*ما أن وقف و بدأ في استكشاف عطل السياره لتستمع إلي صوت جعل قلبها يرفرف فرحا.. ولكن سألت نفسها من أين يأتى ذاك الصوت !؟ هبطت السياره تقف بجانب عز ليهتف بها بضيق : نزلتي ليه من العربيه يا مي !؟
_مي بإنصات : فيه صوت بيبي بيعيط يا عز .
_عز بإستغراب : دي تهيوات اركبي العربيه يا مي .
_مي بعند : لا مش تهيوات.. انا سمعت الصوت اول مره وانا في العربيه كأنه بيتهيقلي وبعدين لما جيت اقولك سمعته بيعيط فعلا .
_عز بإستغراب : يا بنتي مفيش حاجه.. بيتهيقلك ، يالا اركبي العربيه.. انا خلاص خلصت .
_مي بعند : مش بيتهيقلي يا عز.. انا متجننتش.. انا هروح ادور على البيبي ده همشي ورا الصوت لحد ما أوصلوا .
_عز بغيظ : انتي اتجننتي يا مي صوت ايه وكلام فارغ ايه ، وبعدين هو ايه اللي هتمشي ورا الصوت.. ممكن يكون كمين لينا يا مي وانا خارج من غير حراسه و دى اول مره تحصل وانتى معايا وانا لوحدي.. يالا اركبي العربيه .
_مي بعند : مش هركب يا عز.. انا هدور على البيبي ده و اكيد هلاقيه .
_عز بحده : انتى اتجننتي رسمي.. بيبي ايه و زفت ايه.... قطع صراخه صوت بكاء طفل بالفعل... لتهتف بلهفه : اهووو يا عز اسمع كده !؟
_عز بإستغراب : اه فعلا فيه صوت.. بس برضو منضمنش ممكن يكون كمين وبيلعب بنطقة ضعفنا .
_مي بعند : بس أنا مش همشي يا عز... ألقت من ألقت و مشت بالفعل تتبع ذاك الصوت لتجد بالفعل طفل صغير جدا يبدو أنه حديث الولادة بجانب الرصيف ملتف بقماشه بيضاء فقط ويبكي بشده ، لتصرخ بفرحه ؛ عزززز لاقيته يا عز .
_عز بحده : انتى فاكره انك هتاخديه معاكي ولا ايه !؟ احنا منعرفش ده ايه.. يالا سبيه وامشي.... لتوميء بعلامة رفض ليهتف هو بضيق ؛ يا مي اسمعي الكلام بقي .
_مي وهي تحمل الطفل بين يديها : انت متخيل انى هسيبه لوحده في الشارع كده مرمي على الرصيف.. ليه يا عز بيه انا معنديش قلب .
_عز بغيظ : بس أنا مش هاخده.. سبيه مكانوا .
_مي بدموع : حرام عليك يا عز.. ده الطفل صغير اوى وبعدين بيعيط اوى اكيد جعان .
_عز بحيره : هو احنا كنا اهله يا مي.. سبيه ويالا .
_مي بعند : لو مش عايزو طلقني وانا هاخدو و امشي لوحدي .
_عز بحده : انتى اتجننتي رسمي يا مي.. طلاق ايه يا متخلفه انتي.. اتفضلي يا هانم خديه و اركبي .
_مي بفرحه وهي تضم ذاك الصغير : حااااضر .
_عز بعد أن أستلقوا سيارته : مي انا سمعت كلامك اه.. لكن انا مش مقتنع بيه.. الطفل ده اكيد له أهل .
_مي بخوف : طب ليه رموه في الشارع .
_عز بضيق : ممكن يكون كان مخطوف منهم .
_مي بدموع : طب لو مخطوف هنعرف أهله ازاى .
_عز بحيره : مش عارف و مش عارف اعمل ايه !؟
_مي بدموع وهي تستشفه : طب هو جعان.. وكمان عايزين نجيبلوا هدوم هو ملفوف في قماشه خفيفه اوى ، ايه ده يا عز الحق دى بنوته .
_عز بلهفه : ايه ده بجد .
(هو انا قولتلكوا أن عز بيحب البنات اووى..❤️😉)
_مي بفرحه : اااه.. يالا بقي ودينا مول يا عز نجيبلها هدوم عشان نوديها لدكتور .
_عز : حاضر يا حبيبتي .
_مي وهي تضم تلك الجميلة بحنان هاتفه لنفسها : انتى من دلوقتي بنتي انا هحبك اوى اوى .
_فاقت من شرودها على صوت عز هاتفا بحب : يالا يا حبيبتي انزلي.. وصلنا المول .
_مي بفرحه طفوليه : عز متنساش نجيب لبن عشان النونو جعانه .
_عز ببتسامه : حاضر يا حبيبتي .
أنت تقرأ
نوفيلا الحياة تجربة !!
Short Storyعندما يعطيك الله تجربة قد تعتقد بأن حياتك ستظل سوداء متعبه ، أو أنها توقفت علي هذا الإختبار ، فقد تشعر بأنها لم يكن بها بصيص أمل و لكن انت مخطيء فالله عندما يعطيك تجربة مهما كانت قاسيه عليك إلا أنه رحيماً بنا دائما .. فلا تيأس من رحمته فهو الرحيم بع...
