*قبل ما نبدأ الفصل حبه اقولكوا أن انا نويت انزل الـ3 فصول الأخريات مع بعض لأن دول تقريبا صلب النوفيلا .
#قراءة_ممتعه..😌
#مجنونة_قلم..✒️💜
______________________________________
.. في المكتب ..
*بعد ما تركوهم و دلفوا معا .
_عز بإستغراب : ايه الحكايه يا ادهم !؟
_أدهم بضيق : عجبك حالك ده يا عز .
_عز بإستغراب : ماله حالى !؟
_أدهم بتدخل : موضوع الخلفه يا عز .
_عز صارخا به بقسوه : أدهمممم مسمحلكش.. دى حياااتي انا كل اللي فيها يخصني انا.. انا ومي وبس انت فاااهم .
_أدهم بإستفزاز : لا مش حياتك لوحدك طلما شايفينك بتغرق واجبنا تجاهاك نلحقك .
_عز بألم : لما ابقي اطلب منكوا مساعده .
*في تلك الجملة أتت مي بالخارج لتتسمر مكانها بما تسمعه.. عز يسأل عن حل لتلك المشكلة 💔
_أدهم بغيظ : مشكلتك لها حل انت اللي مش راضي بيه .
_عز بفضول : و ايه هو بقي انشالله !؟
_أدهم بمكر : أتجوز يا عز .
*ما أن سمعت تلك الجملة حتي وقع قلبها صريعاً ، لم تريد أن تسمع أجابته التي تؤيد لتلك الفكره ولكنه فاق توقعاتها .
_عز بقسوه : انت اتجننت.. انت عايزنى اتجوز على مي ، مي دي عمري كله ومقدرش اجرحها بالشكل ده .
_أدهم بخبث : طب اتجوز في السر خلفلك عيل ولا اتنين ولا حاجه ومتقولهاش .
_عز بقسوة : مش اخلاقي يا أدهم.. انت تعمل كده لكن انا لا ، الطفل اللي بتمناه.. بتمناه من مي.. مي اللي تكون أمه مش حد غيرها.. انا جبتلك نهاية الموضوع ده.. و دى اخر مره تتكلم معايا في موضوع ميخصكش ، أفتكر يا أدهم لو اتكلمت فيه تانى لا أنت ابن عمي ولا أعرفك... ليفتح باب المكتب ما أن فتحه ليجدها تقف تبكي بشده ليهتف بلهفه ؛ مي !! مالك في ايه !؟
_مي ببكاء وهي توميء بعلامه رفض ليهتف هو بلهفه وهو يمسك بذراعيها : مالك فيكي ايه !؟ انتي واقفه هنا من أمتي يا مي !؟
_مي ببكاء : انا عايزة اروح يا عز .
_عز وهو يضمها لصدره ويجفف دموعها في محاولته لتهدائتها : حاضر هنروح هششش اهدي اهدي يا مي عشان خاطر عز .
_مي بألم : عايزة امشي بقي .
_عز وهو يمسك يديها : حاضر هنروح .
_ليستمع إلي والدته تهتف فيها بقسوة : لحقتي قولتيله يابنت راجيه .
_عز بإستغراب : قالتلي ايه !؟ هو ايه اللي حصل !؟ ما تفهميني يا مي .
_مي بارتباك : مفيش حاجه حصلت يا حبيبي .
_عز بقسوة : لو مقولتيش اللي حصل يا مي انسي انى اروح ومش همشي قبل ما اعرف .
_سعاد ببراءة مصطنعه : اقولك انا زعلت مني اكمني بنصحها تقنعك بالجواز .
_عز بصدمه : حتي انتى يا أمي.. حرام عليكي ليه مستكتره عليا الفرحه.. ليه مستكتره عليا اعيش مع الانسانه اللي بحبها من غير مشاكل اومال لو مكنتيش عارفه انا بحبها قد ايه ، انا همشي ومش هاجي هنا تانى ابدا انسي أن ليكى ابن فى الدنيا.. عز ابنك مات يا سعاد هانم ، يالا يا مي .
_مي بدموع : مامتك يا عز .
_عز بدموع : مفيش أم بتتمني التعاسه لأبنها يا مي .
أنت تقرأ
نوفيلا الحياة تجربة !!
Historia Cortaعندما يعطيك الله تجربة قد تعتقد بأن حياتك ستظل سوداء متعبه ، أو أنها توقفت علي هذا الإختبار ، فقد تشعر بأنها لم يكن بها بصيص أمل و لكن انت مخطيء فالله عندما يعطيك تجربة مهما كانت قاسيه عليك إلا أنه رحيماً بنا دائما .. فلا تيأس من رحمته فهو الرحيم بع...
