#رفقا_بالقوارير😔
#الحلقة_السادسة6
روايات_ميرو 😘
#في_المصحة
صلاح : رتاج أهدي خيرك 😞
رتاج: ريان صغيرة ووضعها تأزم بعد وفاة بابا 😢
صلاح: رحمة الله عليه أن شاء الله خير ما تخافيش حبيبي
رتاج: صلاح؟
صلاح: روحه إنتي
رتاج:قاعد تحبني ؟؟
صلاح: شبح لعيونها وقالها نحبك وكلمة نحبك نقطة في بحر جنب اللي حاس بيه تجاهك
رتاج: للدرجة هذه؟
صلاح : وأكثر توجتي 😘
وهني قطعت حديثهم الممرضة لما ضبحت علي صلاح
الممرضة : أستاذ صلاح مدام هدي فاقت
صلاح: تمام
رتاج: مبروك😢
صلاح: يبارك فيك بس علي شنو؟
رتاج: ع الزواج
صلاح: ههههههههه زواج شني
رتاج: مش جايب مرتك أنت ؟
صلاح: شن رأيك نعرفك عليها 😉
رتاج: لا شكرا تتهنوا😏
صلاح: براحتك وعطاها بالظهر
رتاج: هذا كله تحبني ووووووو 😭
صلاح التفت جيهتها : أي نحبك زي ما تحبيني وشدها من ايديها رتاج: صلاح اطلقني😡
صلاح: اس وتعالي معاي
وفعلا رتاج مشت مع صلاح تبي تشوف هدي طبعا وكلها غيض وغضب وغيرة ( يضرب الحب شو بيذل)
#عند_هدي
صلاح طق ع الباب ✊✊
هدي: تفضل
خش صلاح ومعاه رتاج اللي بتموت من غيرتها وقلبها قريب يطلع من ضلوعها 💕💕💕💕💕
صلاح:السلام عليكم
هدي: وعليكم السلآم 😳 وطبعا مستغربه من وجود هدي معاه
صلاح : حمدالله ع السلامة
هدي: سلمك
رتاج: كيف حالك 😏 لابأس عليك؟
هدي؛ حمدالله شكرا😳 شوية دوخة بس
رتاج: ربي يوصل بالسالم 😏 ( تحسابها حامل)
هدي: آه 😱
رتاج: ردي بالك علي صلاح 😢
هدي: خيرها تخرط هذه ( تكلم في روحها)
صلاح : هدي نسيت نعرفك علي رتاج حب عمري😍
هدي: 😍 محلاها ربي يحفظكم
رتاج: 😳😳 مافهمت شئ 😱
صلاح: رتاج هذه هدي وخيتي
رتاج: ومن وينلك الأخوات أنت ؟
صلاح: ربي رزقنا بيها 😍
هدي: سلم وخي
رتاج: ارتاحت شوية لكن مازال الغيرة تأكل فيها
هدي : وامتي نفرحوا بيكم؟
صلاح: قريب أن شاءالله
رتاج: نستاذن منكم نشوف أختي شن صار فيها 😣
هدي: لابأس عليها وخيتك
رتاج: حالة وضع
هدي: تنوض بالسلامة
رتاج: يسلمك وطلعت وهي في دماغها ألف سؤال علي هدي وشن اتدير مع صلاح خاصة أن صلاح عنداش خوات ورتاج بحكم كانت بنت جيرانهم فهي كانت تعرف معظم أقاربه 😣
صلاح: ألبسي وتلقيني في الممر
هدي: تمام وخي😊
سبحان الله ربا أخ لم تلده أمك فعلا شوفوا شهامة صلاح ووقفته مع هدي #هذوا_هما_أولاد_بلادي😊
طلعت صلاح ولحق رتاج اللي حس أنها مش مقتنعة بكلامه وحب يحكي معاها يفهمها قصة هدي
وهدي طلعت للممر وأول ما طلعت تلاقت مع أحمد😍
هدي: دكتور أحمد 😍
أحمد: هدي ياهرابة😂
هدي: آسفة 😢
أحمد: قرب منها ومسح دمعتها علي شنو آسفة بس
هدي: ع اللي صار معاك بسببي
أحمد: حصل خير مهم إنتي بخير
هدي: مشيت لعمي طردني 😢
أحمد: حكالي صلاح 😔
هدي: تعرفوا بعض😳
احمد: صلاح رفيق عمري وخوي
هدي: سبحان الله من بين 100 شخص يتفرجوا ع اللي صار معاي ينقذني صاحبك
أحمد: صلاح راجل
هدي: أي ربي يحفظه
أحمد: توا شن بيصير فيك؟وين بتقعدي؟ وكيف بتعيشي؟
هدي: الصبح ح نسلم نفسي للشؤون الاجتماعية
أحمد: لا 😡 هني روحك
هدي: خوتي مش ح يخلوني في حالي ومانبيش نسبب مشاكل لحد
أحمد: روحي معاي واقعدي مع أمي وخواتي وأنا نتكفل بيك
هدي: بارك الله فيك يا أحمد لكن مانبيش نحرجك
أحمد: ياستي احرجيني 😏
هدي: أحمد أنا مراءة مطلقة والناس مش ح يرحموني
أحمد: 😔 وحوش صلاح كله شباب مش ح ترتاحي
هدي: الله غالب مافيش إلا الشؤون الاجتماعية
أحمد: قولنا لا عاد
هدي: ما عنديش خيار ثاني
أحمد : لا فيه
هدي: شن هو ؟
أحمد: تتزوجيني ؟
هدي: 😳 لا آسفة
أحمد: علاش لا ؟
هدي: أنت مش مجبر تتزوجني أنا مراءة مطلقة
أحمد: أنا ح نتزوجك لأن نبي نتزوجك
هدي: أنا مطلقة يا أحمد أهلك مش ح يرضوا بيا
أحمد: انتي راضيه ؟
هدي: مانعرفش
أحمد: فكري وردي عليا
هدي: تمام بس عندي طلب لو سمحت
أحمد: تفضلي
هدي: نقدر نبات في المصحة الليلة؟
أحمد: أي تقدري وتعالي نعرفك باختي
هدي: أختك دكتورة؟
أحمد: لا تعالي شوفيها مريضة شوية
هدي : سلامتها
وهكي أحمد وهدي مشوا لاميرة اللي رحبت بي هدي وحبتها وباتت هدي مع أميرة
أما رتاج فكانت مع أختها ريان اللي جابت بنوتة والبنت وآلام تمام بخير
وبعد ساعتين تلاقوا هدي واميرة ورتاج في الممر وقعدو يحكوا
####################
وأحمد وصلاح كانوا في الكافي يحكوا
صلاح: أنا مش ح نخليها تمشي للشؤون
أحمد: مصكرة رأسها هي
صلاح : حمار قوتلك تزوجها
أحمد: قولتها قالت لا ياحمار
صلاح: عندها حق ترفضك البنت
احمد: بالله ارسي علي بر ترا😏
صلاح: توا هي تسحابك بتتزوجها شفقة يامريض هذا علاش رفضت
أحمد: وأنا بنتزوجها شفقة فعلا
هدي:قطعت عليه لا يا أحمد ليا رب كريم ومشت تبكي
أحمد: لحقها هدي مش قصدي
هدي: لو سمحت خليني في حالي
###############
بعد مرور شهر
#عند_أميرة
أمها: ردي بالك علي روحك😢😢
أميرة: ادعيلي 😭
أمها: ربي يهنيك بنيتي
أميرة: حضنت أمها وباست رأسها
أماني: بنفقدك تعودت عليك
اميرة: تو نجيك وإنتي تعالي عندي أهو بدي عندي حوش بروحي
أحمد: ميرو هذا هاتف وفيه شفرة خوديه وركبتلك نت وخط أرضي
أماني: سعد الناس يا حنة😏
أحمد: نت وعندك وتليفون وعندك شن تبي ثاني😏
أماني: نبي آيفون 6 😞
امهم: خودلها بالون نشفتلي ريقي بيه
الجميع: 😂😂😂😂😂😂😂😂😉
أحمد: ناخدلها بالولين مش بالون بس
ملاك: ابي لانبلة ني😭(نبي بمبلة اني)
مالك: أبي ددس ني😔(نبي مسدس إني)
أحمد: غدوة نجيبلكم حاضر
أماني: زي ماوصيتك باهي 😉
اميرة: به تمام 😳
أحمد: هي الحقيني راجلك برا😏
أميرة: ماعنديش رجال😏
أماني:اصبري ياهمي وبدت تساوي فيها رسمتلها عينها ودكنتلها الكحل والروج وبختلها عطر قوي
أميرة: ياسر عاد
أماني: صكري فمك واسكتي وزي ماوصيتك
اميرة: باهي
وفجأة سمعوا صوت عراك برا طلعوا يجرو لقوا 😱😱
توقعاتكم ....هدي وين؟ وشن صار في رتاج وصلاح؟ ومن فيه برا قدام حوش أميرة
