رسائل واتساب؟؟!

٢

ام محمد الجبوريه

# رسائل واتساب #

كلعطر ساكون لا تراني عيناك
ولكن ستبقى رائحتي معك في كل مكان

مياسه :بقيت احوم الرقم عندي واخاف اتصل

ياربي هو حتى ميباوع من نمر تكول مخلين حاجز بينه وبين النظر ميشوف شي

داومت وبالي شلون اتواصل ويا بدون ميشك

مها :هلوووو ميوس شلونج

مياسه :اف موزينه

مها :ياستار خير شكو شبيج جنج مطلكه
لا لا جنج حبوبتي من تستلم راتب تبقه تحسب بي وتنعه
ادري تنعين ليش مو راتب وبيدج

مياسه :هههه غسول محد خالص من لسانج اكلج والله دايخه شلون اتواصل ويه هذا الحقنه

مها :يا والحظ الرقم عندج صار ٣ ايام ولسه مامتصله اوهمداني اي والله
عبالي نجره وكدها

مياسه :لج مها مو اني اخاف يكشفني واله عندي ميت طريقه اكدر احاجي بيها
بس خاف يعرفها ملعوب وتالي يطير من ايدي

مها :شوفي حبيبتي هو الرقم جديد صار اسبوع من ماخذا

مياسه :وانتي شمدريج

مها ادري عيني غير حيدر كالي
يكول موبايله ناسيه
بالسياره مالته ومفتحه ونازل
من راجع لكي مخموط
والعقد مال خطه القديم
مضيعه وماكادر يحركه ويسترجعه
فماخذ مبايل وخط جديد

مياسه :وحيدر ليش يحجيلج هاي التفاصيل اخاف كلتيله ولج اذبحج والله

مها :لا ولج والله ماكتله بس هو سألني كتله لا هيج اكو مدرسه عدنه كالت الي
جيبلي رقمه الها درجه يمكن معجبه بي
بقه يضحك وكال يوم عيد يكبل
ويحل العقده مالته ولج ساكمنا والله
تكول شايب شكد يدقق وينقنق

مياسه :رجعنه من المدرسه وطول الطريق عيني على نقطة التفتيش خرب
ولا يهتم

بس اني اجتني فكره جهنميه اليوم انفذها ولو بالهدف لو بالنجف
وصلت للبيت اني اطلع من المدرسه بالوحده وعمتي تجي ب٣ العصر
دوم انتظرها مااتغده
اني عمتي روحي بالدنيا اموت عليها

دخلت للحمام سبحت ورحت البيبي نايمه وجدو هم نايم دخلت الغرفتي هم نمت

كعدت على بوسات بوجهي كله
هاي طريقة عمتي حبيبتي من اني طفله من تجي تبقه تبوس بيه
واني اكعد احضنها

شفاء :يالله حب اكعدي صبيت الغده

مياسه :اي عمه حبيبتي امممممح اموت عليج

رحنه للمطبخ اني وعمتي نتغده وبيبي وجدو يشربون جاي لان همه يتغدون قبلنا

كملت غده عزلت المطبخ

واخذت كتابي وطلعت بالحديقه اقره بس بالحقيقه افكر شلون ابدي بالهجوم عليه

خرب اني حتى اسمه مااعرفه
يالله بعد احسن حتى مايشك