الحياه احيانا تجعلنا وحوش....مع اننا خلقنا ابرياء ولكن الحب يصنع المعجزات ويبدل افكارنا ومعتقداتنا ...وان الحب هو من يجعلنا نتعايش بغض النظر عن المتاعب والمشاكل التي تقابلنا ولكن كما قلنا من قبل الحب يصنع المعجزات ويبدل حالك يجعلك تريد الغرق فيه برغم كل مافيه من متاعب ...
.........................
ف بيت بطلتنا ملك حيث انها تسكن ف بيت امام البحر بالطبع انها اسكندريه ذات الهواء المنعش والاماكن التي تفضلها
-يلا ياملك اصحي بقا مش عندك مقابله شغل
-انا صاحيه اهووو زمان البت ندي رنت عليا كذا مره
-فوقي كده وندي بره اصلا وانا هروح اعملكم الفطار
-ماشي يابطه ...انا هروحلها اهووو
دخلت ملك الحمام و توضئت حتي تصلي ووقفت امام الدولاب حتي تنتقي ملابس كعاده اي بنت ووقفت امام المرأه حتي تتأكد من مظهرها وخرجت ل ندي
-مالسه بدري ياهانم كل ده نوم وانتي عارفه ان المقابله الساعه 9 ودلوقتي الساعه 8 ونص ياشيخه ده انا رنيت عليكي عشروميت مره ايه نايمه ف الكهف هو انتي مابترديش ليه ...
-هو انتي ادتيني فرصه اتكلم عماله لوك لوك اي بالعه راديو وبعدين انا متأخرتش ف اللبس وهننزل اهووو
-مفيش نزول قبل ما تفطروا
-ملك وهي تربت ع وجنتيها : معلش بقا ياست الكل متأخرين النهارده هنبقي نأكل اي حاجه ف الطريق
-تأكلو حاجه ف الطريق هو انتو بتأكلوا حاجه ده انتو هتنقطوني
-متقلقيش هنأكل والله ممكن ننزل بقا
-ماشي بس تأخدو بالكم من نفسكم اي حد يضايقكم بالشنطه اللي ف ايدكم وع دماغه ع طول
ندي وهي تضحك : ماشي يا بطوط متقلقيش علينا يلا سلام
نزلت ندي وملك حتي يذهبوا ل شركه العاشري للهندسه حيث انهم تخرجوا من كليه الهندسه ورأو شركه تحتاج إلى مهندسين قدموا فيها وانها اليوم المقابله ووقفت ملك امام الاستقبال لتسأل عن مكان المقابله دخلوا الاسانسير حيث أن مكان المقابله ف الدور السابع وقابلوا السكرتيره
-لو سمحت احنا جايين ع اساس الاعلان اللي ف الجرايد تبع المهندسين
-اه ..تفضلوا اقعدو هنا عقبال ما مستر حسام يخلص المقابلات اللي عنده
-تمام
دخلت ملك أولا ورأت احد يتطلع الي زجاج الغرفه حمحمت حتي تلفت انتباه أدار هو وجهه ونظره مركز ع المكتب ف ملفها الذي امامه
-ملك محمد السيد نعمان
-ايوه يافندم انا
واضح ان السي في بتاعك تمام ومعاكي لغات
-اه يافندم معايا اسباني وروسي وفرنساوي
-حلو جدا اشتغلتي فين قبل كده ياملك
-لا يافندم انا لسه متخرجه
-تمام ...كمان يومين هنرد عليكي تقدري تتفضلي
خرج حسام من مكتبه وقال ل سها السكرتيره ان تبلغ مازن ان يكمل عنه المقابلات وذهب
-ندي وهي تنظر إلى السكرتيرة : هو خلاص كده مستر حسام خلص
-لا مستر حسام بس وراه شغل ومستر مازن هيكمل بداله
-تمام
بعد ان جاء مازن دخلت ندي ورأته يزفر وكأن احد مكلفه مهمه ثقيله ع قلبه
-انسه ندي مش كده ؟
-ايوه يافندم
-طيب بالنسبه ل للسي في اللي قدامي هو بس فيه حاجات انا مش فاهمها
-اتفضل يا فندم
-ليه اختارتي قسم عماره رغم انه صعب جدا
-لاني حبيت القسم جدا وحسيت اني هنجح فيه ونجحت
-تمام معاكي لغات حلوه ماشاء اللة وكورسات بس كنتي بتعملي كل ده امتي
-ف اوقات الاجازه طبعا يا فندم ...بس حضرتك مش شايف أن دي مش اسئله ف مجال الشغل
-والله انا اللي احدد اسأل اي ومسألش اي مش انتي
-ولما الاسئله متعجبنيش اكيد هعترض
-تمام ياانسه هنرد عليكي بعد يومين
-لا انا خلاص صرفت نظر عن الشغل ده
-تمام هنشوف
بعد ان خرجت ندي من المكتب وهي تتكلم مع نفسها وجهها احمر من شده الغضب رأتها ملك واستغربت من حالها كثيرا
-مالك يامجنونه اي اللي حصل
-بنأدم مستفز ومعندوش دم وبيسأل اسئله غبيه زيه
-يخربيتك ده اخو المدير هتودينا ف داهيه
-اخو المدير ع نفسه مش عليا
-اي اللي حصل طيب
حكت ندي ماحصل داخل المكتب وبعد ان انهت حديثها رأت ملك تنظر لها باستغراب
-ايوه فين المشكله برضو
-ويسألني ليه بتعملي الحاجات دي امتي
-ياست سؤال عادي فيها اي
-لا انا مبحبش حد يدخل ف خصوصياتي
-ماشي يا ست خصوصيات يلا نمشي بقا
-يلا
بعد ان خرجوا من مبني الشركه حتي قالت ندي لها انها تريد أن تذهب اللي المول لشراء ملابس
-نشتري لبس ! يابنتي هو احنا مش من اسبوعين برضو اشترينا لبس
-اه بس اللبس ده المرادي للشغل ...ونشتري فساتين مش النهارده خطوبه لبني
-اه لبني صح ده انا كنت ناسيه ...شغل اي انتي كمان مش لو اتقابلنا اصلا
-ياساتر يارب تفائلوا بالخير تجدوه
-ماشي ياستي بس مش هنلف كتير
-طبعا
-ولا هندخل محلات كتير
-اومال
-والله مش مرتحالك وشكلك هتتعبيني معاكي
-يابنتي عيب عليكي بقا
..................................
ف الشركه ف مكتب حسام دخل مازن عليه وهو يزفر ك عادته
-اي يابني مالك فيه اي
-اسكت انت كان فيها اي لو كملت المقابلات للاخر
-عندي اجتماع كمان نص ساعه وبجهز له يامتخلف
-الله وانا مالي دي بت لسانها متبري منها ياعم
-هي برضو مش انت اللي بتسأل اسئله غريبه
-اي ده مين اللي قالك
-يابني ده البنت كان ناقص تدخل تخنقك بطل اسلوبك ده
-الله هو كله عليا النهارده ولااي لا ياعم انا همشي وابقا شوف مين اللي هيكملك مقابلتك بعد كده
-اقعد يامازن واهدي مدير شركه المهدي جاي كمان شويه وعاوز يدخل ف صفقته معانا
-تاني الراجل ده هو احنا مش احنا رفضناه قبل كده
-لا يا سيدي مصمم هيشتغل معانا
-طب وبعدين
-مفيش ...هنشوف اخرته عاوز اي
-طب وبالنسبه للموظفين اللي جم النهارده هنعمل ايه
-والله انا عاجبني السي في بتاع البنت اللي قابلتها ف الاخر تقريبا اسمها ملك
-تمام والسي في اللي شوفته للبنت ام لسان طويل حلو برضو
-خلاص يبقي تمام ابقي خلي سها تقولهم ان احنا موافقين
-تمام
-بس مالكش دعوه بالبت يامازن ولاتضايقيها
-ياعم حاضر مش هاجي جنبها خالص
-يبقي احسن برضو خالتك ومريهان جايين النهارده عندنا امك قالتلي الصبح
-ياساتر يارب وطبعا استاذه مريهان جايه عشانك اكيد
-اه يااخويا بس انا مش هروح النهارده هروح عند نادر اقعد معاه
-اه يعني هنلبس انا وامك طبعا مش هتنسهالك
-يابني خالتك وبنتها دول مش طبيعين وخصوصا مريهان دي انا مش طايقها بنت مايعه كده ومش مظبوطه
-يااه ده انت شايل ومعبي منها ع العموم ابقي سلملي ع نادر هروح اشوف شغلي انا
.............................
عند ملك وندي بعد ان اشتروا الملابس الذي يريدونها وذهبوا للمنزل ع وعد باللقاء عند الساعه الثامنه ليذهبوا اللي حفله خطوبه لبني وعند الساعه الثامنه أستعدت ملك وندي حيث أن ملك كانت تلبس فستان ازرق طويل ذو اكمام طويله وندي فستان اسود طويل ذو حمالات واسعه وكانوا الاثنان آيه من الجمال
-اي الحلاوه دي يابت ياملك هتتخطفي مني ف الفرح والله
-والله انتي اللي جميله بس مالك مسوداها كده احنا رايحين فرح مش عزا
-بس يابت بذمتك مش حلو
-اه يا أختي حلو يلا ياوتكه قدامي
بعد ان ذهبوا الي حفله خطوبه لبني وباركوا لها وتوجهوا اللي المقاعد حتي يجلسوا
-لا بس حلوه الخطوبه
-اه لبني بنت جميله وتستاهل عقبالك يانودي واشوفك عروسه بالفستان الابيض
-يحيني ويحيكي ربنا
-اي يابت التشأوم ده اللي عندك قومي نرقص مع العروسه قومي
بعد ساعتين خرجوا من القاعه متوجهين اللي منزلهم اوصلت ملك ندي ثم ذهبت اللي البيت وبعد يومين هاتفتهم شركه العاشري حتي يقولو لهم انهم موافقين اتصلت ملك ع ندي
-عندي ليكي خبر حلو
-وانا كمان عندي ليكي خبر يفرح
-تكلموا الاثنان ف نفس الوقت : انا اتقبلت ف الوظيفه
-ضحكت ندي :- ياااه يعني هنروح كل يوم مع بعض
-اه يااختي كل يوم هشوفك
-ياشيخه اقعدي هو انتي تطولي اصلا
-ماشي ياستي اقابلك بكره بقا
ف اليوم التالي ذهبوا ملك وندي اللي شركه العاشري وقابلوا السكرتيرة وقالت لهم انهم سوف يدخلون بعد قليل
-ماتنزلي ياملك تجبلنا حاجه نأكلها انا مأأكلتش حاجه من الصبح
-نشوف بس هيودونا فين واوعدك هطلبلك البيتزا اللي انتي بتحبيها
-هيودونا فين يعني اي هو مش كل واحده قسم وكل واحده هتروح ع قسمها
-معرفش ياندي بس انا مش مطمنه
قاطعتهم السكرتيره وهي تقول لهم ان مستر محمد ينتظرهم داخل مكتبه دخلت ندي وملك اللي الداخل وجدو راجل يبدو عليه الوقار يجلس ع مكتبه وهو ينظر إلى الاوراق
-تكلم محمد وهو ينظر اليهم : اولا كده انا صاحب الشركه عايزكم بس تشتغلوا مساعدين ل حسام ومازن ولادي لحد مايلاقوا سكرتيرات
-زفرت ملك بضيق ثم ضيقت مابين حاجبيها : ،بقي اتخرج من 6 سنين هندسه وبعدين اشتغل سكرتيره
-تدخلت ندي ف الحديث : والله ياملك فكره كويسه ممكن نشتغل شهر معاهم ع الاقل نأخذ ع الشغل ف الشركه ولحد مايشوفوا سكرتيرات ليهم ثم نظرت إلى محمد: بس هو شهر واحد بس يافندم مش اكتر
-اكيد طبعا
ثم هاتف مساعدته وطلب منها ايصال ملك اللي مكتب حسام وندي اللي مكتب مازن
.....................
مضت ندي وملك برفقه المساعده اوصلت ملك اللي مكتب حسام ف طرقت الباب بخفه
-ادخل
قالها حسام بصوت رجولي وهو يطالع الاوراق الموضوعه امامه فدلفت ملك اللي المكتب بخطوات هادئه
-السلام عليكم
ماان تفوهت بكلامتها رفع حسام نظره إليها وتذكرها جيدا
-وعليكم السلام اتفضلي ياانسه ندي لازم تعرفي ان الشغل شغل واني مبحبش الدلع واهم حاجه الالتزام بمواعيد العمل وكمان مبحبش اعيد كلامي مرتين
-قالت ملك بهمس حتي لايصل له : ما تيجي تأخدني قلمين احسن
-تكلم حسام : هه ..بتقولي حاجه
-بقول ان انا كمان مبحبش الدلع وشايفه ان الشغل شغل واهم حاجه عندي الالتزام بمواعيد عن اذنك
قالتها ندي بغضب ملحوظ ثم اسرعت ف ترك المكان ماان جلست ع المقعد القت حقيبتها ع سطح المكتب بعنف
-يا ساتر يارب هشتغل معاه ازاي ده
طرقت ندي مكتب مازن ودلفت إليه
-صباح الخير
ماأن رأها مازن جحظت عينيه من شده جمالها
-نعم يا عسل تصدقي اول مرة اشوف القمر طالع الصبح
-هو انت طبيعي
-جدا ها فيه اي
-انا ندي لو حضرتك فاكرني وهبقي مساعده حضرتك و
-قاطعها مازن : قولي والله
-اقول والله ع ايه
-اني كل يوم هشوف القمر طالع ف مكتبي الصبح
كادت ندي ان تضحك ولكنها تمالكت نفسها واستطاعت بجداره رسم الجديه ع وجهها
-تمام لو حضرتك محتاج حاجه تخص الشغل انا موجوده ع مكتبي بره
خرجت ملك واطلقت العنان لضحكتها وبمجرد أن جلست ع مقعدها المخصص واخدت تتطالع الانترنت غادر مازن مكتبه وجلس ع المقعد المقابل لندي وشرعت ندي ان تجيبه لكن قاطعها صوت رنين الهاتف ف اجابت : مكتب مستر مازن اتفضل
-حولي الخط ل مازن
اعطت ندي سماعه الهاتف ل مازن : اتفضل تليفون لحضرتك
-ليا انا
-قالت ندي بحده : اومال ليا انا اتفضل ثم القت سماعه الهاتف ع سطح المكتب
-نعم
-فين الورق اللي بقالك ساعه بتمضيه
-مضيته من بدري
-ولما جنابك مضيته ماحبتوش ليه
-حاضر هجيبه
-دقيقه بالظبط والاقيك يامازن قدامي متتأخرش
شرع مازن ان تجيبه ولكن حسام اغلق المكالمه ثم دلف اللي مكتبه عاد حاملآ الاوراق ليذهب إلى مكتب شقيقه ولكن قبل أن يذهب غمز ل ندي ب مشاكسه ......
أنت تقرأ
عشقتها بجنون💙💙💙
Horrorالحب زلزال يضرب القلب ليعلن عن استقرار عاشق بداخله يلغي العقل ويسيطر ع القلوب ولكن لا حب من دون كرامه والشك قاتل والثقه حياه والعشق حياه.........
