عند ملك كانت مذهولة مما قالة حسام انة بالتأكيد يخرف
-نعم!يعني اي مستر حسام هو حضرتك تعبان
-استغرب حسام من سؤالها:لا لية كل دة عشان قولتلك هتجوزك اة ياستي بحبك وهتجوزك عندك مانع
-.........
-اللة انتي مش بتردي لية اومال فين لسانك اللي زي المبرد
-لية؟
-هو اي اللي لية؟
-عاوز تتجوزني لية
تنهد حسام تنهيدة طويلة نيابة عن مافي قلبة: عشان بحبك وعاوز اكمل حياتي معاكي عشان انتي خطفالي قلبي ع طول عشان انا مقدرش استغني عنك من ساعة ماجيتي الشركة وانتي واخدالي قلبي معاكي ها اقول تاني ولا كفاية كدة
-بس يامستر انا منفعش لحضرتك وكمان اكيد اهل حضرتك مش هيوافقو عليا
-ولية مايوفقوش بالعكس دى ماما بتزن عليا عشان اتجوز وانا مصدقت لقيتك صراحة
-ابتسمت ملك ابتسامة خفيفة: طب ممكن تديني فرصة أفكر
-لا انا عاوز رأيك دلوقتي
-لية هو سلق بيض ولااية يومين وهرد ع حضرتك
-مابلاش حضرتك دي دة انتي هتبقي حرمي المصون
خجلت ملك من تصريحاتة واغلقت معة وهي تبتسم بسعادة وكانت سوف تهاتف ندي ولكنها تذكرت انها قالت سوف تنام
.................................
ف الصباح عند ندي كانت نائمة وشعرها البني الطويل حولها من كل ناحية وتضع الوسادة ع رأسها واذا بة هاتفها يرن ولكنها لم تهتم بمن يتصل وأغلقت الهاتف واعادتة مكانة مرة أخرى ولكن رن لمرة ثانية تري من هذا الذي يعكر صفو نومها ردت دون ان تري من يهاتفها
-الوووو
-يااحلي الو سمعتها في حياتي ...صبااااحك سكر يانودي
انتفضت ملك من نومها ع اثر صوتة وهي لا تصدق من يكلمها وهي تكاد تفتح عين وتغلق العين الاخري
-صباح الخير يا مستر هو انا اتأخرت ع الشغل ولااي ثم نظرت ف ساعة هاتفها وجدتها السادسة صباحا ومتبقي ساعة واحدة ع معاد عملها :دة لسة ساعة يامستر فية حاجة حضرتك
-نص ساعة والاقيكي لابسة وجاهزة
-لية هنروح فين
-هنروح نفطر الاول بعد كده نروح ع الشغل
-مش هينفع انا بمشي مع ملك كل مرة
-معلش النهاردة تعالي ع نفسك واعتبريني مكان ملك ولا منفعش
-حاضر يا مستر ساعة وهكون جاهزة
-هي نص ساعة ياندي اكتر من كده هطلع انا اجيبك بنفسي
-يا سلام انا لبست خلاص اصلا
-ابتسم مازن : سلام يامجنونة
بغد نصف ساعه كانت ندي تتدلي ع السلم وهي ترتدي فستان من اللون الاسود ذو اكمام طويلة يصل لااعلي ركبتيها وتاركة شعرها البني الطويل وراء ظهرها رأها مازن وتسمر بمكانة انها رائعة ف اللون الاسود ولايستطيع ان يقف امام جمالها الفتاك هذا
-مازن وهو ينظر لها ويغمزها: ياواد انت اي الحلاوة دى لا انا مقدرش على كدة
-ندي وهي تضربة ع كتفة : مازن ...اتلم
-حاضر يابرينسيس ممكن بقا حضرتك تتكرمي عليا ونروح نفطر
-أفكر ...اصل انت ماتتضمنش
-انا ياندي متضمنش ...دة انا مفيش احن مني
-ياوواد انت ياحنين يلا بقا عشان منتأخرش ع الشغل
-وحتي يعني دة انا المدير يانودي متقلقيش يعني
-طب بلاها نشتغل النهاردة بقا
-ياسلام من عيوني لاحلي ندي ف حياتي
............................
عند ملك هاتفت ندي وعرفت منها انها سوف لا تأتي إلي الشركة اليوم فقالت الي جود ان يوصلها إلي محل عملها وبعد ان اوصلها ونزلت من سيارتة وهي تستند على نافذة السيارة ولكن كان هناك عيون تراقبها من نافذة مكتبة بغضب
-شكرا ياجواد على التوصيلة ..نجملك ف الأفراح
-امشي يابت ع شغلك بلاش كلام فاضي ابقي اتصلي عليا لما تخلصي شغل اجي اخدك
-لا ماتتعبش نفسك انا هاجي لوحدي
-ماينفعش كدة كدة انا رايح لواحد صاحبي قريب من هنا وهبقي اخدك في طريقي
-ماشي يا جود حاضر اي أوامر تانية
-لا يالمضة خلي بالك من نفسك بس
-اشارت ملك ع عيناها : من عيوني
ودخلت إلي الشركة وهناك عيون تراقبها ايضا ولكنة يزفر انفاسة بغضب وجلس ع مقعدة وهو يعقد يدية ويحرك قدميه بغضب اكثر ولكنة يحاول أن يهدئ من نفسة
عند ملك جلست ع مكتبها وبدأت في عملها واستغربت عن سبب لما لم يناديها حسام اليوم ولكنها ارجعت ذلك انة مشغول بالتأكيد وركزت على عملها وفي آخر اليوم دخلت الي مكتبة حتي تبلغة انها سوف تذهب
-مستر حسام انا خلصت الشغل اللي ورايا حضرتك محتاج حاجه
-لا اتفضلي انتي
انتبهت ملك إلي حديثة الغاضب معها فسألتة: هو فية حاجة حضرتك
نظر لها حسام ع اساس انها مهتمة بما يجول بخاطرة واذا هي كذلك لما لم تدخل لة منذ بداية اليون ترك مقعدة وتوجة إليها ولكن قاطعة رنين هاتفها فأستاذنت منة حتي تجيب
-ايوة ياجود...لا خمس دقايق ونازلة....تمام تمام
اغلقت معة وهي خائفة من نظرات حسام لو كانت النظرات تقتل لخرت طريحة بالأرض عقد يدية امام صدرة وهو ينظر لها لا بغضب ولكنه يحاول أن يكون طبيعي
-مين بقا اللي وصلك الصبح دة وكنتي بتتكلمي معاة والابتسامة من الودن للودن
-ابتسمت ملك ع ذكر اخيها جود : اة قصدك ع جود دة ابن عمي عشان ملك مجتش النهاردة فجيت معاة
-قولتلك اي حاجة تعوزيها تتطلبيها مني انا مش من واحد غريب
-بس حضرتك غريب عليا برضو انما جود دة أخويا
-برضو هتقولي جود ماتنطقيش اسم راجل غيري ع لسانك
-هو فية اي يامستر اي اللي حصل لكل ده
اقترب منها حسام وعيونة غاضبة بشدة تكاد تحرقها: فيها اني بغير فيها اني مبحبش اشوف اي راجل يعدي بس من جنبك فيها اني بحبك كل دة مش كفاية وحضرتك مش مراعية دة ورايحة تركبي مع سي جود بتاعك ده
-لا بقا ماهو انا مش هسمحلك تهين فيا كتير جود دة اخويا ف الرضاعة وانا ماسمحلكش مهما كانت مكانتك عندي انك تتكلم عنة كدة
-طيب ياستي اسفين لسي جود اخوكي ماشي بس انا بغير ودة مش ذنبي ف ياريت تراعي دة
-واراعية لية ان شاء الله وانا ميربطنيش بيك حاجة اصلا
-هربطك ان شاء الله ماتقطعيش انتي بس دلوقتي تكلمي جود تقوليلة ان وراكي شغل ومش هتنزلي دلوقتي
-بس انا خلصت شغلي ومن حقي انزل
-وأنا مش هسيبك تمشي مع البنأدم دة
تركتة ملك وخطت خطوتين تجاة الباب ولكنة قطع الطريق عليها وحاوطها من الجانبين ع الباب
-مفيش نزول من هنا يا ملك غير لما نتكلم
-وأنا مش عاوزه اقعد معاك هنا ولا عاوزة اتكلم ممكن تسبني
-لا ياملك هتقعدي وهتتكلمي معايا واللي عندك اعملية
دفعتة ملك من امامها وفتحت باب المكتب وخرجت وتركت حسام ورائها يغلي من الغضب ونزلت إلي جود الذي كان منتظرها
-اي يابنتي كل ده مش قولتي خمس دقايق
-معلش يا جود عقبال ما استأذنت من المدير بتاعي
-طيب شكلك ماتغدتيش تعالي نتغدي وبعدين نروح
-لا انا عاوزة اروح عشان عاوزة انام وصلني وبعد كده روح شوف هتعمل ايه
-مالك ياملك شكلك مش طبيعي
-مفيش انا بس مرهقة حبتين روحني بقا
-حاضر يا ستي
لم يقتنع جود بما قالتة ملك ولكنه تركها وهي سوف تأتي لة وتحكي له عن ما يضايقها كعادتها
..............................
عند ندي ومازن كادت ندي ان تطير من السعادة ولاحظ هذا مازن وكان سعيد للغاية بأنة رأها سعيدة كهذا
-اي رأيك ف اليوم النهاردة
-ندي بابتسامة : حلو اووي يا مازن ربنا يخليك ليا
-قولتي اي
-انا قولت ....انا مقولتش حاجة يا عم يلا روحني بقا الساعة 9
-اليوم عدي بسرعة محستش بية انتي مالية عليا دنيتي اصلا
-و بعدين بقا ....يا عم بتكسف اللة وبطل كلامك دة عشان بيوترني
-حاضر يا ستي ها جعانة اجيبلك حاجة قبل مااروحك
-لا خلاص كدة انا مبسوطة اوووي يامازن
-ربنا يقدرني واسعدك ع طول ياروح مازن
تركتة ندي والابتسامة ع وجهها واتجهت إلى السيارة وكادت أن تركب ولكن اوقفها مازن وفتح هو باب السيارة حتي تركب
-ياسيدي ياسيدي كمان بتفتحلي الباب ...مابقولك اي ما ترجع مازن بتاع زمان انا مش متعودة عليك كدة
-بكرة تتعودي وبعدين انا بعمل كدة مع كل الناس ماتأخديهاش استثناء يعني
-كادت ندي ان تنزل من السيارة : لا والله طب ابقي خلي الناس تنفعك
-مسك مازن يديها قبل ان تنزل : ايوة بس انتي غير ......انتي حبيبتي
تنهدت ندي بصوت مسموع بالنسبة لة ونظرت إلى نافذة السيارة دون أن تنظر اليه لانها لو نظرت إليه سوف تنهار أمام عيناة البنية كقدح القهوة هذة
..................................
عند ملك كادت ان تنام ولكنها وصلت لها رسالة ع هاتفها فأمسكتة حتي تري من ارسل لها رأتة رقم غريب ومضمون الرسالة هو " عارفة لو منزلتيش دلوقتي هطلع انا اجيبك ويقولو عليا مجنون بقا عشان انا جبت اخري معاكي "
ذهبت ملك إلي الشرفة حتي تتأكد من كلامة رأت سيارتة وهو يتكئ عليها وينظر لها نظرات غاضبة فنزلت لة حتي تري نهاية هذا الموضوع
-وصلت إلية وعقدت يديها وهي تقول لة : نعم يا مستر ! خير
-كل خير ان شاء الله ...انتي اي يابنتي جبلة مابتحسيش
-طيب يا سيدي كفاية شكرا ممكن اطلع بقا
-انا مبهزرش دلوقتي انتي عارفة انا مضايق لية
-ياحسام دة اخويا فيها اي يعني
ترك حسام باقي الجملة وركز على اسمة فقط هل عليها ان تنظق اسمة بهذا الشكل
-قولي حسام كدة تاني ...هو انا اسمي احلوووو فجأة لية كدة
-يووووة ودة وقتة حضرتك عاوز اي
-اعتذري
-أعتذر ! هة كان غيرك اشطر انا مش غلطانه عشان اعتذر وبعدين انا مش عارفة انت مكبر الموضوع لية كدة
-مكبر الموضوع! انا الحق عليا ان انا مرضتش اسيبك تنامي زعلانة كاتك القرف ف دماغك اللي زي الدبش دي
-ردت ملك مستنكرة كلماتة : منين جاي عشان تصالحني ومنين اعتذر
-ماهو انتي لو اعتذرتي انا هصالحك انما نعمل اي ف.دماغك الناشفة دي
-لا انا دماغي مش ناشفة انا مش شايفة نفسي غلطانة عشان اعتذر بسيطة اهي
-طيب يا ملك انتي اللي جبتية لنفسك استلمي بقا
-هة ولا يهمني اصلا يلا عشان تروح الوقت اتأخر ومفيش حد يطلع عليك يثبتك
-كاد حسام ان يركب السيارة ولكنة سمع جملتها ف ألتفت إليها وهو يسبل بعيناة : يعني خايفة عليا
-ضحكت ملك ضحكة باردة : لا وانت الصادق خايفة ع العربية
وركضت من أمامه ع وجهه السرعة وهي تضحك على تعبيرات وجهه
ف الصباح كانت ملك تريد أن تأخذ اجازة من أجل أن تستريح ومن جهة أخرى لا تري وجهه حسام بعد مافعلتة ف الامس ولكن حسام يقف لها بالمرصاد وغضب عليها في الهاتف م إن سمع انها سوف تغيب اليوم
-هو احنا بنلعب ياملك دة شغل
-يامستر انا تعبانة مش هقدر اجي النهاردة
-انتفض حسام من مكانة : تعبانة عندك اي ...طب اجيبلك الدكتور
-لا انا كويسة مش محتاجة دكتور
-طيب بس للاسف لازم تيجي عشان النهاردة هنقابل عميلة مهمة وانا محتاجك معايا
-حاضر يامستر ساعة واكون عند حضرتك
-لية ساعة لما ممكن تيجي دلوقتي
همست ملك بصوت خفيض حتي لا يصل إلية : يوووووة بقا هو الواحد ميعرفش يرتاح منك ابدا
-بتقولي حاجه ياملك
-مابقولش انا جاية دلوقتي اهوووو
-طيب وخودي بالك من نفسك وانتي جاية
-طيب ممكن اقفل بقا عشان البس ومتأخرش
-ماشي يا ملك لما تيجي ع لسانك الطويل دة
اغلقت ملك معة وهي تتأفف لا يمكن أن يتركها بحالها وما حكاية العميلة التي ظهرت فجأة انها لا تعرف عنها شئ ولكن هو يريدها معة فلتذهب ويكن مايكن بعد ان دخلت الشركة صعدت إلى مكتبها وتركت حقبيتها علية ثم دقت الباب وانتظرت حتي يأذن لها ودخلت ولكنها رأت شئ وتوسعت عيناها بشدة ............
............................
-عاوزة رأيكم هل ينفع اكمل فيها او لا
-ياريت فوت وكومنت تقديرا لمجهودي ❤❤
أنت تقرأ
عشقتها بجنون💙💙💙
Horrorالحب زلزال يضرب القلب ليعلن عن استقرار عاشق بداخله يلغي العقل ويسيطر ع القلوب ولكن لا حب من دون كرامه والشك قاتل والثقه حياه والعشق حياه.........
