نوفيلا الحياة تجربة !!

الفصل الأول

كل سنة وانتم طيبين..
بمناسبة عيد الفطر المبارك.💛
______________________________________

جراح_العاشقين..⁦⁦💔

.. في القصر عز ..

*جالسه في جناحهم تنتظر قدومه لكنه تأخر كثيراً عليها لتهبط إلي الأسفل رأت أحدي الخدامات لتسألها برفق : تقي عز بيه فين !؟
_تقي : في مكتبه يا مي هانم .
_مي : طيب ماشي روحي انتي .

*دلفت المكتب لتجده منكب على الكثير من الأوراق التي لا تنتهي.. يعمل بجد وينتهي من عملها لتهتف بحب : ايه يا حبيبي اتأخرت ليه !؟
_عز بضيق : عندي شغل يا مي .
_مي بحب : طب يا حبيبي.. تحب اقعد معاك .
_عز بقسوه : لا انا مش ناقص وجع دماغ .
_مي بدموع : وجع دماغ !؟ انا وجع دماغ يا عز .
_عز بألم لدموعها : اه يا مي اتفضلي بقي أخرجي بره خليني اخلص .
_مي بدموع وهمس : حاضر يا عز .

*دلفت للخارج بوجع دموعها تنهمر بشده من كلماته المسمومه التي جرحتها و بشده ، خرجت إلي بهو القصر تجلس في إحدي أركانه بمفردها تبكي بألم .

_ما أن خرجت حتي هتف في نفسه بألم : انا ليه قولتلها كده !؟ ليه بس يا عز ليه تجرحها كده.. حرام عليك يا اخي كفايه اللي هي فيه مش هتبقي انت و الدنيا عليها.. انا والله مكنتش اقصد دي مي كل حاجه حلوه في حياتى انا بس مشغول بتسليم الصفقه الجديده.. قوم يا عز قوم طيب خاطرها و خدها في حضنك ، ايوا هو ده اللي هيحصل قوم يالا .

*ليقوم سريعا يبحث عنها في جميع أنحاء القصر و الغرف لم يجدها لينقبص قلبه بخوف شديد على محبوبته ، ليجد أحدي الخدامات : مشوفتيش مي هانم راحت فين !؟
_ الخدامه : مي هانم خرجت الجنينه .

*ليسرع بشده إلي ذاك المكان الذي لم يبحث عنها به ، عندما رأها لينزف قلبه ألما عليها فقد وجدها تضم رجليها لصدرها وتدفن وجها بينهم و تبكي بألم .

_عز بألم وهو يجلس القرفصاء أمامها : مي !!
_مي ببكاء وهي مازالت على موضعها : نعم يا عز .
_عز وهو يمسك بيدها ليجعلها تنظر له : مي بصيلي عشان خاطري .
_مي بدموع : نعم .
_عز وهو يمسك يديها : انا آسف يا مي مكنتش اقصد صدقيني.. انا بس مضغوط شويه الايام دي الصفقه المره دي فيها مشكلة و احنا مضغوطين اوى والله مكنتش اقصد يا حبيبتي ده انتي الحلوة الجميلة اللي محليه ايامي .
_مي بدموع : لا يا عز انت بتكرهني .
_عز وهو يقبل جبينها : لا يا حبيبتي هو فيه حد برضو بيكره روحه ده انتي روحي يا مي .
_مي ببكاء مره اخرى : لا انت بتكرهني عشان انا مجبتلكش بيبي ، بس مش بيدي يا عز والله مش بيدي غصب عني .
_عز بدموع و هو يجفف دموعها بحنان : ده انتى روحي يا عبيطه وبعدين انا مش عايز عيال انا عايزك انتى ، عايز مي حبيبتي وبنتي وبس مش عايز اى حاجه من الدنيا غيرك .
_مي ببكاء : بس أنا مش بعمل وجع دماغ يا عز .
_عز و هو يضمها لصدره بحنان : يا عمر عز و قلب عز انتي مش وجع دماغ انتى حلوة حياتي انا آسف والله آسف والله مش هقول كده تاني سامحيني ياقلبي والله ماكنتش اقصد ازعلك .
_مي ببكاء : متزعلش مي تاني يا بابا .
_عز بألم : أموت نفسي قبل ما ازعلها .
_مي ببكاء : بعد الشر عليك .
_عز مقبلا جبينها : ربنا يخليكي ليا.. يالا قومي نروح اى حته ايه رأيك .
_مي ببتسامه : مش عايزة أخرج .
_عز ببتسامه : لييه !؟ مش عايزة تخرجي مع زيزو حبيبك .
_مي بمكر : طب و زيزو حبيبي هيوافق يوديني المكان اللي نفسي اروحوا .
_عز بحبور : شاورى يا عمر عز .
_مي بمكر : عايزه اروح الملاهي يا عز .
_عز بموافقه وهو يحملها ويدور بها حول نفسه : من عيون عز يا قلب العز .
_مي وهي تتشبث به أكثر وتنظر له بزهول : انت موافق يا عز ، انت مش زمان كنت بتقولى احنا مش اطفال و بتضايق لما اقولك نروح .
_عز وهو مازال يحملها و يدور بها بمرح وكأنها طفلته وليس زوجته : الكلام ده كان زمان قبل ما اعرف ان مي حبيبتي بتحبها اوى كده وبتفرحها كده .
_مي وهي تتعلق بعنقه أكثر : حبيبي يا عز .
_عز بحب وهو يتجه بها نحو جناحهم : يالا بقي عشان حبيبي يغير و ننزل على طول على ما أنا أعمل فون مهم يكون حبيبي خلص .
_مي بفرح وهي تقفز عاليا وتصفق بيدها الصغيرتين كمثل الأطفال  : انا هلبس على طول... لتقبل وجنته و تركض من أمامه بفرحه طفله سيخرجها والدها بعد يوم دراسي شاق .
_عز في نفسه : ربنا يقدرنى و افرحك يا حبيبتي ، يارب يخفف عليكي اللي بتحسي بيه ، كفايه امي اللي بتسمعك كلام ملوش داعي.. يارتني اقدر اخد حقك بس دي امى مقدرش اقف قصادها...

ليذهب سريعا يطلب ذاك الرقم ليهتف بعد عدة دقائق : هاا جهزت كل حاجه !؟ احنا معادنا بكرا كل حاجه تبقي جاهزه في المعاد اللي قولت عليه.. اه هيبقي عندى هنا في القصر تمام ماشي... ما أن انهي تلك المكالمة حتي دلف ليبدل ملابسه هو الآخر ، ارتدى ملابس كلاسيكيه ليشعر بالغرابه فهو دائما ما يرتدي بدل رسمية.. انتهي و ذهب ليراها وجدها تقف أمامه ما أن رأها حتي ظل يحدق بها وبهيئتها فكانت كالملاك بتلك السلوبت الأزرق التي ترتديه فشعر بأنها أبنته ولا ليست زوجته فهي حبيبته الجميلة تلك الصغيرة التى تجعله يتمسك بالحياة فهو يعيش لأجلها هي فقط .

_مي وهى تمسك يده : ايه يا عز سرحان في ايه !؟
_عز وهو مازال يحدق بها : سرحان في القمر اللي بين ايديا .
_مي بخجل : يالا عشان منتأخرش .
_عز بحب وهو يضمها لصدره : يالا يا حبيبتي .

*غادروا القصر ذهبوا إلى إحدى مدن الملاهي ودلفوا معا ، لم يكن يعرف بذاك الجانب الطفولى الممتع في زوجته فهو شعر بأنها أبنته الجميلة التي لا تضحك غير معه.. بعد عدة ساعات قضوهم في المرح واللعب ، أخذها و ذهبوا إلى إحدى المطاعم الفاخرة تناولوا وجبة العشاء وسط ضحكاتها السعيده ومرحها المعتاد وخفتها و روحها الجميلة التى يعشقها ، ثم عادوا إلى القصر مره اخرى .

_مي وهي تمسك يده وهم يدلفوا للداخل : انا اتبسط اوى اووى ياعز ربنا يخليك ليا يا حبيبي .
_عز وهو يضمها لصدره ويقبل خصلاتها : ويخليكى ليا يا قلب عز ، حقك عليا يا نور عيوني والله مكنتش اقصد ازعلك لما قولت الكلمه الغبيه دي .
_مي وهي تقبل يده بحب : مبزعلش منك يا عز.. انت عارف انى بقيت اعيط من اقل حاجه ، معلش اتحملني .
_عز بحب : مفيش عياط تانى يا حبيبتي مش هخليكي تعيطي ابدا .
_مي بألم : ياريت نقدر .
_عز بحب وهو يدخل في أحضانها : هنقدر طول ما احنا سوا.. بصي اعتبريني ابنك ماشي يا ماما مي .
_مي بدموع : انا نفسي في بيبي يا عز وحياتى وافق نروح للدكتور تاني .
_عز برفض : لا يا مي كفايه دكاتره.. انتى تعبتي اوى كل دكتور نروحله يطلب عمليات وانتى بتعملى و كل عمليه أشد من اللي قبلها وانا بشوفك بتتألمي و ببقي متكتف ومش قادر اعملك حاجه .
_مي بدموع : وحياتى يا عز اخر مره وديني لدكتور المره دي و معتش هطلب منك نروح تانى عشان خاطر مي ولو محصلش نتيجه مش هنروح تانى لدكاتره .
_عز بألم : خلاص انا موافق يا مي بس لو قال عمليه مش هتعمليها مش هخليكي تتألمى تاني .
_مي بفرح وهي تقبل يده : حبيبي يا عز ربنا يخليك ليا انشالله مفيش عمليات تانى .
_عز بحنان : يارب يا حبيبتي يارب .

.......

_ياتري ايه اللي هيحصل بعد كده !؟ 😞
_هستني توقعاتكووااااا و رأيكوا يا حلويين..⁦❤️⁩
_هاااا نكمل ولا ايه الظروف قولولي..😉
_تفاااعلوا بقي عيب كدا 😂😂
M.G💜✒️