رسائل واتساب؟؟!

١٠

ام محمد الجبوريه

رسائل واتساب

البارت ١٠

جنت ادور زله بيه حتى اعذرك

يالحنين شغيرك وشبدلك

جنت كاعده وافكر بالي صار
واكول معقوله اخاف حلم زين  ليش
اذا يريد يزوج ليش ماكالي
ليش خلاني اتعلق بي

ههههه ضحكت على نفسي ودموعي تجري هو ماتعلق بيه

اني الي جريته الي  ولد وشاف وحده سهله تجي بطكت اصبع
حالها حال بنات اليل
اكيد من يريد يزوج ياخذ بت الاصول الي ماسوت ويا علاقه الشريفه الي ماحصلها بسهوله

ورجعت غالطت نفسي يعني الي مامسويه علاقه ويا مامسويه ويه غيره

ليش اغلبهم هيج مايزوجون حبيباتهم بس يزوجون حبيبات غيرهم عادي

دك مبايلي ب٧ باوعت فاقد يتصل

احجي ويه روحي عليه شعدك متصل مو اليوم عرسك حتلو اني الي سحبتك للعلاقه حرام تجرحني هيج كافي خليني بحالي وعيش حياتك الي ختاريتها ربي يسعدك يبن كلبي
لازم  مااخلي يعرف اني عرفت خلي فرحان
وهم  اشوف شنو يحجي يكلي لو يخليها سكته

فتحت خط الوووو

فاقد : هلووو ياعمري صباح الخير كعدتج من النوم مو حياتي

مياسه :لا اصلا كاعده من الفجر

فاقد :ليش حبيبتي شنو شاغلج

مياسه :ماكو شي مهم بس نمت من وكت وكعدت شبعانه نوم

فاقد :نوم العوافي ياروحي

اسمع فاقد يشرب جكاره وهذي الجكاره جديده عليه يعني كام يشرب بعد عمليه امه

سألته ليش تشرب جكاره من الصبح موزين عليك

فاقد :اوف مياستي الجكاره احرك روحي بيها

مياسه :ليش شنو ضايمك اشو وظيفه وسياره وبدل البيت عندك ٢ ماجرهن غير الخير الي عندك مطشر على كبر الديوانيه الله يساعد الشباب الي ماعنده حتى فلوس الجكاره الي تحرك نفسك بيها مثل ماتكول

فاقد :مياستي شبيج حبيبي ليش احسج متحامله عليه من شنو ضايجه

مياسه :لا ماكو شي  بس شويه مضغوطه من الدراسه يالله اروح افتح الباب الجدو باي
سديته منه وفتح الباب صبحت على جدو
اجذب اذا اكول مصدكه لسه عبالي حلم
كعدت عمتي وضعها مو احسن مني

جدو كال اكلكم ماتخلونه اليوم اروح لزياره وهم نمر بيت خالتج شتكولين شفاء

شفاء اي والله بابا يرادلنه زياره وميوسه بعد هواي لمتحاناتها يعني يومين ميأثرا

كملنا ريوك وحظرنا اشيائنا وعمتي اتصلت بالولد السايق يجي ياخذنا

جنت بالغرفه كاعده اكمل احتياجاتي
ودخلت عمتي
شفاء:حبيبتي ميس احسج ضايجه ومخنوكه شبيج متعاركه ويه فاقد