# الفصل الحادي والعشرين
* أحبكَ لأنك أنت الذي أرى فيه طفلي عند الحب،
وأبي عند ضعفي،
وأخي عند شِجاري بمزاح،
وكل البشر عندما أشعُر بأني وحيدة.*
ليشاهد مرزوق جنه وزين
ليقول في نفسه: نضفتي يا بنت سيد المعفن
لتصعد جنه الي بيتها لتدق الباب لتفتح لها فتحيه لترتمي جنه في احضانها
فتحيه: وحشتيني يا جنه
جنه: وانتي كمان وحشتيني يا ست الكل عامله ايه طمنيني عليكي
فتحيه: ادخلي ادخلي
لتدخل جنه وتجلس بجانب والدتها
فتحيه: كل ده يا جنه معرفش عنك حاجه وفين وفين لحد ما ابوكي طمني عليكي وقالي انك مسافره مع جوزك
جنه: معلشي يا امي غصبن عني احنا كنا عاملين حسابنا علي يومين كده بس انا تعبت شويه وطولنا
فتحيه بخضه: تعبتي مالك
جنه: اطمني انا كويسه وقعت من علي السلم وكنت حامل ومحصلش نصيب
لتأخذها فتحيه في احضانها
فتحيه: المهم سلامتك يا بنتي جوزك عامل معاكي ايه
لتلمع عين جنه عند ذكر اسمه: كويس اوي يا ماما وبيحبني اوي وانا كمان بحبه ربنا عوضني بيه الحمد لله
فتحيه: الحمد لله يا بنتي دا من دعايا ليكي
جنه: الحمد لله يا امي فين بابا
ولتلاحظ جنه الكدمات في يد والدتها ففتحيه تحاول تخبأه يديها ولكن جنه لاحظتها
جنه: ايه ده مال ايدك
فتحيه بدموع: ابوكي منه لله كل يوم يجي شارب ومش شايف قدامه ولو كلمته كلمه ينزل فيا ضرب
جنه بدموع وحزن فهي حزنت علي حال والدتها: متزعليش يا امي معنتيش تكلميه وهو شارب
فتحيه: وهو عاد بيفوق خالص معرفش بيجيب الفلوس دي منين وكمان سدد الشيكات الا كانت عليه
جنه: منين الفلوس دي
فتحيه: ولا اعرف يا بنتي
لتشك جنه ان والدها يأخذ الاموال من زين
لتقول جنه لوالدتها: معلشي يا امي ربنا يهديه
فتحيه: ربنا يخده
ليفتح سيد الباب ويدخل في هذه اللحظه
سيد بسكر: ربنا ياخد مين يا وليه
جنه: مش قصدها يا بابا
سيد: انتي تخرسي خالص يا بنت ***
لتترعب جنه من داخلها وتمسك بيد والدتها لتقول في نفسها: زين
ـــــــــــــــــــــــــــــــــــــــــــــــــــــ
اما في الشركه عند زين يجلس هو ويوسف يتابعوا اعمالهم
ليشرد زين في جنه فقلبه يحسه ان بها مكروه ولكنه يكذب حسه
يوسف بتساؤل: زين انت كويس
زين بقلق: لا يا يوسف قلبي وجعني علي جنه
يوسف: متهيقلك
زين: لا انا مش هستني كده كتير
ليهب واقفا من مكانه ليمشي
زين: هروح اجبها سلام
يوسف بتعجب: سلام
ليخرج زين من الشركه يركب سيارته ليذهب اليها
ليمسك هاتفه ويرن عليها ولكنها لم ترد ليزداد خوفا عليها اكتر ليقود بأقصي سرعه حتي يصل اليها
ـــــــــــــــــــــــــــــــــــــــــــــــــــــ
اما عند جنه فكان والدها علي اشد غضبه
جنه: اهدي يا بابا هي مش قصدها
سيد: انتي تخرسي خالص
ليشدها من يديها بعنف
سيد: هاتي يا بت الفلوس الا معاكي
جنه ببكاء: مش معايا فلوس
سيد: ازاي تبقي مرات زين بيه ومعكيش فلوس انتي هتستعبطي عليا يا بت ولا فكراني مختوم علي قفايا هاتي الا معاكي احسنلك
جنه: والله ما معايا انا مبطلبش منه حاجه
ليرن هاتف جنه لتحس انه زين ولكنها لم تستطيع الرد
سيد: وكمان معاكي تليفون دا انتي بقيتي هانم بقي
فتحيه: سيب بنتي ملكش دعوه بيها
سيد بزعيق: ملكيش دعوه انتي
فتحيه: ازاي مليش دعوه مش بنتي
ليذهب سيد اليها ليصعفها علي وجهها لتحاول جنه شد والدها ليترك فتحيه ويمسك جنه
لتصرخ جنه من شده مسكه ليديها
فتحيه: ربنا يخدك ويخلصنا منك
سيد: ياخدك انتي وبنتك
ليضغط سيد علي ذراع جنه لتصرخ جنه
سيد بزعيق: هاتي الفلوس الا معاكي احسنلك
جنه ببكاء: مش معايا ارحمني بقي
ليرن جرس الباب لتجري فتحيه لتفتح
