطه طلعت وشفت حسن
حسن.. راح اشتاقلج كومه 🥺
نور.. وخر حسن
حسن.. نور والله احبج اتفهميني
نور.. حسن انت اخر واحد افكر بي لو ينقرضون بني ادم كلهم وتبقى انت مااحبك افتهم عوفني طلعني من بالك اني ماافيدك
واحنه نحجي اجى علي
علي.. ها شسون هنا
نور.. مانسوي شي حسن دايودعني
حسن 🙂
علي.. شبيك ضلع
حسن.. ماكو شي
نزلنا كلنا و ودعناهم ورحنا اخيراً
و وصلت لبيتنا وراح ارجع لدوام واشوف هدى وارجع لروتين واطلع حسن من بالي
يتبع... ❤️
أنت تقرأ
وما ادراك ما نواياهم
Lãng mạnالنيه ❤️ خل النوايا الطيّبه نصب عينك واعبر طريقك لامشيت وترفّق حتى لوّ إن أهل الردا محتسينك من أخلص النيّه لربه،، توفّق كل شخص واله نيته وتفكيره مستحيل تقدر تعرف شنو يفكر وشنو ناويلك بس الشخص الزين مبين وال ناويلك على شر مبين ومعروف من نظرته بس اذا...
