نهوة ابن العماره ع بنت بغداد

بارت 24

دخلت لازمه ادم وجان اشوف….. 

الكل واكف منتضرنه بقيت صافنه حتى جدو موجود الكل موجود لعد جدو مومريض اشو مابي شي ادور بالوجوه ع اسد ماكو مموجود معقوله كرهني معقوله ميريد يشوفني لا يجوز رجع مرته وعايش حياته واني الغبيه افكر بي واگول يحبني بقيت اتسائل  صحاني بجي ادم يخاف من الهوسه شلته وتقدمت سلمت عليهم
كلهم حضنوني وبوسو ادم وتعجبو بشكله الحلو دخلوني للمضيف وكعدنه 

اجت عمتي ام اسد تبجي هلا بيج بنيتي ليش هيج ليش عفتينه ليش بشنو قصرنه وياج تحرمينه من ابن اسد ابوس ايدج لاتعوفين ابني ابني راح يموت من رحتي لسه وهوه لاعايش ولا ميت اعتزل كلشي من الدوام لغرفتج وكل اسبوع هوه عد اهلج يحرمصلهم ع العنوان واخر شي صار شهر ماياكل ولا يشرب عايش ع المغذيات وودينه ع اهلج واجو شافو هلي گلولج ارجعي جدج مريض مو جدج المريض ابني راح يروح مني يمه انتي وابنه تحيونه ابني فاقد فوگ حاله يصعب ع الكافر ومايدري بيج راح تجين ولا يدري بابنه عدل لحد مااجو اهلج يلا كالولنه ابنه عايش وماطرحتي لخاطرنه لا تعوفينه والله تاب والله صارله درس واخذ عقوبته كافي يمه لاتخربين بيتج

عمتي تحجي واني ابجي اني انانيه ايي انانيه عاقبته وبحجتهه عشت حياتي ليش هيج صار بي بسببي ليش عذبت الأنسان اليحبني اخذت ادم وتوجهت لغرفتي امشي واتذكر ايامنه الحلوه اني واسد مشتاقتله ومشتاقه لكلشي بي اوووف يعني واخيرا راح اشوفه شايله ادم واصعد درجه وانزل درجتين خايفه من اسد خايفه لامايسامحني خايفه لايلومني حقه لو يموتني حقه حرمته مني ومن ابنه سنتين صح أذاني بس اني حرمته وعاقبته عقوبه قاسيه افكر بشكله متغير افكر بعيونه الي جنت اشوف بيهن الجنه مالتي

واحِن لعيونك الحِلوات
حنيني لأهلي ولگاعي♥️

صعدت وصلت يم باب الغرفه فتحت الباب ع كيف ودخلت الغرفه ضلمه وبارده شغلت الضوه  واسد متمدد ع الجربايه والكانوله بيده لالا هذا مو اسد صاير نص من اسد القديم تقربت يمه وخليت اسد ع الجربايه واكعدت لزمت ايده فتح عيونه شافني كال بصوت متعوب ومخنوگ

ولااااء

ايي حبيبي اني ولاء اني االأنانيه الي عفتك اني الي شردت واختارت حياتهه وحياة ابنهه اني الي عذبتك احجي وبجي بحرگه

اشششششش ماعفتيني غير من الضيم العيشتج بي ماعفيني غير لمن موتج لمن اذيتج شفتي الموت بسببي رادت تكتلج بسببي كتلت ابنه اول فرحتنه بسببي

حبيبي ابنه مامات اني ماسقطت أكعد هذا ابنك گدامك سند نفسه عليه وگعد شاف ادم گاعد نزلت دموعه وادم گال

بابا

يابعد روح ابوك ياوليدي اروحلك فدوه ويشبگ بادم ويبوس بي شلون تعرفني واني مااعرفك ولا عمرك شفتني