#رفقا_بالقوارير 😞💔
#الحلقة_الخامسة5
😘😍✋
كتابة_مروة_محمد❤
قبل لا نبدأ في سرد الأحداث فيه ملاحظة صغيرة نبي نقولها الأحداث اللي صارت بين بطلات الرواية #أميرة_هدي_رتاج فيهم فرق في التوقيت الزمنية (يعني مش في نفس الوقت)
تو تعرفوا اليوم علاش هالملاحظة 😊
#عند_أميرة
بعد ما روح محمد اللي كآن مصدوم من ردت فعل أميرة تجاهه ومتفاجاء بالشكل الجديد اللي هي فيه واللي مش معتاد عليه
أميرة كانت ميتة من الوجع والألم كانت مكسورة من داخل 💔 (المراءة لما تنكسر من زوجها 💏 صعب ترجع زي الأول )
أماني : توا علاش تبكي يا ميرو شن صار ؟
أميرة: توا كيف شافني ؟ هذا وين حس بوجودي؟ لما فتحت شعري وحطيت شوية زواق في وجهي؟ لما لبست حاجة مش ليا ؟ 😭💔
أماني: حبيبتي إنتي حلوة والله إنتي هملتي نفسك هلبة😔 ضعيتي سنين وإنتي تخدمي فيه وفي أهله ونسيتي روحك 😢 الراجل يحب المراءة اللي واقفة لروحها ومهتمة بنفسها😉
أميرة: وين بالله بنوقف لروحي وإنا في حوش فيه سلاف وشيباني وعزوز ومن أول ما نفتح عيني نخش للمطبخ حتي وجهي ما نغسلاش نمشي للمدرسة ونروح للصابون والطبخ والتنظيف والكوي والتلميع ممنوع نشكي ممنوع نتكلم ممنوع نقول تعبت ممنوع حتي نتألم 😢
عمره محمد ما طبطب عليا ولا قالي ارتاحي ولا قرب مني إلا لما يبي فلوس 😢 عمره ماقالي ميرو بالك تبي حاجه بالك ناقصاتك حاجة هي نطلعك خودي لبسة 😢عمره ماقالي هاك أمشي المزين😢من يوم عرسي معاش خشيت مزينات😢 فلوسي ومحرومة منهم 😢
لما نحط كحل في عيني تنوض أمه تلقح عليا وتدعي وتطلعني مش بنت أصول ومش محترمة ....كل يوم أختك تنضرب كل يوم نتهزب كل يوم ننهان 😢
وين تبيني نهتم بنفسي بس وإنا الإثيوبية اللي يحرثوا عليها نهار وليل وعليها كل الواجبات بس ما عندهاش أي حقوق 😢
يخون فيا وساكتة يطلع كل خميس للشرب والاستراحات والبنات وندير في روحي غبية ومش فاهمة 😢 صونته وحافظت عليه خدمته وخدمت أهله 😢 وكفاني بمراءة جديدة ليه 😢 داري اللي شريتها بفلوسي طلعني منها 😢
نزيدك ولا نسكت 😢 حسوا بيا 😢 وين بنهتم بروحي وإنا مش لاقية وقت حتي نمشط شعري 😢 تي خشتي للحمام ( حاشاكم) نسمع عليها كلام لا يطاق ولا يحتمل 😢 يتحشموا يرفعوني للمناسبات معاهم😢 ولو مشيت يدخلوني في العوالة 😢 لأن منظري علي قوتله هو وأمه زي الشغالة 😢
وحاجات ثانية مانقدرش نقولها 😢 ذبحني ي وخيتي
(صعب إني نتطرقلها احتراما للإخوة الشباب اللي معانا في الصفحة #ميرو)
أماني: خلاص حبيبتي توا جي الوقت اللي تتغيري فيه وتاخذي حقك منهم بالوافي 😞
اميرة: بعد شنو يا وخيتي😢
أماني: علاش تحبطي في نفسك وتدمري في روحك اللي في عمرك مازال ينقزو في الجامعات رآه 😔 ميرو قوي نفسك وخشي تحدي بينك وبين نفسك .....تغلبي عليها واخلقي شخصية جديدة ليك 😊
أميرة: كيف؟ مافهمتش ؟
أماني : تعالي نفهمك يا همي ني😂
أميرة : 😏 همك 😢
أماني : نبصر وحق ربي😢 تزعليش 😢 وجرت عليها وحضنتها 👭
صدق اللي قال (الوخية دواء لوخيتها ....والأم عسل الدنيا) طبعا أنا واحيدة عنديش وخيات😢😢 #ميرو
وهكي أماني بدت تعطي في دروس سرية لي أختها واميرة كانت مصدومه 😳 لأنها طلعت ما تعرف شئ وما تفهم شئ 😱 وطلعت مدفونة بالحياة 😢
#نصيحة ردي بالك تكوني أميرة 2 فيقي وديري شخصية لروحك وخيتي 😉 #ميرو
وفي الجانب الثاني كآن فيه محمد 😏 اللي روح معصب ومقهور من صدة أميرة ليه 😂 وكلامها القاسي معاه اللي قعد يرن في وذان👂👂 وأول ماروح لقي أمه
زينب: شني وينها الهانم😏
محمد: من هانم😳؟
زينب: أميرة 😏 عطيها تنطيرة 👐 الحوش راح شماتة بعدها شني خليتها تنزل في الشناطي من السيارة ؟
محمد: تو مازال تنزل هلبة😏 وشبح لأمه 👀 وقالها : يام علاش تكرهيها شن دارتلك؟ علاش عبيتيلي رأسي عليها؟ علاش خليتنى نظلمها😡 حرام عليك دمرتيلي حياتي
زينب: سحراتك ياغبارتي السودة 😢😢
محمد: طول عمرها تخدم فيك وتسمع منك في العيبة وما ترد طول عمرك اتذلي فيها علاش بس
زينب: يا حليلي وكلتهولك هي وأمها ( لازم أم البنت يدخلوها)
ذهبتلك شيرتك ياغبارتي😱
محمد: كان ساحرتني راهو مش هكي حالها😢 ومشي للمربوعة
مجدي: خيرك😳 لا أحم لا تستتور 😏
محمد: مجدي نبي نخدم
مجدي: نعم😳
محمد: خيرك مستغرب
مجدي: اليوم شني هو؟
محمد: مش شارب ما تخافش 😢
مجدي: خيرك به بالك واخد حبوب😒
محمد: خيرك تظلم فيا ياراجل 😢
مجدي: قداش ليا نجري في جرتك ع الخدمة 😒
محمد:هذا وين سهل ربي
مجدي: قصدك هذا وين عرفت قيمة الكنز اللي كآن بين إيديك
محمد: خسرتها
مجدي: تساهل درتها بيدك
محمد: متشمت في خوك ؟
مجدى: أيه
محمد: نعم 😳
مجدي: مازال ياما ح تشوف بعدها
وفجأة قطع حديثهم صوت الباب اللي قريب يتقلع 😳😳😳😵😵😨😨😨
عند أحمد واماني (رجعنا لاميرة )
أماني: قطعتلي قلبي ياوخي
أحمد: اختيارها الخاطئ يا موني
أماني : مهما كآن بس توا اللي صار صار
أحمد: ياما نصحتها وقوتلها مش ليك
أماني: نصيب ياوخي
أحمد: نصيب هي جابته جوها فرص أحسن منه
أماني: الله غالب
أحمد: متأكد أنها ماتقدرش روحها معاهم
أماني: لازم نساعدوها تتغير
أحمد: أختك مضحكة ومش ح تتغير كلمتين يرفعوها وكلمتين يجيبوها
أماني : أميرة طيبة
أحمد: أميرة ساذجة
أماني : ماتجرحهاش اللي فيها كافيها
أحمد: هي وصلت روحها هني وهي خلت واحد مايشواش يضحك علينا وعليها
أماني: حتي أنت و أيمن (خوهم الثاني) قصرتوا معاها ونسيتوها
أحمد: هي طلعتنا من حياتها يوم اللي جهضت بسبب ضربه ليها خذينا تقرير وشكينا فيه حبسناه مشت طلعاته وتنازلت ع الشكوي وطيحت كلمتنا
أماني: إللي فات مات
أحمد: شوفي وين وصلت روحها ووصلتنا
أماني: أحمد قلبك معبي عليها
أحمد: قلبي واجعني عليها
هني جت أمهم تجري وتعيط وووووه عليا وووه
#توقعاتكم ؟
##################
وتوا نمشوا #هدي
بعد ماسكرت السيارة الشارع نزلوا منها 4 شباب سكاري 👦
هدي: استرني ياربي (تدعي في نفسها)
الاول: خير يا حلو 😘
الثاني: ركبها الحلوة😂😂
الثالث: أنا الأول رآه 😍
الرايع : قرب منها وحاول يلمسها بس دفاته طاح
الأول: يا ...........
الثاني: هي شدها ياراس😂
الثالث: متاعي هذه 😘
هدي خافت لما دارو بيها هالذياب وهني مالقتش غير العياط والصراخ تدافع بيه علي روحها وبدت تعيط باعلي صوت
فيه ناس سمعوا وطنشوا ....وفيه اللي فتح شباك غرفته تفرج وخش.....وفيه اللي طلع فم حوشه بس خاف يتدخل .....وفيه شهم خش ونقذها من بين أيديهم
هدي: استرني ياوخي 😢الله يسترك
صلاح: مستورة خيتي تعالي معاي
هدي: وين رافعني 😢
صلاح: نرفعك لحوشنا
هدي: لا خلينا هني لين يطلع الصبح
صلاح: مايصيرش وخيتي وكلم خوه صابر يطلع أمه (بيش هدي ترتاح وتتطمن)
أم صلاح: تعالي يابنيتي
هدي: صحيتي الحاجة
أم صلاح: ارتاحي بنيتي
هدي: خليك جنبي يامي وبكت😢😢
أم صلاح: شن غريبتك يابنيتي وحضنتها
هدي: كانت تبكي بحرقه لين غابت عن وعيها
أم صلاح: ياوليدي داخت زود
صلاح: استريها يام
أم صلاح: غطتها وسترتها ونادت ولدها
صلاح: حاول معاها لين فاقت
هدي: سامحني
صلاح: السماح وخيتي حمدالله علي سلامتك
هدي: سلمك
أم صلاح: نخلوك ترتاحي توا
هدي: أول مايطلع الضوء نطلع
صلاح: عندك أهل؟
هدي: بكت وقالت لا
صلاح: امالا وين بتمشي
هدي: مانعرفش
صلاح: شن قصتك ؟ ومن هاذو؟
هدي: والله مانعرفهم وبدت تحكي وهني هدي صار معاها إنهيار عصبي
صلاح:الله المستعان
صابر: تبي مستشفى هذه
أم صلاح: لا ياوليدي البنت هاربة من خوتها ماتتطلعوش بيها
صلاح: خلي نشوف أحمد صاحبي
صابر: أي جبتها أحمد
أم صلاح: بسرعة كلمه
صلاح : ايوا يا أحمد
احمد: نعم يا صلاح
صلاح: تقدر تجي للحوش
احمد: في المصحة أنا شن فيه
صلاح: جايك هي مسافة الطريق
أم صلاح وين رافعها ياوليدي
صلاح: ماتخافيش يامي للمصحة ونجي
أمه: لكن يا وليدي
صلاح: مش ح نخليها تموت حرام
صابر: هيا نمشي معاك
وفعلا هذو هما ولاد بلادي الشهامة والعزة والنخوة والفزعة
طارو بيها للمصحة
وأول ماخشوا خدوها منهم في الإسعاف
وفجاءة لقوا أحمد يتعارك هو وواحد فزعوله يجروا
