نهوة ابن العماره ع بنت بغداد

البارت العاشر

كعدت الصبح متلهف اريد اشوف شلون صارت باوعت ماهيه بس اني بالغرفه اكيد تتريگ. وي اهلي رحت نزلت ادورهه بالوجوه ماكو زهراء چاوين ولاء

ياا چاغير گايلتلك واجت گالت لبوي خل واحد يوصلني لهلي اسد گال روحي

هااا نسيت

عيوني صارت بگصتي اني اعلمج ولاء الا اكسر راسج تكسرين كلامي وتطلعين وتجذبين وتكولين هوه گال عقابج عسير والله الا اندمج... .

وصلنه بغداد اوووف حسيت بالأمان دخلت البيت لكيت ماما جايه من الدوام سلمت عليهه وتخبلت من شافت ايدي وكتلهه سديت الباب عليهه صعدت بدلت ونمت كعدت العصر سبحت وبدلت بتراك اسود ونزلت لكيت اخواني مجموعين ركضت عليهم ترررررا اني هنا

الكل ولج شوكت اجيتي

من الصبح بس جنت نايمه بوستهم وكعدت اسولف وياهم واكلو گلبي ع ايدي كتلهم سديت الباب عليهه وكلهه گام تصيح فاهيه وفاهيه بقينه كاعدين لليل گلتلهم. اكلكم اليوم مشتهيه انام كلنه سوه هنا ونطلع فلم رعب

الكل موافقين بس كون متخافين

ايي مااخاف بس كون موكولش يخوف

الكل هههههه الجبانه احنه يمج

تعشينه وشربو جاي واني شربت ببسي بابا وماما راحو ينامون وسند وفهد جابولنه دواشگ وبطانيات وفرشنه بالاستقبال وفراشي بنصهم خليتهم تلاثه منا وتلاثه منا وحسين يم راسي خاف يجيني الوحش من راسي 🤣 طلعو فلم رعب تركي اسمه الشيطان الرجيم يممممااا يخوووف ضوه خفيف اول مابده. الفلم البطل بالمقبره يمشي ووگع بقبر محفور راد. يطلع واني صافنه جان يلزمه واحد يرجعه للقبر واني صحتتتت أاااااااااااااااااااااا
ديرو مااريد ديرو وحضنت عبوسي ضميت راسي بصدره

اسم الله حبيبتي اسم الله تمثيل ماكو شي

حسين ههههه الجبانه شبيج لو ماانتي صاحبة الفكره 😂

استمرينه نباوع للفلم... .

اسد گاعد ومقهور كلش من السوته ولاء واحس اشتاقلهه كلساع اريد اشوفهه رحت نمت ع فراشهه بعد عطرهه بي. حضنت المخده واشم بيهه اجتني رساله ع الماسنجر باوعت من حسين كاتب شوف مرت الشيخ

فتحت الفيديو ولاء نايمه بنص اخوتهه ويباعون لفلم رعب وخافت وصاحت وحاضنه عباس وتصيح ديرو خربت من الضحك شكد متمني لحضات خوفهه تكون بحضني وضجت حيل من شفتهه لابستلهه تراك لازك ع جسمهه والشعر مفتوح ومطشر ع المخده شيخلص هالشهرين واجيبهه يمي......

مرت الايام واني بين دوامي وبين اهلي وامي تجهز بيه كل يوم تشتريلي شي لان عرسي وره الامتحانات بأسبوع

كملت تجهيزات وبدت امتحاناتي وامتحنت واليوم اخر امتحان أليه امتحنت وطلعت اني وصديقاتي افترينه وتغدينه بره ورجعت للبيت تعبانه گبل نمت وكعدت العصريه مخنوگه هذا اخر اسبوع اليه وي اهلي نزلت رحت ع بابا حضنته ونمت ع رجله وهوه يمسح ع راسي