قل لن يصيبنا إلا ماكتب الله لنا
انا قصه خرجت من قصه
قالو في الأمثال
البنت على حض امها
واني طلعت نفس امي
بس امي افضل مني
امها محتويتها
اني امي تركتني من عمري اربعين يوم
وحتوتني عمتي
نقلت قصتي لتوعيه فقط
مو كلشي انريده يصير
اله الي كاتبه الله النا
فاقد :ليش ماعندج خط مياسه :لا شسوي بالخط هو بيتنه عن المدرسه شارع ولوفه
فاقد :ها خير ان شاء الله صدك شفتها دخلت بالفرع وبقيت احجي وياها الحد مادخلت للبيت اوف اني شبيه البنيه ماتعرفني ليش باقي بشك
بس لازم ابطلها هذا البس شنو مااعدها احد يضبطها والله فورتني دخلت للغرفه مالتي وصحت على ابو حسين رجال منتسب ويانا جبير بالعمر احب اكعد ويا واحجي ويا وهو انسان يعرف حدوده ومحترم مهنته دك الباب
تفضل ابو حسين
_الله يساعدك سيدي _هاي شنو ابو حسين كم مره اكلك بينه اني ابنك مااحب هذي الرسميات ابد
_والله بويه ماترهم هذا بعد عسكر احنه _هههههه اي عسكر اكلك ابو حسين اني هذي المدرسه مالت البنات كلش مضوجتني وانت اشوف بعينك المنتسبين الشباب يتخبلون كم مره انطيت عقوبه _اسمع ابني انت تخاف من الله ماتريد تاذيهم وهمه شباب وهذني بنات حديثات وشوفت عينك حتى لبسهن يصيح التايه
شار عليه ابو حسين وكت طلعت المدرسه المنتسبين الزغار بالعمر ماانطيهم واجب يصير الواجب على ابو حسين وجماعته وبنفس اليوم نزلت الجدول
كاعد بالغرفه واتصلت امي
_هلووو حجيه الله يساعدج _بعد امك يساعدك ربي شلونك يمه _الحمد لله يمه انتي شلونج _اي يايمه ليش هيج صار اربع ايام مانازل ولك يمه هاي النقطه مالتك شمرت عصا لو بغير محافظه يمكن مااشوفك بعد ولك كلبك شكد جلد ماتكول امي تشتاقلي
_والله يمه حقج بس تعرفين صويحبي عنده ابنه متخربط بالخدج واني لازم بمكانه يعني تقبليها اكله تعال وهو كل مايخابرني يكول بدلو دم لطفل لو رادو بلازمه لو مااعرف شنو يمه صويحبي هذا تردين اخذله بهيج وقت
_لا يبعد امك بس عبالي ماخذ على خاطرك من حجايت عمك
_يمه عمي تعلمت عليه وداعتج طول عمره يفضل ولده عليه
وكل ماحجه وكال باسل دكتور مو مثلك وقاسم صيدله ورنا طب اسنان واني العار الوحيد بالعائله _لا يمه والله عمك يحبك ولك هو رباك بس تدري انت باسل كلبه تعبان وهو يشجع بي وخاصه من راد يزوج قبل مده وكلحنه وكفنه ضده
_يمه ياحبيبتي باسل مو طفل وهو دكتور اصلا يعرف الي يضره والي ينفعه بعدين مو اخر فحوص اله الدكتور كال يكدر يزوج
_اي يمه يكدر بس انطا امل قليل يعني يمه اخوك اذا ازوج احتمال بعد ٦ اشهر يموت
_كولي يالله حجيه صدك باجر اريد دولمه من ايدج _يابعد امك من عيوني يالله ياروحي انت اخذ راحتك _بعد عمري امي الله وياج
امي بعد مانفقد ابوي ومن جابتني اهل ابوي ماخلوها تطلع من البيت واذا تريد تطلع تطلع بدوني لان جدي جان حكمه مثل السيف قاطع بزرنه يربون ابيتنا وبعد كعدات وناس اجاويد من طرف اهل امي واهل ابوي توصلو الحل امي تزوج عمي ولان امي ماتكدر تعوفني وخاصه جنت طفل رضيع قبلت بعد السنه زوجو امي العمي بسنه ال٨٩ جابت امي اخوي باسل اني احبه كلش بس عمي يفرق بينه لان هذاك ابنه ماادري لان مريض من الزغر هو عنده فتحه رباعيه سوله عمليه بس الدكتور حذرهم انو يزوج وبعد باسل اجه قاسم وبعد قاسم اجة رنا شكد احبهم واداريهم والله كل مصرفهم مني اني راتبي نعمه من الله بنفس الوقت عندي صديق داخل ويا شراكه بمحلات بسوك التجار وعندي كاع مخلي بيها رجال فقير كاعد هو وعائلته وهم يزرعها وعايش من خيرها
اخوتي اثنينهم شنو الي يطلبو اوفره الهم وعمي سجلته للحج وكلشي عليه بعد ماستشرعت بالموضوع ماكو اي مشكله راحو هو وامي
رناوي حبيبتي مانقبلت بمعدلها دخلتها اهلي بالسنه ٥ مليون ادفع الها جنت افكر بكلشي صار وياي من اني طفل الحد هذا عمري واجتني رساله 💬 هلووو صديقي شلونك ههههه تكلي صديقي الخبله
. . . . يتبع
_________ ممكن متابعه لكاتبه الحلوه واكون ممنونه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
