قالو تحبيه قلت ساكن فؤادي قالو يحبك قلت هذا سؤالي

البارت الحادي عشر

مَـآ اصـعب ان تكـونَ الابتسـآمه على وجـهـك ،، وانـتَ فاقـدهاا فـي قـلـبکَ ،،
.
.
.

وصلو لمطار ميلانو وركبوا بالسيارة اللى جابها لهم السائق وصلوا رافي الى بيته وبعدين راحوا على بيتهم انفتحت البوابه الكبيره للحوش ودخلت السيارة
ريتال كانت تطالع بذهول في القصور والفلل والحديقه اللى تبهر
توقفت السيارة
عامر التفت على ريتال وابتسم : يلا
ريتال طالعت في القصر ورجعت طالعت فيه : هذا..هذا القصر
عامر : ايه هذا هو قصرنا يلا انزلي
نزلت مسكها عامر من يدها ووقفها في الحديقه وقال : اسمعي اجلسي هنا انا راح ادخل وافهم امي لانها ماتعرف عنك والى هذاك الوقت لاتتحركي من مكانك اوكيه
ريتال هزت راسها ب ايه وهي تشعر بتوتر وخوف
عامر مسك خدها بيده بحنان وابتسم : لاتخافي ماراح يصير شي انتظريني شوي وراجع
مشى ولحق نايف وإياد دخلوا القصر شافوا الجده بالصاله وشكلها مايبشر بالخير
عامر وقف : الله يستر ايش هببت اريج
الجده وقفت لما شافتهم وقالت : هذه نهايتها ياولد محمد
عامر : طالما فيها ولد محمد فراحت علي
قرب منها : يمه اسمعيني انا ماادري ايش قالت لك اريج بس
الجده بحده: من دون بس..كذه تسوي فيني ياعامر
عامر : يمه لوسمحتي افهميني
الجده : ايش تبغاني افهم انه ولدي تزوج وماعزمني على زواجه
عامر : يمه انا...
سكت لما استوعب الكلام
الجده ضحكت : وينها زوجه ولدي
عامر مصدوم ومو مستوعب : يمه انتي
الجده : شفيك واقف كذه وينها زوجتك
عامر : هاه هي '، وكان ياشر جهت الباب : الحين بجيبها
وخرج وهو مو مستوعب توقع تصير مشكله كبيره بس اللى شافه غير راح الحديقه للمكان اللى كانت فيه ريتال بس ماشافها تلفت يمين ويسار نادا عليها بس مافي رد : ريتال ريتال...وين راحت هذه مو قلت لها ﻻ تتحرك من مكانها
قام يدور عليها بكل مكان مالقها وقف ياخذ نفس : معقوله تكون دخلت وراي وانا ماانتبهت لها
دحل القصر وهو يجري وقف في الصاله عند امه ونايف وإياد تلفت
الجده وهي تطالع خلف عامر يمكن تشوف زوجته قالت : عامر وينها
عامر مسك راسه بتوتر وقلق : ماادري وينها مالقيتها
الجده وقفت : شلون كيف مالقيتها
عامر : ماادري يمه انا تركتها بالحديقه بس لما رجعت مالقيتها
جائهم صوت اريج وهي فوق بالدرج : يمه طالعي وراكي
الكل طالع بجهت الدرج كانت ريتال واقف ولابسه تنوره ناعمه طويله ورديه مع نقشات بالون الاسود بطريقه حلو وبلوزه كم فضفاضه وعلى راسها ايشارب على لون التنورة وعلى وجهها ابتسامه يخالطها التوتر والخجل
الجده تطالع ريتال من راسها الين رجولها : ماشاء الله تبارك الرحمن قمر نزل على الارض...تعالي يابنتي
عامر كان يطالعها بنبهار لانها فعلا كانت تجنن
مرام واريج اللى واقفت فوق من دون مايشوفوهم
مرام : طلع عامر عنده ذوق
عامر صحى على نفسه وقال : يعني انتوا اللى اخذتوها وخلوتني اخاف
اريج بضحكه : ﻻتخاف ياعمنا العزيز مافي احد بيخطفها منك
الجده حضنت ريتال : هلا بمرت ولدي هلا والله نورتي بيتي
ريتال بخجل : منور بوجودك خالتي
الجده بعدتها عنها وقالت : ويش ذه خالتي انا بسن جدتك بس بما اني ام زوجك ماتقدري تنادي لي جدتي بس تقدري تنادي يمه
ريتال اختفت ابتسامتها وبان الحزن على وجهها
الجده : اذا ماتبغى عادي نادي باللى يعجبك
ريتال ابتسمت : لا لا انا مبسوطه لانه صار عندي ام
الجده ضمتها بحنان :وانا صار عندي بنت جديده '، مسكتها من يدها : تعالي اجلسي
وجلستها جمبها
مرام : يمه شرايك فيها
الجده : تجنن الا انتوا متى لحقتوا تاخذوها
اريج : كنا بالبلكونه وشفناهم لما جائوا ولما عامر تركها لوحدها خرجنا من الباب الثاني واخذنها معانا
عامر طالع في ريتال : وانتي رحتي معاهم وخليتيني ادور عليك بكل مكان
ريتال بضحكه : شسوي انا تعرضت لحالة اختطاف خطفوني كل وحده سحبتني من يد
الجده ضحكت
دخل مراد : سلام....'،شاف نايف وإياد وعامر وقال : اووه انتو متى جيتوا تسافرون ومحد يدري عنكم وترجعون ومحد يدري عنكم
نايف : يعني انت كلامك مايخلص تعال سلم بالاول
سلم عليهم وجلس ودوبه ينتبه على ريتال اللى جالسه جمب جدته صفر وقال بالايطالي : ياإلهي من هذه الجميله
ماحس الا بضربه على راسه : اخخخ
لف على عامر : شفيك ضربتني
نايف ضحك : اجل تقول هذا الكلام لزوجته وتبغاه يسكت لك
مراد بدهشه : زوجته..متى تزوج... اووووه فهمت اجل عشان كذه سافرت عشان تتزوج '، طالع في جدته : تصدقين يمه ولدك هذا اعق ولد شفته بحياتي كم صار لك تقنعيه يتزوج وهو يرفض والان راح تزوج ومن دون مايقول لك او يعزمك على زواجه جد انه ولد عاق
عامر جاء بيضربه وهو هرب على طول
مراد وهو واقف من بعيد : الله يهديك بس ادعي له يمه والا اذا هذه المره رجع ومعه زوجه المره الثانيه بيرجع ومعه ولد
عامر قام له وهو طلع الدرج جري وهو يضحك
عامر : هين يامرادوه حسابك بعدين
ورجع جلس
الكل كان يضحك طبعا ماعدا إياد اللي ابتسم
وريتال كانت ميته ضحك عليهم لما شافت عامر طالع فيها عضت شفتيها عشان تكتم الضحك
ريتال تحاول ماتضحك : احم الا مين هذا
اريج : هذا مراد اخوي
نايف : يمه وين امي وعمتي مااشوفهم
الجده : فوق جالسين مع دالين... مرام ماقلتوا لهم انهم وصلوا
اريج بصوت واطي : اوبس شلون نسينا بروح اناديهم
مرت الخدامه من جمبهم مرام مسكت اريج اللى كانت رايحه وقالت للخدامه تقول لأم نايف وام إياد انه اولادهن وصلوا
وماهي الا لحظات وجائوا ام نايف وام إياد سلموا عليهم وجلسوا يسولفون مع ريتال لانهم كانوا يعرفون سالفتها من قبل الجده قالت لهم
واريج ومرام يشاركوهم بالسوالف وهما واقفات فوق بالدرج وريتال اندمجت معاهم بسرعه لانها من النوع الاجتماعي وبسبب حنانهم وطيبتهم معاها وكلامهم اللى مافيه اي تحفظ يعاملوها وكانهم يعرفوها من زمان ماتوقعت هذا التعامل منهم
مرام : اقول يمه ويش سالفت اولادك مايجيبون الا اللى يخطفون الاضواء منا بالاول بنت ولدك اريجوه والحين زوجة ولدك ريتالوه اخذوا الجمال كله ويش بقوا لنا
ريتال : ليش انتي ويش فيك قمر ماشاء الله اما بالنسبه لاريج فمعك حق فجمالها فاق كل جمال وانا مااساوي شي قدامها صراحه من قبل كنت اشوف نفسي مافي احلى مني بس لما شفت اريج تغيرت هذه القاعده
مرام ضحكت : هههههه ايه والله وانتي الصادقه صار معي نفس الشي لما شفتها اول مره
اريج : اقول انتي واياها قاعدين تتمسخرون على والا شلون
ريتال : والله من جد انا ماادري شلون وحده ملاك زيك بتتزوج هذا الشيطان..'، عضت لسانها لما انتبهت على زلت لسانها
سمعت صوت اريج اللى جائهم : واخيييرا لقيت حليف تصدقين انتي لسانك يقطر عسل يارتوله كلميهم خليهم يفهموا احنا مانناسب بعض ابدا صح
ريتال بدهشه : ليش انتي ماتبغيه
مرام : اقول انتي واياها انكتموا اخوي تتمناه مليون بنت..بس لا تشيل هم يااخي العزيز الحين اخذ لك حقك منها
وداست على رجل اريج
واريج صرخت : ااااااي.. مرااام
مرام طلعت جري وهي تضحك واريج طلعت وراها وهي تتوعد فيها
الكل كان يضحك وقفت ريتال : اقدر اروح عندهم
ام إياد : ايه اكيد حبيبتي البيت بيتك روحي وين ماتبغي
ريتال ابتسمت وطلعت تجري بالدرج وراهم
عامر طالع في امه : الا يمه ويش قالت لك اريج خلتك تتقبلي زواجي توقعت تعترضي ويصير فلم هندي
الجده : جد انك ولد عاق مثل ماقال مراد
عامر : ﻻﻻ جد يمه كيف وافقتي
الجده : وليش مااوفق انا من زمان اقول لك اتزوح بس انت رافض والحمدلله ربي حقق لي امنيتي وخلاك تتزوج بطريقه ماحد توقعها
عامر : طيب هذا عرفناه وريتال
الجده : ايش فيها
عامر : كيف تقبلتيها بهذه السرعه
الجده : انا اقدر اميز نوع البنت من اول نظره وانا مبسوطه انك تزوجتها لانها بهذا العمر كان راح يضيع مستقبلها بس انت سويت الشي الصح وكمان اريج حكت لي عنها وحزنت على حالها ماادري اهلها شلون طاوعهم قلبهم يسوا فيها كذه بس خلاص هي الحين زوجتك وابغاك تعاملها احسن معامله ولو زعلتها راح تلقى حسابك عندي لانها من اليوم مثل بنتي
عامر ابتسم : شكلها اخذت مكاني من اول يوم
الجده ابتسمت : حاسه انه ربي عوضنا فيها عن جمان اللي مالقيناها
.
.
.
.
ريتال وصلت للصاله اللى فوق وراحت لنفس الغرفه اللى كانت معاهم فيها قبل شوي شافت اريج ماسكه مرام ونازل فيها قرص
ومرام تصرخ : اااااي والله خلاص توبه توبه...ريتال الحقيني
اريج تركتها : خليك بس تعيديها وبتشوفي
وجلسوا بالكنبه
مرام تطالع في ذراعها اللى محمر من القرص : وجع اريجوه شوفي يدي كيف صارت
اريج : تستاهلين
مرام : بخلي إياد ياخذ حقي منك بس صبرك شوي ماباقي الا كم يوم
اريج : اتحداه
مرام : صدق انك بايعه عمرك تتحدين إياد
اريج طالعت في ريتال اللى واقفه : تعالي اجلسي ليه واقفه
مرام ضحكت : انفجعت البنت ترى كلنا كذه مهابيل لاتستغربين
ريتال ضحكت : مانختلف عن بعض
مرام : اقول ريتال انتي الحين تعرفتي على ربع العائله باقي امي وعماتي وندى وامل وسديم وداليا ولجين و..اممم مين باقي
اريج : ونواف ومازن وخالد وعماد ومؤيد ويزيد لاتنسي هي عمتهم الحين
مرام : ايه صح
ريتال منصدمه : مين هذول كلهم
مرام : هههههه هذول اولاد اخوان زوجك يامدام تعالي راح نعرفك الحين على دالين ورهوفه ورافي فديتهم
ريتال : ومين هذول كمان
اريج : دالين عمتنا ورهف ورافي اولادها هي لسى ولدت من كم يوم
مرام : ايه وبعدين راح نعرفك بالبنات هما الحين مشغولات
اريج وقفت : يلا تعالي
ريتال وقفت وتلفتت بمكان ماكانت جالسه
مرام : في شي
ريتال : جوالي كان في يدي وينه
اريج : يمكن نسيتيه تحت
ريتال : شكله كذه بروح اجيبه وارجع انتظروني
وخرجت ونزلت الدرج وقفت بنص الدرج لما سمعت عامر يقول : يمه ماابغى لا عرس ولاهم يحزنون
الجده : مو على كيفك عرسك راح يكون مع عرس إياد واريج
عامر : يمه تكفين ماابغى هذا الدوشره والازعاج انتي تدري اني كنت رافض الزواج بس اضطريت اني اتزوج
ريتال نزلت راسها بحزن ورجعت طلعت فوق
الجده : اسمع ياعامر اذا كنت انت ماتبغى عرس فلاتكون اناني وتحرم البنت من حقها هي مثلها مثل اي بنت تحلم يسوا لها احلى فرح وتلبس الفستان الابيض وتكون عروس
عامر قام وجلس جمبها : طيب موافق بس عندي شرط بسيييط
الجده ابتسمت : ويش عندك
عامر تلفت ماكان في معاهم الا ام نايف وام اياد و قال : انا ادري انك ناويه شي لاريج وإياد ف بلييز ياامي ياحبيبة قلبي لاتدخليني معاهم في مخططاتك تدري عاد ضروف زواجي غير عنهم
ضحكت الجده : ابشر
.
.
.
رجعت ريتال
مرام : هاه لقيتي جوالك
ريتال ابتسمت : ﻻ خلاص بعدين بدوره
اريج : اوكيه يلا تعالي نروح عند دالين
مشوا بتجاه غرفة دالين جائت اريج بتدخل الا وتشوف إياد ونايف بالغرفه عند دالين ومن الله كانوا يعطون الباب ظهرهم لفت ورجعت بسرعه الا وتصطدم بمرام اللى كانت وراها ويطيحوا الثنتين
مرام مسكت ظهرها : اخخخخ ان
اريج مدت يدها وسكرت فم مرام بسرعه : هصصص نايف وإياد جوه
مرام وقفت بسرعه : الحمدلله عندي طرحه بس خلينا نرجع قبل لايخرجوا
اريج جائت بتتكلم اللى وتسمع إياد يقول لادالين تصبحي على خير يعني بيخرج تلفتت بسرعه تبغى تتخبا باي مكان بس ماكان في اي غرفه قريبه تدخلها كانت زي المجنونه تحاول تلاقي شي تتغطى فيه ولما كان إياد جمب الباب سحبت الطرحه حق مرام وغطت راسها وجهها كله إياد وقف لما شافهم طالع في مرام وريتال ورجع طالع في اريج اللى كانت مغطيه بالطرحه البيضاء
إياد مشى من جمبها وقال بصوت واطي بس سمعوه : غبت عن البيت اسبوع رجعت وفيه اشباح
لما راح اريج سحبت الطرحه وقالت بغيض : اخوكي هذا راح اقتله الحين انا صرت شبح
ريتال ومرام اللى كانوا كاتمين ضحكتهم انفجروا ضحك
مرام وهي تضحك : بصراح اخوي ماكذب كنتي مثل الشبح تماماً
اريج بقهر : انقلعي بس قبل لايخرج نايف وتصيري انتي الشبح
ودخلت الغرف ودخلت وراها ريتال اتعرفت على دالين ولما خرج نايف جائت مرام وجلسوا مع بعض بعدها جاء عامر وجلس معاهم شوي
عامر وقف : تصبحون على خير بروح ارتاح حدي تعبان
لف بيخرج
مرام : احم احم مانسيت شي
عامر لف ومرام اشرت على ريتال
مرام : مانت ناوي تاخذ زوجتك ترتاح
عامر حك راسه لانه كان ناسيها : اوووه اكيد يلا ريتال
ريتال وقفت
مرام تهمس لرايج : تتوقعي خلصوا
اريج : اكيد صار لهم ساعتين
مرام : امشي خلينا نروح نشوف الجناح كيف صار
اريج : يلا
وقفوا وراحوا ورى عامر وريتال
عامر : خير ناوين كمان تناموا معاها
مرام بستهبال : ايه ماني قادره افترق عنها كيف راح اقدر انام بدونها عشان كذه بجي انام معاكم طبعاً اذا ماعندكم مانع
عامر : الظاهر تبغى اطيرك ببكس لبيتكم
اريج ضحكت : هههههه بيسويها
وقف عند باب جناحه ولف عليهم : يلا انقلعوا كل وحده لبيتها
اريج : انا هذا بيتي
عامر : معناته انقلعي لغرفتك
مرام : ﻻ تخاف ماراح نسرق زوجتك بس جينا نشوف الجناح
عامر : تشوفون الجناح؟؟ ترى نفسه ماغيرته
اريج : شرايك تدخل تشوفه اذا تغير والا ﻻ
عامر طالعهم : اقول تراي تعبان ومو فاضي لمزاحكم
مرام بعدته وفتحت الباب ودخلت واريج دخلت وراها
عامر طالع في ريتال : شكلهم ناوين يستولون على جناحي بسببك
ريتال ابتسمت ودخلوا مع بعض شافوا الجناح ظلام ومافيه اي ضوء
عامر : مرام اريج ايش ذه المزاح افتحوا الن
وماكمل كلامه الا وانفتحت الانوار والورد تزل عليهم من كل مكان طالع في المكان كانوا البنات كلهم هناك ويرشوا عليهم بالورد
امل : الف الصلاة والسلام عليك ياحبيب الله محمد كلللوووووش
عامر تفاجا بعدها ابتسم وطالع ريتال : هذول المجانين بنات اخواني
كلهم سلموا عليه وباركوا له وجائوا لعند ريتال وسلموا عليها
امل : هاي انا امل بنت اخو زوجك
سديم : وانا سديم اختها
لجين : وانا لجين كمان اختهم
مرام مسكت داليا : وهذه داليا اختي الكبيره
اريج : وهذه ندى بنت عمتي وزوجة اخوي '، لوت فمها واكملت : واخت زوجي المستقبلي
ريتال ابتسمت : وانا ريتال
عامر : خلصتوا..يلا برى انا تعبان وابغى انام
داليا : اتمنى يعجبكم الجناح هذا من ابتكارنا
امل : باي عمو
ندى : تصبحوا على خير
وخرجوا عامر سكر الباب ولف طالع في الصاله اللى متغير مرتبه ومزينه بالورود بطريقه ابداعيه ورائحه البخور والعطور اللى تفوح منه شي خيال تقدم ودخل الغرفه وقف مذهول كانت متغيره 180درجه التسريحه كلها ادوت تجميل وعطورات والسرير مغيرين فرشه الستائر مغيرينها الورود بكل مكان لف بجهت الكنب والطاوله اللى كان فوقها شوكلاته فاخره وبوكيه ورد اخذ البوكيه وخرج الكرت كان مكتوب فيه اسمه واسم ريتال وداخله مكتوب الف مبروك
تركه وهو يقول : مجانين هالبنات متى لحقوا يسوا هذا كله
لف شاف ريتال واقفه ومنزله راسها وماسكه بطرف بلوزتها وواضح انها خائفه ومتوتر ( ﻻحوله ولاقوه الا بالله انا صار لي ثلاث ايام احاول ابعد عنها الخوف والتوتر واخليها تتصرف معي طبيعي وبنات اخواني المجنانين خربوا كل شي انا ماصدقت اني خليتها تنسى خوفها بهذيك اليومين اللى قضيتها معاها الحين ويش اسوي ماابغاها ترجع زي اول يوم ماتتكلم )
اقترب منها ومسك يدها وهي سحبتها بسرعه ابتسم وهو يمسك يدها مره ثاني ويسحبها معاه: تعالي اجلسي
جلس على الكنب وهي جلست بعيد عنه شوي وهي منزله راسها وتفرك يدها ببعض
جلس يطالع فيها ماهو عارف ايش يقول لها
عامر : ريتال
ماردت عليه
عامر : انا جوعان
ريتال رفعت راسها طالعته بدهشه : هاه
عامر ابتسم : انا جوعااان
ريتال : تراي مااعرف اطبخ
عامر : وانا ماقلت لك روحي اطبخي
ريتال : اجل؟؟
عامر مد يده : بالاول خلينا نصير أصدقاء وبعدين راح اقول لك ايش راح نسوي
ريتال طالعت يده الممدود ومدت يدها بتردد
عامر : اوكيه من اليوم انا وانتي أصدقاء مافي رسميات بيننا ولا احد يخبى عن الثاني شي اتفقنا
ريتال ابتسمت بطمئنان وراحه : اتفقنا
عامر : طيب والحين ياصديقتي خلينا نقوم نجهز اكل
ريتال : قلت لك مااعرف اطبخ
عامر : ماراح نطبخ بس بناخذ لنا فواكه وسلطات عشان احافظ على لياقتي
ريتال ضحكت : اول مره اعرف انه الرجال يهمه انه يحافظ على رشاقته
عامر : اجل ويش على بالك انتوا البنات بس اللى يهمكم هذا حتى احنا يهمنا انه نكون كشخه..احم يعني مثلي الان..يلا يلا قومي بسرعه
ريتال وقفت وراحت معاه للمطبخ الصغير اللى بالجناح قطعت فواكه
ريتال : عامر اعطيني العصير من الثلاجه
عامر : لمين العصير
ريتال : راح نسوي سلطه فواكه وكمان جيب حبه ليمون
عامر خرج العصير والليمون من الثلاجه : تفضلي ياستي وهذا العصير
اخذته وصبت لوسط الفواكه واخذت الليمون واستخرجت مويته وكبته لوسطه الفواكه وحركت بالملعقه
وجابت ملعقه ثاني وجلسوا ياكلوا خلصوا
ريتال غسلت الصينيه وعامر راح اخذ ملابسه ودخل الحمام (اكرمكم الله )
عامر طالع في الحمام : هذا حمامي والا انا اتخيل ايش هذه العلب كلها البنات هذول شغله
واخذ شاور ولبس ملابسه هو في غرفة لتبديل الملابس بس طبعا مراعات انه في بنت معاه لبس بالحمام وخرج
شاف ريتال بيدها ملابس ومنشفه
ريتال وقفت ودخلت الحمام
وهو راح تمدد على السرير وتغطى وراح بسابع نومه من التعب
خرجت ريتال وهي لابسه بجامه قطنيه وعلى البلوزه رسمه ميكي ماوس شافت عامر نائم مشت بهدوء طالعت التسريحة اللى كلها عطورات ومكياجات وارواج ومناكير حتى في اشياء ماتعرفها بحكم ان اهلها ماقد اعطوها فلوس تشتري كل اللى تبغى مثل باقي البنات اساسا زين كانوا يشتروا لها ملابس واشياء بسيطه فماكانت تشتري غير الكحل والعطر والقلوس وبسسس هذا اللى كانت تقدر عليه من مصروفها المدرسي اللى تجمعه جلست وهي تمشط شعرها وعقلها بعيد تفكر كيف حياتها كلها تغيرت بيوم وليله انقلبت فوق تحت بعد ماكان عندها اب وام واختين وثلاثه اخوان وبيت بسيط تعيش فيه معهم رغم انها كانت تلاقي بعض الجفا من ابوها وامها اللى كانت تستغرب سببه لكن هي الحين تعرف هذا السبب والان صارت تعيش مع رجل عرفته من اربع ايام فقط وعائلته الكبيره اللى شافت فيهم الحنان والطيبه وقصر كبير ماعمرها حلمت فيه
صحيت من افكارها ووقفت طالعت في العطوات كانت تبغى تبخ من واحد بس احتارت من كثرتهم ماهي عارفه ايت احلى ( خليهم الحين بكره بشوفهم وين عطري ) راحت اخذت عطرها من الشنطه اللى دائما يكون معاها ورشت شوي وتركته على التسريحه
مشيت لعند السرير ووقفت لحظات تتامل عامر الغارق في النوم ابتسمت وهي تتامل ملامحه لاول مره كان بكلمه مختصره جذااب بملامحه الرجوليه الهادئه
طالعت بالسرير توترت لما فكرت انها راح تنام جمبه لانها ب دبي كان هو ينام بالصاله وهي بالغرفه تمددت بحافت السرير ونامت