#رفقا_بالقوارير 💔
#الحلقة_الثالثة3
😍
كتابة_مروة_محمد
#عند_هدي
بعد ما صار مع هدي في #المستشفى خذت إجازة لمدة أسبوعين وبعد أسبوعين رجعت ثاني بس المرة هذه كانت أقوي من الأول وكانت مستعدة تواجه أي صعاب ومشاكل تتعرضلهم وكانت متوقعة حدوث للاسوء ليها بعد ما صار مع الحقير نادر 😡
أحمد: حمدالله ع السلامة 😊
هدي: الله يسلمك دكتور 😊
أحمد: أن شاء الله أحسن توا ؟
هدي: حمدالله دكتور تسلم 😋
أحمد: دوم يا ربي ديري بالك من نفسك خيتوا فيه ذئاب بشرية معانا رآه 😏( يقصد نادر)
هدي: يدوم حمدك يارب .......أن شاء الله دكتور ...بس عندي طلب لو سمحت !
أحمد: تفضلي ؟
هدي: ممكن تنقلني قسم ثاني ؟
أحمد: أي ممكن بس ح نقولك نصيحة
هدي: نعم دكتور
أحمد: خليك هني ماعندك ليش هاربة إنتي ماغلطيش واجهيه وخليه يعرف أنك قوية ومش خايفة منه
هدي: لكن هو مش ح يخليني في حالي 😢
أحمد: حتي لو انتقلتي لقسم ثاني ح يضايقك ننصحك خليك هني تحت عيني ونوعدك إني مش ح نخليه يوصل فيك
هدي: شكرا أحمد😘 أسفة قصدي دكتور
أحمد: هههههههه لا لا عادي وبعدين فيش حاجه تستاهل أنك تشكريني عليها واجبي هذا
هدي: بجد شكرا
أحمد: امممممم شكلك بتزعليني منك
هدي: لا لا كلو ألا زعلك
أحمد : أهو شرف 😏 ما تدويش معاه ( يقصد نادر) ولا كأنه موجود أصلا
هدي: تمام
نادر: السلام 😳 ونصدم لوجود هدي في الغرفة
أحمد: 😏 من بوم المشكله معاش يكلم فيه
نادر: السلام للملائكة رآه😒
أحمد : مدام عندنا مرور صح 😉
هدي: أي دكتور 😊
أحمد: هاتي ملفات ممر 4 وهيا
هدي: حاضر دكتور
نادر: هدي تبعي يا أحمد 😡
أحمد: سهام معاك وهدي معاي 😏
نادر: نبيهاش سهام اني😒
أحمد: والله نعزمش فيك علي غدي أنا هذا مكان عمل 😡
نادر: معاش بنخدم لين ترجعلي هدي😏
أحمد: ارفس شن نرجعلك هدي متاعك 😡نوض شوف شغلك ولا قسما بالله نطلعك منها المستشفى كلها👌 وتنساش إني رئيسك في العمل😡
نادر: 😏
أحمد : هيا هدي
هدي: هيا
وطلعوا مع بعض يشوفوا في الحالات اللي عندهم وقعد نادر يأكل في روحه قريب يموت ......وصلوا أحمد وهدي عند عزيز (عزوزة) كبيرة في العمر
أحمد: كيف حالك يا أمي
المريضة: وين خالد
أحمد: تو يجيك يا أمي
المريضة: نبي لبن
أحمد: حاضر
المريضة: خالد جابلي لبن وشربوه الضراري ( الصغار) عطيهم سم فيه
هدي وأحمد: 😂😉😂😂😂😂
المريضة: أمشي يافرخ جيبلي لبن 😠
أحمد: حاضر
المريضة: تو ماتحشمش علي روحك تدور بعيالك ( مرتك) في الدكاكين ( محلات) والرجالة يتفرجوا عليها😡
أحمد: تو نروح بيها
هدي: 😳 مرته 😂
المريضة: اسمعي يا طفلة( يا بنت) راهو واخد عليك بنت سالمة وعنده حتي بنية 😠
هدي: 😂😂😂😂😂
المريضة: تضحكي يا مسوقطة يا مضحكة 😠
هدي: شن بنديرله يا أمي 😁
المريضة: أمشي لمسعودة الشباحة تكتبله 😏 بالك يتحشم علي روحه
هدي: باه تو نمشيلها😂
أحمد: 😂😂😂 كتيبة مرة وآحدة 😱
المريضة: وخيره وجهك أصفر ؟ نبثك (شكلك) توحمي
هدي تحشمت وطلعت تجري وهي ميتة من الضحك لحقها أحمد اللي كآن يضحك أكثر منها 😂😂😂
أحمد: تي تعالي ياهمي خلي نروح بيك 😂😂😂
هدي: لا لا مش مروحة معاك معقولة تتزوج عليا بنت سالمة😂
أحمد: 😂😉😉😉
هدي: اتضحك الحاجة 😂😂
أحمد: أيه ....عندها زهايمر مسكينة
هدي: يا روحي عليها
أحمد: اسمعي نمشي نجيبلها لبن من المحل ونجيك
هدي: تمام بس جيبلها حتي تمر وعصاير
أحمد: حاضر ..تبي حاجة إنتي ؟
هدي: سلامتك وخي
أحمد: خلي نمشي ونجيك
هدي: أوك
مشي أحمد للمحل وهدي قعدت تتمشي في الممر لين وصلت آخره وفجأة 😳😱 حست أن في حد وراها
هدي: حول كسرتك😠
نادر: كآن يحاول يقرب منها وايده علي ذراعها وكان شادها بقوة...وكأن ماحولتش وسحبها لغرفة فاضيه 😏 وقالها اسمعي الكلام خيرك تتغلي
هدي:حول لا نلم عليك المستشفى 😡
نادر: قرب منها اكثر ارخي روحك خيرك مستنجة
هدي: تدف فيه حول حول من عليا
نادر: جربيني بالك نعجبك أكثر من أحمد
توقعوا شن بيصير مع هدي ؟
#################
#عند_رتاج
بعد وفاة بوها حست بفراغ كبير خاصة أن خوتها كل واحد روح شقته وفضي عليها الحوش وخواتها صح معاها لكن حتي هما متأثرين ومصدومين من وفاة بوهم 😢💔
وفي شقة رياض بدت سعاد تخدم في خدمتها 😡
سعاد: تعرف خواتك صكروا علينا الدار 😏 لا ورندة هي اللي اتطلعنا في الحاجات بيش نعطوا للناس 😏 شني حني سفرادجيات ولا كيف 😡
رياض: شني هالحليب واللبن ؟
سعاد: جابه خوي للموت قعدت نفرق منه واللي فضل رتاج قالتلي ارفعيه مانبيشي(كاذبة)
رياض: نزليه لوطة 😒 وتو نتفاهم معاها
سعاد: لا لا فكنا من المشاكل يا حبي (خائفة تنفضح)
رياض: نبي نرقد😪
سعاد: أنا قبل نبيك في حاجة 😉
رياض: مش وقته توا😏
سعاد: 😂😂 مش هكي قصدي
رياض: امالا شن تبي😳
سعاد: قوتلك بما أن بوك مات
رياض: الله يرحمه
سعاد:شن رأيك نبيعوا الحوش وكل وآحد يأخذ نصيبه
رياض: مش وقتها الدوة هذه
سعاد: لا وقتها كيف بتخلي أختك عايشة لوطة بروحها 😱
رياض : خلي تقعد أهو خواتها معاها وتو أنزل وآحد من الصغار معاها
سعاد: والناس شن بيقولوا علينا 😳 مخلين اختهم بروحها ومش معدلين عليها
رياض: كيف؟
سعاد: مش ح يرحمونا يا حبي خلي نبيعوا الحوش وناخدو زوز فيلات جنب بعضهم ومرة رتاج عندنا ومرة عند رضوان
رياض: مش عارف لكن بوي كان مايبيش يبيعه الحوش
سعاد: بوك مات والحي أبقي من الميت واللي بنديروه علي خاطر أختك بيش ماتقعدش بروحها بس
رياض: باهي تو نعرض عليهم الموضوع ويصير خير
سعاد: لا مش مجرد عرض اغصب عليهم أنت كبيرهم توا والأمر أمرك والشور شورك
رياض: 😎 أي آي صح كلامك
سعاد: أسمع ارقد إنت أرتاح وأنا نازلة نشوف البنات
رياض: هنيني عاد
سعاد: تهني واتطمن
وهكي سعاد وصلت سمها لرياض ونزلت لوطة ورياض قعد يفكر في كلام مرته اللي طير عليه النوم
عند البنات
رندة: ريان نوضي كولي حاجة وخيتي😢
ريان: مانبيش😭
رتاج: نوضي علي خاطر اللي في بطنك تربحي
ريان: نبي بابا😢
رتاج: بوي عند اللي خير مني ومنك وبدت تبكي😭
وهني نهاروا الثلاثة وقعدو يبكوا
واعرة موتت الأب اسالوني أنا عليها الله يرحمك يا بابا الغالي😢
نكملوا رواياتنا
خشت سعاد لقتهم يبكوا وقالت في نفسها: ريت الله بوزيد الهلالي اللي مات😏
وبعدين خشت اتدير في دموع التماسيح 😏 داروحه وجعها 😞 عليك نفاق وخلاص
وفجأة نزل رياض ورضوان وتهاني مرت رضوان
رياض: اسمعوا نبيكم في موضوع 😏
سعاد: نعم 😍 ( فرحت عاد)
رتاج: أن شاء الله خير 😢
رياض: قررت نبيع الحوش
رتاج: نعم😳
رضوان:أحسن ماتدير الحق نبوا نستقلوا 😌
رندة: حوش شن اللي تبي تبيعه😡
رياض: حوشنا
ريان: حوش أمي وبوي مش ح ينباع😠
رضوان: صكري فمك إنتي 👌
رندة: واك عليا واك وينك يابوي بس 😱
رياض: في الجبانة(المقبرة) الحقيه😏
رتاج: عمري ماعارضتكم في حاجه لكن اليوم ح نوقفلكم بالمرصاد وحوشنا مش ح ينباع😠
سعاد:انتى ياعانس(آسفة ع اللفظ) من ياخذ في رأيك 😠
رندة: صكري فمك يالفعة يا كلبة 😠😡
رياض: شد رندة من ايديها بقوة وقاللها احترمي نفسك😡
علي خشت راجل رندة (عبدو)
عبدو: اطلقها يا رياض 😡
رياض: مرتك اتطول في لسانها 😠
عبدو: قوتلك اطلقها 😡
سعاد: خو وأخته إنت شن دخلك؟
عبدو: صكري فمك نكلمش فيك أنا😡
رضوان: شن جاي تبي😏
عبدو: عندي امانة نبي نعطيها لرتاج😏
رياض : أمانة شنو 😳
