نهوة ابن العماره ع بنت بغداد

البارت الخامس عشر

طبحلگي
يييي….

ديري بالج تحجين هالحجايه بعد سمعتي اطلبي مني كلشي اسوي ألج بس وانتي يمي مستحيل اخليج تبتعدين عني ولاء گلتلج اني احبج ليش تردين تعوفيني

ايي اعوفك باجر يجيك واحد يجذب عليك ويكلك شفتهه يم واحد هم تجي تركض وتموتني واني ممسويه شي

حبيبتي غلطه وماتتكرر خلينه نعوف الماضي ونعيش حياتنه كافي تعذبنه هواي

هوه يحجي واني صافنه ع كلامه

لآ أستطيع ألابتعاد عنک،
،وأخاف إلاقتراب منک'🔥
قُل لي ، أي ألوجعيــن أخف؟ 💔🚶

ممكن ترجعني للبيت تعبت

يلا امشينه ردت الزم ايدهه ماخلتني عرفتهه زعلانه خليهه براحتهه خطيه هم حقهه تريدني اطلكهه الخبله واني ماصدكت اخذهه

صعدنه بالسياره ورجعنه للبيت اني ساكته وهوه هم ساكت بس مشغل اغنية محمود الغياث

عشگ يانبضه حلوه وبالگلب تدگ
ياهوه وبعدك اني اختنگ
اني اعشگ واتنفسك مثل الهوى
ترى الغرام بداخلي عبر
حد الأرض صعد وره الگمر

جمر الغزل بيه اشتعل ماينطفي

ترررره
تبعد واحسك دوم گاعد ابالي
والتفت ماالكاك واحضن خيالي 

گلبي اليحبك موت گدمايحبك
موگلبي لاوالله سميته گلبك

ماعندي كل غاالي بس انته غالي….

اسمع للاغنيه ونعست ماحسيت ع نفسي

طلعنه واحنه ساكتين شغلتلهه اغنيه شوي وباوعتلهه لگيتهه نايمه خليتهه براحتهه لمن وصلنه للبيت الساعه بالوحده بالليل دخلت السياره للبيت ونزلت شلتهه عبالك حمامه وشايلهه من شلتهه طوقت رگبتي بديهه خلتني عرگت رحت خليتهه ع الجربايه ونزعتهه الشال والحجاب والمانتو الفوگ بقيتهه بالبنطرون والبدي الجوه رحت سبحت ولبست برموده وبدي وتمددت بصفهه وغفيت… ..

كعدت الصبح لكيت نفسي بحضن اسد شجابني لهنا هلو وننزعني ومنيمني كل هذا واني مااحاسه شبيه صايره كلش من انام افصل بس عجبني تصرفه شكد احب اهتمامه واحب شكله لا واحبه كله صافنه اباوع بوجهه وباوع لملامحه ايي هذا أليه هذا زوجي الي يحبني مراح اسمح لأي شخص يبعدنه عن بعض لارقيه ولاغيرهه فتح عيونه واني صافنه بوجهه لاأراديا ابتسمت بوجهه وگلتله

صباح الخير😊

صباح الورد صباح العسل  اذا اصبح كل يوم بهذا الوجه وهاي الابتسامه التخبل مااموت موت الله اموت من السعاده

من كال هيج رأسآ خليت ايدي ع حلكه وكلتله
اسم الله عليك عمرك طويل

تخافين عليه ولؤتي

استحيت وردت اغير الموضوع گلتله
الله حلو هذا الاسم ولؤتي

ههههههه خوش تغيرين مواضيع شعندج كاعده من الصبح وصافنه بوجهي