رسائل واتساب؟؟!

٨

ام محمد الجبوريه

رسائل واتساب
البارت ٨

لمن جرح قلبا:

الملائكة دونت، والله رأى
رفعت الاقلام وجفت الصحف

مياسه :فاقد فر راسي وبالي راح لبعيد
زين اني شنو دخلني بعلاج امه

زين امه مو سوة عمليه ليش يكولي لا تهجريني يوووو على شنو مدوخه راسي
اخذني المطعم الاكابر تغدينه ورجعني للبيت  ب٢ ونص  اجت عمتي موبوقتها
حسيتها مو على بعضها شكلها باجيه ومتاذيه كلش

مياسه :حبيبتي  عمتو شبيج

شفاء:مابيه

طبعا عمتي جدا جميله وعمرها ٣٥
هيه تعينت بشهادت المتوسطه وبعدين كملت وخذت الماجستير وتفكر تكمل لدكتورا
دخلت للحمام بس بالي يمها مامقتنعه عمتي بيها شي

حظرت الغده وكعدت انتظرها ماكو مااجت  رحت عليها الغرفتها

مياسه :عمتو حبيبتي ليش هيج نايمه بدون ماتمشطين شعرج والغده الي حظرته راح يبرد

شفاء :ميوس حبيبتي والله مالي خلك
اريد انام

مياسه :عمه بداعتي ماصاير شي

شفاء:فدوه اتركيني انام والله تعبانه

طلعت من الغرفه واني مبرطمه عمتي عمرها ماصارت هيج عمتي رغم رجلها الي مسببتلها الم داخلي بس حبيبتي بشوشه وتضحك وتشاقه الكل يحبها

هذا مو طبع عمتي لازم الي صاير وياها كلش صعب

اني عندي رقم صديقتها الي جانت وياها نفس الغرفه

اتصلت عليها اول ماحاجيتها حاولت تغطي على الموضوع بس كتلها اذا تحبين عمتي تحجيلي كلشي لان عمتي وضعها مايطمن واني خايفه عليها

حجتلي كلشي تخبلت معقوله اكو هيج بشر شنو من انسانه هذي والله ماكو هيج ام الله لاينطيها العافيه

ومااعرف ليش ربطت الموضوع بمرض ام فاقد وحجايته من كالي لاتهجريني
يمه اسم الله ممكن امه مساومته على شي
لا يو والله كمت اسوي افلام هسه شنو جاب فاقد على هذا الموضف الي ويه عمتي

رجعت الاكل وعزلت المطبخ وصعدت اقره
بيتنا ١٥٠ متر  البناء مالته جوه غرفه ومطبخ وبراني وصاله زغيره
وفوك غرفتين وصاله وحمام غرفه الي وغرفه العمتي لمن وصلت الغرفة عمتي سمعتها تحجي ويه شخص

شفاء:حرام عليكم والله من عمري ١٦ مافكرت اسوي علاقه او اربط نفسي باحلام بسبب رجلي

ليش خليتني اعيش بحلم وردي وخلصتها عليه ماتهمني رجلج تالي شنو الي صار امك تجي تفضحني وتمسح بيه الدائره
تسكت شويه والي فهمته الولد يحجي
بعدين ردت عليه