البارت ١
لكاتبة نجمة
هلو اسمي نور عمري ١٩ سنه طالبه كليه طولي ١٦٠ وزني ٥٥ لون بشرتي لا هي سمره ولا بيضه يعني حنطاويه عايشه ويه ماما شمس وهي مدرسه عربي وبابا احمد تاجر وعندي اخ واحد اكبر مني اسمه علي عمره ٢٥ سنه مخلص هندسه بس ماكو وظيفه وقرر يشتغل ويه بابا حتى يتعلم ويصير تاجر مثله معروف
الباقي نعرفهم ويه الاحداث ☺️
اليوم اول يوم الي بالكليه طبعاً اني طلعلي قانون مثل ماجنت احب واتمنى تعرفون اول يوم خايفه ومتوتره لأن اني مو اجتماعيه ابد ومااحب اختلط لذلك قرر علي حبيبي يجي ويايه بين مااتعود على الدوام
علي:ها نور شنو شعورج وانتي بجامعه بغداد 😂
نور :ولك اسكت هاي ليش هيج ارجف عزا كل واحد هيج يصير بي لو بس اني
علي:لا حبيبتي بس انتي😂 ولج شبيج مو اني وياج
نور:علي هوسه ولد وبنات اني مااحب هيج وتعرفني استحي اوف شلون راح اخلص ال٤ سنوات 😢
علي:بعدج بسم الله شبيج ولج اني وياج مااعوفج نونه حبيبتي يلا امشي نشوف قسمج وطلاب قسمج بلكي الكه وحده صاكه 😂
نور :عابت ابو البنات ماتستحي امداك راح تموت من ورا البنات 😂
علي :ولج البنات نعمه يولي معليج انتي امشي واني اشوف رزقي 😂
وصلنا لقسمي وشفت اسمي قاعه c رحت الها ويه علي جانو داخلين محاضره
نور :اهو من اول يوم محاضره صدك يحجون ماادخل نوب متأخره من وراك
علي:عادي شبيج تبجين ترا مو مدرسه ويطردوج 😂 لج انتي فلم خرب يومج 😂
نور.. علي لاتضحك اموتك والله 😠
علي.. خلص خلص سكتت يمه فديت العصبي تعالي ننتظر بين مايطلعون
بقينا واكفين ننتظر تقريباً ربع ساعه وطلعت استاذه كبيره بالعمر وطلعو وراها ولد ٣ صاكين 😂 كلت عزا هذوله ويايه اباوع عليهم على الاستاذه من تشرح
علي كال تحجين ويايه
نور.. لا لا حبيبي مو وياك امشي نروح لقاعه
دخلنا علي سلم لان جانو ولد اكثر من البنات الولد ردو عليه عبالهم وياهم هو سئل على الاستاذه الي جانت عليهم كالو اله ماكو شي بس اجتي تتعرف وهيج
علي.. نور اني راح اروح اجيج ب١ ماشي حبيبتي اي شي تحتاجي خابريني
نور.. شنو تروح عليك الله ابقى
علي.. ولج ابويه خابر محتاجني بالشغل تعرفينه تعبان ومايكدر
نور.. اوف ماشي مو تتأخر عليه فدوة
علي.. لا مااتاخر ب١ لو ١ونص اني يمج انتي ابقي هنا اني اجي اخذج منا تمام؟
نور.. تمام دير بالك مو اسوق سريع 😒
علي.. ماشي يلا باي
نور.. باي
علي راح وبقيت وحدي اباوع على البنات كل وحده مسويه كروب ويحجون مبين صديقات من المدرسه اوف واني عندي بس وحده وشالو لاربيل شلون حظ عليه كاعده وصافنه يدخل استاذ يباوع ويطلع لو طلاب بقيت هيج من ١١ لحد ماصارت ب١وربع اهو حيل ضجت خلص بعد ماريد اداوم اريد ابطل شهل ملل رجعوني لسادس 😢اني احجي ويه روحي وخابر علي
علي.. نور اجيت اني بعدج بالقاعه
نور.. اي بعدني تعال حيل ضجت
علي.. يلا جاي
اجى اخذني وبالطريق يضحك عليه لان اكول اريد ارجع لسادس 😒 وصلنا لبيت رحت على حبيبتي ماما بوستها سئلتني شلون جان كلت الها اوف ماما تعب وملل نوب كل البنات مسويات كروبات وكاعدات واني بس اصفن بالحياطين
شمس.. عادي حبيبتي لان اول يوم بعدين تتعودين وتتعرفين على بنات بس ها كون بنات زينات مااوصيج
نور.. طبعا حبيبتي
شمس.. يلا روحي بدلي وغسلي وتعالي اتغدي
نور ماشي حبيبتي بوست ماما ورحت ابدل واغسل وعدلت شعري طبعاً اني مو محجبه 😅
نزلت تغديت وغسلت الامواعين وساعدت ماما ورحت انام لان تعبانه نمت لليل من التعب كعدت لكيتهم متعشين وعايفين الاكل الي طبعا اني من انام محد يكعدني لان اذا كعدت وماشبعت نوم اصير عصبيه 😂 لذلك يعوفوني انام على راحتي
ثاني يوم كعدت بدلت وغسلت وحطيت مكياج خفيف وسرحت شعري وطلعت ويه علي وصلني لان ماعندي خط ونفس روتين اول يوم خلصت ثاني يوم الي عادي
و ورا اسبوع تغير كلشي لان.....
يتبع ❤️
أنت تقرأ
وما ادراك ما نواياهم
Romansaالنيه ❤️ خل النوايا الطيّبه نصب عينك واعبر طريقك لامشيت وترفّق حتى لوّ إن أهل الردا محتسينك من أخلص النيّه لربه،، توفّق كل شخص واله نيته وتفكيره مستحيل تقدر تعرف شنو يفكر وشنو ناويلك بس الشخص الزين مبين وال ناويلك على شر مبين ومعروف من نظرته بس اذا...
