# الفصل السادس والعشرين
*كل يوم جديد بتتولد بداية جديدة *
ذهب زين الي شركته ودخل مكتبه ليدخل عليه يوسف بعد فتره
زين بتعجب: مالك يا ابني ايه دخله المخبرين دي
ومال شكله عامل كده انت منمتش بقالك قرن
رد عليا مالك
لياخذ يوسف نفس طويل ثم يقول: زين انا عايز اجوز خديجه
زين بخبث: طب ما انا عارف
يوسف بأستغراب: عارف ايه
زين: انت فاكرني مش حاسس بصاحب عمري
انت من اول لما كنا في البلد وانت متغير
بس انا حاسس بيك
احكيلي يا يوسف ايه الا حصل في البلد ومتخبيش عليا حاجه انت كنت عارف ان خديجه بتكلم الواد ده
يوسف: ايوا يا زين انا كنت عارف
زين: ومقولتيش ليه يا يوسف
يوسف: كنت خايف منك لتعملها حاجه
زين: محدش هيخاف علي اختي اكتر مني حتي لو انت بتحبها فأنا بحبها اكتر منك واكتر
دي بنتي مش اختي وعمري ما اعملها حاجه تأذيها
يوسف: يا زين انا كنت حاسس اني تايهه
زين: احكيلي يا يوسف كل حاجه
يوسف: لما كنا في البلد نسيت اجيب فلوس معايا روحت البنك اسحب فلوس لقيت خديجه هناك استغربت
ممشتش الا لما عرفت انها حولت فلوس لواحد
روحت وانا مش شايف قدامي فجأه لقتها داخله تتسحب وقفتها وبعد كتير قالتلي انها بتحول فلوس لواحد بتحبه
انت جيت وقتها وانا قولتلك اني كنت بوصلها عند فرح
زين بتفكير: ايوا فاكر اليوم ده انا وقتها مكنتش مصدق الحكايه دي
يوسف: وقتها لقيتك قدامي وشوفت نظره خوف في عنيها مجاش في دماغي الا كده
زين: كمل وبعدين
يوسف: جت تشكرني بعدها حاولت كتير افهمها ان ده مبيحبهاش بس هي كانت مقتنعه بتفكرها
بعدت وانا مش قادر يا زين بحاول اخرجها من دماغي مش عارف انا مبنمش يا زين خالص
مبطلش تفكير فيها مش قادر خالص
حاولت كتير اخرجها من دماغي خايف تكون لسه بتحبه بس انا خلاص جبت اخري
زين: لا يا يوسف خديجه خلاص فهمت الدرس كويس وصدقني هي اتغيرت خالص
وندمت علي احساسها بيه هي قالتلي انها اكتشفت ان ده مكنش حب كان اعجاب وهو من كتر كلامه معاها اتعلقت بيه
يوسف: ياريت يا زين يكون كلامك صح
زين: صح يا چوو هاا احددلك معاد مع الحاج امته
يوسف: طب مش تسألها الاول
زين: خديجه انا الا مربيها يا يوسف وعارفها اكتر من نفسها هااا احددت ولا غيرت رأيك
يوسف: لا مغيرتش رأيي بكره تمام
زين: تمام روح بقي نام وجهز نفسك وعايز اشوفك بكره يوسف صاحبي بتاع زمان
يوسف: تمام سلام
ليخرج يوسف من المكتب لينشعل زين بتكمله عمله
ــــــــــــــــــــــــــــــــــــــــــــ
بعد فتره يكلم زين زينه في الهاتف
زين: اطلبيلي عم سيد خليه يجليلي حالا
ليغلق زين الخط دون سماع ردها
لتقول في نفسها: بقي البت دي تخليه ماشي علي الصراط المستقيم كده
ليه يعني هي فيها ايه زياده عني دا انا احلي منها في الشكل
وفي استايل اللبس كمان
