اخدت نومتي وصحيت مشيت لأمي قلت ليها اميي قالت لي ايوة قلت ليها اشتقت ليهم شديد ، اشتقت لمروة المشت وخلتني واشتقت لتوسل وقصي شديد😭 قالت لي كلها كم اسبوع ويرجعو لينا قلت ليها الله يجيب اليوم داك بس قالت لي قعد تتصدقي لمروة صحبتك؟ قلت ليها اي بس م دائما كدا قالت لي م صح منك اتصدقي ليها وحتفرح شديد هي منك قلت ليها طيب حاضر.
عدا اسبوع ويومين وكانو أول أسبوع ويومين من غير قصي وتوسل اسبوع ويومين مملين م عندهم نكهه حاولت اتمشي ف الشارع وارجع البيت ، مشيت كم زياره لام مروة يلي هي خالتو مناهل زي م وعدتها اني بجيها.
صحيت من الصباح سامعه امي بتتكلم مع ابوي قالت ليهو الصينيين ديل مالهم كلهم بموتو بالطريقه الفظيعه دي الأخبار الفي التلفزيون كلها بتتكلم عندهم قلت ليهم ليه ف شنو مالم؟ أمي قالت لي جاتهم حاجه كدا غريبه خلت جزء منهم كبير يتوفى وم عارفين لسه ف شنو ولا دا شنو؟؟ قلت ليها الليله وووووب دي نهايه العالم شكلها قالت لي ربنا يستر بس.
اتكلمنا مع توسل وقصي مكالمه فيديو قلت ليها ي كلبه تعالي راجعه سريرك عشان نتونس ونساهر الليل سوا قصي قال لي طيب وانا؟؟ قلت ليهو انت برضك تعال عشان امعطك حبيبي انا😂 قال لي نحنا الايام دي قعد نمرق كتير وبنرجع المستشفى وبنرجع الشقه حقتنا قلت ليهو العمليه النهائيه متين؟ قال لي 3 أسابيع كدا بتكون اتعملت قلت ليهو بتتسهل ي زول قال لي ايوة ، امي وابوي اتونسو معاهم وادوني التلفون.
دخلت الواتسب لقيت رساله من أيمن قال لي امنيه قلت ليهو احكي قال لي انتي ليه م سالتيني اني جازفت جبت رقمك من وين قلت ليهو هههه نور صحبتي ورتني اي شي قال لي ااي صحي نسيت قلت ليهو عادي م حنك قال لي عاوز الاقيكي للمره التالته؟ المرة الأولى كانت صدفه المره التانيه صدفه المره التالته لقاء عديل قلت ليهو والله يااخي م عارفه اشوف قال لي لو م مستعده حاليا ممكن نأجل الموضوع عادي قلت ليهو خلي شويه قدام كدا قال لي نسيت أسألك بتقري ف كم وجامعه شنو قلت ليهو برلومه للأسف وفي السمستر التاني بقرا ف النيلين😔 قال لي باكمبا لكن قلت ليهو يب يب حقتنا كمان قال لي حاليا مشغول بتم ونسه معاك وقت تاني قلت ليهو طيب.
جا اليوم البعديهو والصين فاجأتنا بانو ف فيروس جديد ظهر قلت لناس امي الصين دي مالا معانا هي كمان ناقصين نحنا هو؟؟؟ عدد الموتى ف الصين كل يوم بزيد اكتر وبشكل مخوف ومرعب جا اليوم البعديهو وظهر الفايروس والصين عرفت الأعراض الظهرت لكل المرضى سمو الفايروس بفايروس كورونا قلت ليهم يكركر رأسهم دا وبعديها اكتشفو المرض من الخفافيش ف روايه ما ، وف روايه تانيه من الكلاب ، قلت لأمي هم جادين يعني بياكلو خفافيش وكدا امي قالت لي لو شافوك مجدوعه ف الشارع ومفطسه فطيس السواد بياكلوك😂😂😂 قلت ليها هههه دي مشكله دي قالت لي العقارب والتماسيح اي مصيبه و اي حيوان ف الدنيا دي بياكلو قلت ليها ديل م نصاح بس عاملين لي عيونهم الحته دي استغفر الله😂 امي قالت لي ي بت بطلي دي خلقه ربنا قلت ليها بهظر يااخ الواحد م يهظر ف حياتو دي ولا شنو؟
خلونا نتعرف شويه ع الفيروس :-
