البارت ٢
لكاتبة نجمةه
ورا اسبوع
مثل العاده كعدت سبحت وبدلت حطيت مكياج خفيف وسرحت شعري ورحت على علي حتى ياخذني وصلنا لجامعه ورحت لقاعتي ومثل المعتاد كل يرم يجي طالب لو طالبه جديده الولد بسرعه يتعودون عكس البنات واليوم جان عدنا محاضره واجتي طالبه بنص المحاضره عادي الاستاذ دخلها ماحجى شي وجانت مثلي تماماً تستحي ومدنكه والطلاب شكو وحده جديده يكعدون يضحكون عليها اجتي كعدت يمي طلع الاستاذ هي سلمت عليه واني عادي رديت
هدى.. هلو
نور.. هلا
هدى.. فدوة شأخذتو وشلونها المواد
نور.. بعدنا مااخذنا شي بس دايعرفونا على المواد
هدى.. ها اي زين شكراً حبي
نور.. العفو
هدى.. اني اسمي هدى وانتي
نور.. اني نور
هدى.. عادي اخذ رقمج لان مااعرف احد 😅
نور.. اني مثلج مااعرف شي لحظه انطيج رقمي
طلعت الفون وكتبت رقمي يمها وحفظته وخابرت عليه هم حفظت رقمها محد دخل النا وبقينا اني و هدى نسولف على معاناة السادس وتعرفنا اكثر هم واخيراً صار عندي شخص اعرفه احجي وياه احسن من هاي الصفنات
ويه الايام صرت حيل مقربه من هدى كلش حبيتها وارتاحيت الها وصرنا كبل 😂 نكعد ونحشش على الرايح والجاي بس بدون مايحسون
بقينا هيج لشهر تقريبا اروح لدوام اكعد يم هدى يجون البنات يمنا نحجي نسولف عادي ناخذ محاضره وارجع كبل انام من اكعد انظف واكل اساعد ماما لان هي مدرسه ماتلحك
ورا شهر تقريباً بيت عمي عزمونا يمهم بيتهم بالبصره
احمد.. نور علي اليوم عمكم خابر وعزمنا يمهم
علي.. الله صار شكد مارايحه يمكن سنه اقبل بابا خلينا نروح نغير جو بداعتي
احمد.. انتظر ولك انت تموت على الدياحه خلينا نشوف امك واختك
شمس.. انت تشريد اني وياك
نور.. اني هم بابا 😍 وهم مشتاقه اشوف عمي و ايه يييي شوكت راح نروح احضر ملابسي شكد نبقى اخذ ويايه هواي ملابس لو شويه احجي بابا شبيك
احمد.. هو انتي تنطين فرصه واحد يحجي على كيفج هاي عود انتي الهادئه
كامو يضحكون عليه لان متحمسه اروح شسوي اني احب ايه لان نفس عمري بس عكس بعض هي جريئه وصلفه اني فطيره بابا كال نروح ٤ ايام لو اسبوع محد يأثر عليه الدوام قصده عليه وعلى ماما
شمس.. اني عادي اخذ اجازه
نور.. اني عادي والله 😂حتى لو مو عادي هم اسوي عادي
احمد.. يلا لعد حضرو روحكم باجر من الصبح نروح اخذو كلشي تحتاجو خاصه انتي نور مو كلساعه وكلتي يا نسيت ونسيت
نور.. لا حبيبي ماانسه
بست بابا وطفرت لغرفتي احضر اخذت جنطه صغيره وحطيت بيها ملابسي وعطر واخذت المرطب وحمره واهم شي الشاحنه والسماعات وهاي هي كملت من الفرحه مااكدر انام 😂 مااعرف شلون خلص الليل يمكن غفيت ساعه لو اقل صارت الساعه ب٦ الصبح كلنا كعدنا اني ركضت لحمام اسبح وعلي يصيح عليه وبابا كال راح نتاخر من وراكم استعجلو ورانا طريق
كملت اني وخلصت نزلت اني وجنطتي صغيره تنحط على الظهر بابا كال ها متأكده هاي تكفيج اسبوع
نور.. وزياده هم 😂
احمد.. اي زين
طلعنا اني وعلي كعدنا ورا وامي بصدر يم بابا اني اخذت غفه بطريق لان كلش طويل ومليت جان تخابر هدى
هدى.. هلو ولج هاي وينج
نور.. مسافره
هدى.. وين
نور.. للبصره لبيت عمي
هدى.. ياحقيره وليش ماكلتي
نور.. ولج من الفرحه نسيت 😂
هدى.. امداج وعفتيني وحدي 😢
نور.. لا راح نبقى نتخابر شبيج لاتبجين وجه الارمله 😂
هدى.. ولي صوجي اشتاقلج يلا توصلين بسلامه حبيبي بعدين نحجي
نور.. الله يسلمج حبي اوك باي
هدى.. باي
نور رجعت اتحارش بعلي وساعه اسمع اغاني ساعه اخذ صور واخر شي نمت لحد ماوصلنا اخبراً جانت الدنيا ظهر وحاره حيل نزلنا بيت عمي كلش كبير وبي حديقه كلش حلوه جانو واكفين بالباب ينتظرونا بابا سلم على اخو وامي على مرت عمي وعلي ويه حسن واني ويه ايه
خليني اعرفكم على عمي وعائلته
عمي محمد عنده معرض مال سيارات ومطاعم بالبصره وبغداد هم
مرته كلش حبابه اسمها زهراء ربة بيت
عنده ٢ ولد وبنيه
حسين ٢٧ سنه يشتغل ويه ابو ومزوج وعنده ولد
حسن ٢٥ سنه يدرس طب 😍
ايه ١٩ سنه ماتحب الدراسه اخذت شهادة السادس وبطلت
اني وياها عدنا سنه بسادس 😂
كعدنا سوالف وضحك حسين فرحان بأبنه مسمي علي 😍 وهو يخبل كله خدود كعدت اعض بي اني افقد على الجهال بس مرت حسين غثيثه 😒 ماحبيتها ابد ولا هي حبتني رحت سبحت وصعدت لغرفه ايه بدلت وداانشف شعري دخل حسن شافني ضل يباوع اني ولا منتبه عليه طبعا اني شعري طويل كلش واسود فحم درت وجهي وشفته كمزت
نور.. كبر شلون خرعتني كول احم صخام براسك
حسن.. هههه شبيج شفتي جني
نور.. اي جني اسمه حسن 😂
حسن نجبي ولج بعدج خبله ع سوالفج ماتغيرتي
نور والله عاقله بس علي يوكحني
حسن خاف انتي توكحي
نور عابت زعلت بعد لاتحجي عليه
حسن لا يابه كلشي ولا مرتي تزعل
نور دروح شبيه مخبله تزوجك يع 😂
حسن منو يع ولج
نور انت منو يعني
حسن بسيطه ولج اني الج اني يع مو
نور 😂😂
حسن وجع يلا نزلي خلي نتغذه ام اليع 😒
نور يلا جايه
طبعا اول مااجيت لدنيا حسن جان يكول هاي شنو ليش هيج صغيره جان يبوسني واله من شفايفي 😂 حسن جان يكول هاي خطيفتي عود خطيبتي 😂 جان كلش يحبني ولازك بيه حيل وكل مايشوفني يبوسني من شفايفي لحد ماكبرنا كامو يمنعو مني اني ابجي وهو يبجي 😂 ومن يشوفني يريد يبوسني مايخلو يكولون عيب كبرتو من تخلصون دراسه تزوجون وبوسها بابا كال ماانطيك نور اله اطلع طب يلا وهو بقى حاطها باله وفعلا طلع طبيه بس من كبرنا تغير كلشي اني جنت احسبه حاله حال علي هو يضوج بس هاي الصدك شسوي
كملنا غده رحت اساعدهم ماقبلو كالو تعبانين من الطريق رحت انام لان دايخه وكعدت بليل تقريباً ب١١ ونص كعدت ميته جوع نزلت جوه جان حسن وعلي وايه كاعدين يباوعون فلم رعب اني اتخيل من الرعب رحت على ايه
نور.. ايه تعالي ويايه لمطبخ
ايه.. ليش
نور.. جوعانه
ايه.. روحي انتي والله مااكوم اريد اكمل الفلم
نور.. اهو جوعانه شبيج
ايه.. اي روحي اكلي
حسن.. تعالي ويايه
نور.. كبر شكد خبيثه
ورحت ويه حسن طلعلي الاكل الضمو الي حطه بالمايكرو يحمي واكلت وهو كعد كبالي يباوع ويبتسم ❤️ اجاهلته لان اعرف نظراته شنو
بقيت الأسبوع كله ونسه وضحك وسوالف ونظرات حسن كلها نتبهت اله طبعاً جان يوترني من يباوع هيج عليه مااعرف شسوي 🤦🏻♀️ كلش تونست بس هم توترت وقبل مانرجع لبغداد بيوم صار شي ابد مامتوقعته يصير
يتبع ❤️
أنت تقرأ
وما ادراك ما نواياهم
Romansaالنيه ❤️ خل النوايا الطيّبه نصب عينك واعبر طريقك لامشيت وترفّق حتى لوّ إن أهل الردا محتسينك من أخلص النيّه لربه،، توفّق كل شخص واله نيته وتفكيره مستحيل تقدر تعرف شنو يفكر وشنو ناويلك بس الشخص الزين مبين وال ناويلك على شر مبين ومعروف من نظرته بس اذا...
