#رفقا_بالقوارير 💔
#الحلقة_الثانية 2
😍
#مروة_محمد ✒
خلقت المراءة من ضلع الرجل لي يكون لها سند ودخر لي يكون عونا لها في الحياة لا ليكسرها ويضلمها 😢
#عند_أميرة (المتزوجة) 😢
أميرة ما سمعتش مكالمة زوجها مع رغد للآسف 😔 وقعدت تفكر في موضوع الفلوس اللي طلبهم منها ومن وين بتجيبهم مسكينة 😩
محمد: هي إنتي نكلم فيك 😒
أميرة: نعم
محمد: ممكن غدوة أو بعده بنسافر لتونس😏
أميرة: علاش أن شاء الله خير😱 خيرك محمد شن يوجع فيك 😢( طبعا تحسابه ماشي علاج ماشية بنيتها معاه )
محمد: ما عندي من شن نشكي وإنتي تفاولي عليا 😡
أميرة: امالا علاش مسافر😳
محمد: بنغير جو ونشوف ناس جديدة 😏 تعبت من خليقتك 😏
أميرة: وجعها الكلام ونزلت دموعها علي خذها😭 ومعاش زادت ولا حرف😷
محمد: دبريلي فلوس تسمعي ولا لا 😠
أميرة: شرينت لي أحمد خوي ما عاودليش😢
محمد: خوك هذا كلب فلوس(حاشاكم) واحد قفاص😡 أهو تو نحولك دينار كلميه بيه😡 وحوولها دينار 💶
اتصلت أميرة بخوها أحمد 📱
أحمد: أهلا أميرة كيف حالك ؟
أميرة: حمدالله وخي كيف حالك أنت ؟
أحمد: حمدالله بخير سامحيني لقيت مكالماتك غير مافضيتش نعاودلك
أميرة: لالا عادي ربي يعاونك وخي
أحمد: سلمك وخيتي .....تفضلي أميرة تبي حاجة ( طبعا أحمد زبط أن الإتصال مش لله )
أميرة: والله يا وخي محتاجه فلوس ضروري😢
أحمد: لمن الفلوس ؟ ليك ولا للباشا ؟
أميرة: ليا يا أحمد كآن عندك وبتسلفني باهي ما عندكش خلاص أحمد: يا أميرة مش أن ما عنديش لكن أنا متأكد أنهم للباشا😏 أميرة: باهي خلاص صحيت وسامحني 😢
أحمد: قداش تبي ؟
أميرة : ألف جني
هني شبحالها محمد وقاللها 2000 شن ألف 😡
أميرة: قصدي 2000
أحمد: شني يوتوت راجلك😏
أميرة: يكلم في الصغار😳
أحمد: اوك غدوة نجيك للمدرسة نعطيهملك 😏
أميرة: صحيت سلم وخي 😢
أحمد: سلمك .....عندك رصيد؟
أميرة: علاش ؟
أحمد : قبل بنقولك ابعثيلي بس😒
أميرة: والله ما عندي وخي😢
أحمد: صكري تو نبعثلك نبصر عليك وما تخليشي ياخدهم منك😡
أميرة: صحيت مش ضروري وخي 😢
أحمد: غير صكري توا تصبحي علي خير😘
أميرة: وأنت من أهله 😍
صكرت الخط وطول محمد جاها يجري ..........
محمد: شن قالك ؟ 😏
أميرة : غدوة بيجيبلي 2000 جني للمدرسة
محمد: خير من خليقته😏
أميرة: يا محمد عيب عليك شن دارلك هو
محمد: ترا صكري فمك لا نوض نفسدلك خليقتك😡👌
أميرة: الصبر ياربي وخلاص ( توتوت بالشوية)
محمد: شن تقولي😠
أميرة : شئ ما عندي ما نقول
محمد: اسمعي أمك عطياتك حدايد وينهم😡
أميرة: علاش شن تبي فيهم 😱
محمد: بنصرفهم الذهب غالي توا
أميرة: مانبيش نصرفهم نبي نخليهم ذكري من أمي 😢
محمد: لا ذكري لا زكري طلعي الواحدات أصلا بندسلك فلوسهم بناخدلك بيهم حوش مش تبي نستقرو ونطلعوا من هني ونديرو حوش بروحنا😉 ( يكذب عليها) فرصة توا الذهب زايد
أميرة: مش عارفة 😢
محمد: خيرك حبيبتي شني ماعندكش فيا ثقة ولا كيف ماتبيش نشروا شقة ونعيشوا فيها بروحنا وناخذو راحتنا فيها 😉😍
وقرب منها ( طبعا يتصنع ويجري بيها زي ما يقولوا يتمسكن لين يتمكن)
صباح اليوم الثاني
ناضت أميرة دوشت قبل ماينوضوا العائلة وصلت الفجر وطيبت الفطور وجت للدار تنوض في محمد
أميرة: محمد حبيبي نوض صلي الفجر
(حبه برص وعشرة خرص أن شاء الله)😡
محمد: حبي خليني شوية وانوض (حبك الحب وغضب الرب أن شاءالله)😏
أميرة: أنا بنمشي للمدرسة عندي الحصص الاولي الفطور واتي
محمد: ناض😳 طلعيلي الحدايد حبي بيش نمشي نصرفهم ونخطم عليك نروح بيك حبيبتى ( يروح بيك العام يا حرايمي)
أميرة: به حبي حاضر( فرحت الهبلة تحسابه حق يحبها)
لبست أميرة عبايتها اللي ليها 4 سنين تلبس فيها وحطت الوشاح عليها وجت طالعة تلاقت مع زينب😏
أميرة: صباح الخير عمتي
زينب: هو اللي يشوف منظرك يشوف الخير😏
طبعا أميرة متعودة عليها وعلي كلامها فاتتها وطلعت ......
زينب: اجعلك مارديتي😡 أن شاء الله 😏
###############$
اه وخلاص تعرفوا اللي صاير مع اميرة😢 المثل اللي يقول رضينا بالهم والهم مش راضي بينا
ياناري عليها لحس عقلها هالنصاب بكلمتين 😏 وهي طيبة مسكينة مسرع ماصدقت😢 مازال عندها أمل فيه 💔
