وما ادراك ما نواياهم

البارت ١٣

لكاتبه نجمةه
.
.
.
.
كيف الحب يغير خارطة الازمان
علمني اني حين احب تكف الارض عن الدوران
علمني حبك اشياء ما كانت في الحسبان فقرأت اقاصيص الاطفال
دخلت قصور ملوك الجان وحلمت ان تتزوجني بنت السلطان تلك العيناها اصفى من الماء الخلجان
وحلمت ان اخطفها مثل الفرسان
وحلمت ان اهديها اطواق اللؤلؤ والمرجان
احبك يا سيدتي
.
.
.

علي وصلنا لبيت جده لهدى قريت ايه الفاتحه بنيه التيسير حتى كلشي يصير زين ومثل مامخطط اله وارجع واني بهاي الفرحه دكينا الباب وفتح اخوها الباب
صفاء هلا هلا بيكم تفضلو
احمد السلام علیکم
صفاء عليكم السلام تفضلو
نور سلمنا ودخلنا النسوان وحد والزلم وحد اجتي هدى جابت ماي وعصير طالعه كيكه تخبل شعرها مفتوح على طوله وماخذه خصل منه رابطتهن سوا ومكياجها كلش خفيف تجنن طالعه سلمت على ماما وعلينا وراحت
.
.
حسن كلش فرحان لعلي مبينه الفرحه بعيونه كعدنا نحجي عادي وعلي كلساعه يكول يلا يلا احجو بعدين سولفو اضحك عليه شلون مستعجل بس حقه
.
.
احمد انتو تعرفو ليش جايكم اليوم
جاسم ابو هدى اي
احمد احنا نتشرف نطلب بنتك هدى لابنه علي على سنة الله ورسوله واتمنى ماتردونه وكل طلبلتكم اوامر
جاسم اني عايف بناتي على راحتهم ومااغصبهم على شي اذا هدى قبلت مااردكم انشالله والشباب متفقين وماخذين الموافقه
احمد لعد نقره الفاتحه
جاسم مثل ماتريد
علي قرينه الفاتحه وصاحو هدى تكعد يمي وعافونا وحدنا جانت لابسه حجاب طالعه ملاك تخبل من كعدنا وحدنا
علي فدوة مرتي طالعه تخبلينن
هدى من ذوقك
علي لزمت ايدها ولج فدوة اروحلج لاتخجلين مني ترا رجلج اني
هدى بعدك بس قرينه الفاتحه ترا
علي اي باجر نسوي خطوبه وعكبه الحنه وراها العرس
هدى شنو كل عقلك تحجي
علي اي ماكو داعي نطول
هدى لا علي مو هيج
علي لعد شلون حبيبي مااريد نطول هواي
هدى علي خلي زواجنه بالعطله وهو اصلا ماظل شي كله كم شهر
علي وداعتج هاي الكم شهر هواي
هدى لخاطري
علي ماشي حبيبي مثل ماتحبين بس نسوي خطوبه وعقد هم
هدى ماشي حبيبي
علي يبووووو عيديها
هدى ماشي حبيبي
علي فدوة يروحلج علي والخلفه لزمت ايدها وبوستها هي خجلت
هدى لايجون
علي لو مو بيتكم هسه ابوسج
هدى كافي علي والله استحي
علي احبج وانتي تستحين
.
.
نور كاعدين احنا وامي تحجي ويه ام هدى ويسولفن وصاحو هدى تجي امي كعدتها يمها وهي جانت مستحيه كلش 😂 واني وايه نشمر حجي الها وهي كالت اني الج من نداوم 😂 شويه واجى اخو هدى وكال نقرا الفاتحه حيل كيفنا وقريناها
نور هسه انتي رسمي مرت اخويه واني حماتج هلا
هدى اي حبيبي
نور اووي فدوة شلون خجلانه يلا روحي لرجلج
هدى بسيطه نور نداوم الاحد يصير خير 😂
نور هههههه اي شيخلصج مني بعد
.
.
نور
رجعنا لبيت وحسن يهوس لعلي هاي الرادها وهاي التمناها 😂
علي يوم الك حسوني
حسن انشالله عن قريب
علي ها من ورايه
حسن اي اي من وراك
علي خلي نرجع واستجوبك
حسن مااحجي لاتحلم
نور ضجت حيل من كال حسن عن قريب على اساس يحبني ومايعوفني طلع كله جذب بجذب نكلب وجهي وضجت كلش
حسن
شفت نور شلون نكلب وجها من كلت عن قريب كلش حسيتها ضايجه نظرتها بيها عتب اجاهلتها خليها اضوج شويه مثلي
ايه داانتبه على نور شلون اضوج من حسن واضحك على تصرفاتهم بس ماادخل لان حسن كال هو يتصرف
نور وصلنا لبيت كل واحد لغرفته تعبانين اني فتحت التلفون وشفت ٢٠ مكالمه من سنان كلت اخابره مدام ايه بالحمام تسبح
نور الو
سنان انتي وينج
نور شبيك سنان مو كلت نروح نخطب لعلي
سنان كل هاي تخطبون
نور قبل شويه رجعت سبحت وبدلت وشفت الفون شبيك
سنان صار ساعه اخابر وانتي اخر همج اجاوبيني
نور يا حبيبي دااكول رحنا نخطب
سنان لا كولي مشغوله ويه حسن
نور اي تمام مثل ماتريد تفكر فكر لاصدك واذا اتاخرت بالرد مو معناها يم حسن اليوم ملتهيه وما جاوبتك عليش العصبيه
سنان شوفي اللسانج شطوله يجي الاحد مايطير
نور كمل كلامه وسده بوجهي هو من شاف حسن تخبل كل مره يريد يسوي مشكله مايعرف شلون عفته ورحت انام كعدت ب١٢ كلها نايمه نزلت جوه اكل رحت لمطبخ وسمعت صوت عبالي علي يخابر هدى بس نصدمت طلع حسن جان يكول
فدوة اروحلج يلا حبيبي ماظل شي بس اتستقر هنا اجيبج يمي اني هم مااتحمل بعدج
ومن هل حجي ضجت حيل مااعرف ليش حسيت نفسي راح رابجي هو دار وجهة وكال حبيبي بعدين نحجي وسد التلفون
حسن ها كعدتي
نور اي
حسن شوكت اجيتي ماحسيت عليج
نور من زمان
حسن جاماطلعتي حس حتى اعرف
نور ماردت اقاطعك
حسن لا عادي
نور منو هاي
حسن وانتي شعليج
نور اي صحيح شعليه
عافني وراح لغرفة علي بس كلبي احسه راح وياه ليش تغير ليش سوه كل هاي
حسن اني متفق ويه ايه من تكعد نور تنطيني خبر وفعلا من كعدت نزلت قبلها وخابرت حتى تسمع من اجتي سويت نفسي مااعرف بقيت احجي وبعدين شفتها وحجينا شويه وعفتها ورحت حسيتها بدا الفضول يبين عليها يعني داامشي صح
نور مااكلت نسدت نفسي واختنكت حيل غسلت وجهي ورحت انام كعدت الصبح دزيت لسنان ماجاوب عفته رحت غسلت وتريكت ورحت ويه ايه اساعدها بالبيت رحت وياها لسوك اشترينا مواعين وهيج شغلات لبيتهم
نور اممم ايه بله اسئلج
ايه اسئلي شكو
نور حسن مكبل
ايه اي كالي كبلت
نور منو هاي
ايه مااعرفها بس ليش
نور هيج اسئل
ايه فرحانه لان كبل وعافج بحالج
نور ها اي اي
نور يعني صدك هذا المفروض افرح ليش هيج ضايجه طدعت التلفون ودزيت اسنان هم ماجاوب ضجت بعد اكثر
سنان نور من كالت حسن يمهم وراح يبقى بغداد حيل ضجت نوب قريبه عليه تصبح وتمسي عليه اخاف تتبرب منه بس لا هو دائما قريبه عليه ماحبته بس خاف من اعترف اتغيرت نظرتها اله الف فكره بالي صاير عصبي صح ماصار سنه اني وياها بس حيل تعلقت بيها واحبه بس اني عصبيتي تتحكم بيه الاحد رحت لدوام ورحت لمكان نور مكان هادء والطلاب الصبح مايجون بي انتظرتها تجي وشفتها هي وحسن سوا هو عافها وراح وجان لازم ملازمها انطاها اله وراح وهي اجتي عليه اعصابي صارت نار ماكدرت اسكت وتحكم بنفسي اول ماوصلت يمي ضربتها
نور اليوم حيل ممل كملته كله شغل وبدون تكل مااشتهي نمت ب٧ بليل لحد الصبح كلت اروح احجي ويه سنان وجه لوجه اشوف شبي تخبل عليه حسن وصلني لان علي طالع من الغبشه لشغل من نزلت جنت دايخع لان بدون اكل من البارحه ضغطي هابط
حسن امشي ارجعج لبيت شلون اداومين وانتي دايخه
نور لا عندي امتحان مااكدر
حسن انتظرج تمتحنين وتطلعين لعد
نور لا حسن ارجع
حسن لاتخليني اشيلج وارجعج لبيت
نور اووف منك
حسن جيبي اشيل ملازمج شكد جايبه اثكل منج
نور هاك بعد احسن
نور
حسن اخذ ملازمي ووصلنا شفت سنان من بعيد واكف ينتظرني اخذت الملازم من حسن
نور انتظرني هنا
حسن ماشي
نور رحت ركض لسنان متلهفه اله وصلت يمه ومااحس اله راشدي تجاني منه سطرني بمكاني اصابيعه طبعو بوجهي
سنان ها ولج جايه ويه كو.... شكد صلفه لعد جايبته وجايه شكد جذابه وحقيره طول الوقت مشغوله وياه مو
حسن ثول شكد غبيه نسيت القلم يمي خلي اروح ارجعه الها مشيت شفت نور وسنان واكفين وملازم نور بالارض وهي لازمه وجها وهو يصيح تقربت وسمعت يكول
سنان اجى اجى كو.... روحي ركضي اله
حسن شفت نور تبحي وهو يهينها جريت نور
حسن شبيج شسوه
سنان عوفها لا تلزمها
حسن شيل ايدك لااكسرها الك منو انت
سنان انت الي منو لازمها
حسن دفعته وضربته وكع بالارض ونور بس تبجي احسها فقدت
حسن ولح شبيج شسوه الج (اني احجي ونور تخربطت وسنان يريد يتعارك اجوي طلاب لزمون سنان واني شلت نور وطلعتها) صعدتها لسياره وفتحت التكيف الها نور فدوة اهدي شبيج باوعت لوجها شفت اثر الضربه متت شلون يمد ايده عليها غسلت وجها وشربتها ماي وهي بس تبجي
حسن اهدي خلي نرجع لبيت
نور مااريد ارجع
حسن ماشي نفتر بسياره
نور مااريد مااريدك كله منك
حسن سنو كله مني شسوت اني
نور من ضربني سنان نصدمت منو هو حتى يمد ايده عليه منو انطاه الحق يضربني حيل كرهته بهلحظه بس ماكدرت اسوي شي واني جنت دايخه حسيت نفسي تخربطت وتجى حسن تعارك وياه واخذني لسيارته وطلعت عصبيتي بي هو سكت مارجتني لبيت بقى يفتر بسياره لحد ماهديت نزلني لمول كال ناكل ونرحت لبيت نزلت وياه لان جوعانه اكلنا هو بس يباوع كملنا وكال
حسن شلون صرتي
نور زينه رجعني لبيت
حسن ماشي يلا كومي
حسن رجعنا لبيت وهي ساكته ماحجت شي سلمنا وهي صعدت لغرفتها واني صحت على ايه
ايه ها شكو
حسن روحي شوفيها خاف تبجي.
ايه ليش تبجي
حسن روحي هسه بعدين اكولج
ايه ماشي / رحت اشوف نور لكيتها متمدده بملابسها
ايه نور بيج شي اشو مو على بعضج
نور تعبانه مابيه شي
ايه كومي بدلي
نور مابيه ايه فدوة عوفيني اريد انام
ايه ماشي حبي نامي يلا
نور ردت انام وخابر سنان ماجاوبته رجع دك مره ثانيه هم ماجاوبته رجع دك مره لخ شفت الفون لكيتها هدى
نور هلو عرستنا
هدى هلا حبي وينج اليوم شو ماكو ليش الامتحان راح عليج
نور اجيت وطلعت
هدى ليش صاير شي؟
نور سنان شافني اني وحسن وصار عصبي ضربني
هدى شنوو ضربج بالكليه صدك تحجين
نور اي وحسن تعارك وياه وتخربطت طلعني
هدى عزا بعينج وهاي كله واني ماادري
نور اي والله
هدى وهسه انتي زينه
نور دايخه كلش
هدى ارتاخي حبي بعد طمنيني
نور ماشي حبي باي
هدى باي
هدى
من يوم الي اجى علي وتقدملي وقرو الفاتحه امي خلتني يمها بيت جدي ارتاحيت من عمي ومرته الخبيثين هنا اريح الي محد يحجي عليه وساكتين لان راح ازوج ويخلصون مني مطنشتهم وكل وقتي ويه علي الخط ماينسد دقيقه مايقبل يعوفني دقيقه واني كلش دااتعلق بي واحبه من يتغزل بيه مااعرف اجاوبه هاي مره احس بهل الحب والاهتمام كل يوم ادعي الله مايحرمني منه وهو كل يوم يكول احجي ويه اهلج نسوي الخطوبه هسه  بس اني ائجل بالموضوع احس بخوف اريد اتعود عليه وبعدين يلا بس هو ابد ماحسسني بنقص او شي
نور
كعدت بليل لكيت رسائل من سنان شويه عصبي وشويه بعتذر ماافهمه نزلت جوه شفت حسن بيده الفون ويضحك نعصر كلبي حيل تنهدت رحت يم امي
شمس شبيج يمه ليش هيج حالج
نور مابيه ماما لاتخافين
شمس شلون مابيج شوفي شلون شكلج
نور تعب من الدوام لايظل بالج
شمس تردين اسويلج اكل
نور لا اني اسوي لاتعبين نفسج
شمس لا يمه ماكو تعب اني اسويلج كعدي ارتاحي
نور فدوة لايدج ماشي
حسن شفت نور نزلت وراحت لامها كعدت يمها وكلت
حسن شلون صرتي
نور زينه
حسن اني اسف
نور على شنو
حسن لان كلشي صار وياج من ورايه
نور اي عادي
حسن لا مو عادي نور انتي كلش مهمه يمي واحبج كلش مااريد اشوفج زعلانه لو ضايجه لو بيج شي اموت ولا بصير بيج شي
نور لاتخاف مابيه شي اني اقوه من انهزم هيج
حسن اتمنالج كل الخير
نور شكرا
نور شنو شبي معقوله بعد مايحبني وماايريدني زين اني ليش هيج زعلانه ليش هيج كلبي يوجعني ليش اريد ابجي ليش مقهوره من كلامه ليش اريده يحبني مااعرف شحس وشنو اريد بس الي اعرفه اني اريد ارتاح ما اريد ابقى بهاي الدوامه اريد اخلص منها جابتلي امي الاكل واحى علي ياكل ويايه وحسن ناصب عليه
حسن يمه عمه اني اموت
سمس اسم ولك شبيك
حسن عمه ابنج ماشايف
شمس ليش
حسن الليل كله يحجي ويه مرته حتى بالحمام يحجي وياها
علي ههههههه نجب لك لاجذب لاصدكي يمه
شمس اي خلي يزوج ويمل
حسن هذا مايمل خطيه الله يساعدها عليه شلون تتحمله
شمس هههه تتحمله من هسه
نور لاتحجون على مرت اخويه اموتكم
علي لا محد يحجي على مرتي اني اموته
نور علي مو تنساني من تزوج
ايه باع هاي ولج ينسه حتى اسمه
علي هههههه اي انتي منو 😂😂
نور هاي الناقص تنساني ترا هدى صديقتي بكلمه مني اكلبها عليك دير بالك
حسن والله ياخويه اني اشوف لو تكعد بيت وحدك نور تخوف من هسه تغار
نور عشتو من منو اغار
علي يبو شيخلصني من اللسانكم يمه احجي سكتيهم اريد اكل اروح انام
حسن قصذك تروح تخابر عوف البنيه ولك خطيه خانكها
علي ديله شوف منو يحجي اني اكعد من ١١ لحد ال٦ الصبح اخابر مو
حسن نجب لك مو هنا يولي
شمس الله يهديكم
نور امين
شمس اروح انام وانتي يمه لمي الامواعي غسليهن اني نظفت كلشي
نور ماشي حبيبي / امي راحت تنام واحنا بقينا كاعدين نسولف ونضحك واني عيوني على حسن شلون يضحك ويحجي مااعرف اباوع وابتسم اله لحد ما اايه ضربتني على ايدي
ايه هيو شبيج صفنتي
نور مابيا شي
ايه شلون مابيج
نور مااعرف ايه
ايه امشي نغسل الامواعين ونصعد نحجي
نور ماشي / غسلت الامواعين ورتبت المطبخ باوعت ع حسن بتسمت اله وهو هم باوع وابتسم الي عفتهم وصعدت وايه صعدت ورايه و......

يتبع.....💜