رسائل واتساب؟؟!

١٧

ام محمد الجبوريه

رسائل واتساب

بارت ١٧

فاقد اذنت باذن الطفل وانطيته الامي
حتى اجاوب على مبايلي

اجاني صوت قاسم يبجي ويكلي الحكلي باسل راح من ادينه واسمع عمي يصيح

تخبلت ماحجيت لامي الي اخذت حمودي للخدج

طلعت للمستشفى الي بيها باسل

دخلت لكيت قاسم كاعد بالكاع وراسه بين اديه

ركضت لدكتور الي كمل شد الاجهزه على باسل وطلع

الدكتور تفضلو  وياي اشرحلكم وضعه

رحنه ويه الدكتور الي جان كلش هادئ ولا عبالك اكو شخص يموت كدامه ماعرف هو هيج طبعه لو من كد ماشاف حالات كدامه كلبه صار جلد

شوف ابني اخوك اصلا قلبه مايتحمل جهد وانتم زارعيله جهاز سابقا

صح دكتور

والي تعرضله تعب قلبه اكثر وايضا الي مثل حالته ممنوع يزوج والي عرفته هو مزوج عنده طفل هم

اني بس اهز براسي علامه الموافقه واريد اعرف النتيجه

شوف ابني احنه سوينه العلينه
ونضمنه الجهاز ويه وضعه حاليا
هو ان شاء الله اسبوع اسبوعين يطلع من المستشفى بس تستقر نبضات قلبه
بس انصحكم اطلعو للخارج علمود ازرعوله قلب لان بالعراق ماعدنا متبرعين بس اكو بالبنان وتركيا اذا حابين

وياريت اذا عدكم نيه تستعجلون بدرج اسمه ضمن الي محتاجين متبرع

فاقد :ومنو يتبرع بقلبه

الدكتور ابني اكو عالم متبرعه باعضائها اذا صار عليها فد حادث او غيرها

فاقد زين بالعراق ماكو

لا ابني بالعراق ماعدنا هذي الثقافه العالم
منو يقبل ينطي اعضاء ابنه او بنته اخو اخته امه ابو ماكو هيج عدنا

هسه اني اكلكم وضعه مايطمن منا الاسبوعين يالله يزول الخطر عنه من ينتضم النبض عنده

وشي اخر اي مجهود ماكو حتى المشي
يستخدم عربانه

ضغط نفسي ماكو خوف غيرها
اريد اجواء خاصه اله

زوجته تبعدوها عنه تماما والي اقصده كزوجه مو تبعدوها ميشوفها لا نصف علاجه بجمعه احبابه
هو اذا بقه بدون زراعه قلب على هذا الجهاز يعيش ٦ اشهر بعد
وربي يكومه بالسلامه
بس اهم شي تستعجلون بتسجيل اسمه
وشوفو لبنان او تركيا

طلعنا من يم الدكتور
قاسم :فاقد خلي نتصل باصدقائه بتركيا يسجلون اسمه وهمه اصلا بالمستشفى يداومون

فعلا سجلو اسمه ومدى الخطوره واحتياجه للعمليه

مرو الاسبوعين علينه انتقام باسل اقلل خلل بنبض يعني نخسره مراقبين الجهاز