# الفصل الحادي والثلاثون
* أما بعد فلن أحب أحداً بعدك،
أما قبل فأنا أساساً لم أعرف الحب إلّا بك.*
سيد: خلاص جنه هتقعد معايا انا وامها انهارده وانت تيجي بكره تخدها
زين بصدمه: نعععععععععععععم
سيد: جنه هتقعد معانا انا وامها وتيجي تخدها زي اي عروسه انا عايز اعيشها اليوم ده من الاول واعوضها عن كل الا عملته فيها
زين: وانت عايز تعوضها انا مال امي تيجي علي دماغي ليه
ثم ان مبحبش مراتي تبعد عني
ليمسك سيد بيد جنه: وجنه مش هتمشي من هنا
ليشدها زين من يديه: ومراتي هتيجي معايا ولا ليكي رأي تاني
جنه: لا مليش الا انت تقوله انا هعمله
ليبتسم زين عليها: ايوا كده
سيد بهدوء: سبهالي يا زين بيه معانا انهارده
محتاج اقعد معاها واكلم عايز اعرف بنتي
زين: طيب خلاص هسبها
سيد: ربنا يكرمك يارب
فتحيه: احنا مش هنرجع شقتنا
سيد بحزن: ماجده خلتني اتنازلها عنه
لتخبط فتحيه علي صدرها: يا لهوي
زين: حصل خير كده كده الشقه دي انا كاتبها بأسم جنه
اقعدوا فيها دي شقتكم
واصلا انا مش هطمن علي جنه الا وهي هنا
سيد بحرج: والله ما عارف اقولك ايه يا بيه
زين: متقوليش حاجه قول لجنه
انا همشي وهجيلك يا جنه من بدري سلام
ليمشي زين لتخرج جنه وراءه
جنه: زين
ليلتفت لها زين لترتمي بأحضانه
جنه: هتوحشني اوي
زين: وانتي كمان هتوحشيني خلي بالك من نفسك
ولما اكلمك تردي علي طول
جنه: حاضر
ليقبل زين رأسها وينزل
ـــــــــــــــــــــــــــــــــــــــــــــــــــــــ
ليركب سيارته ويذهب لقصره
ليدخل ويشاهد عائلته مجتمه بما فيهم خديجه ويوسف
زينب: احضرلك العشا يا حبيبي
زين وهو يجلس بجانبها: لا مليش نفس
فرح: هي فين جنه
زين: عند اهلها باباها صمم اني اخدها من بيتهم الصبح
محمد بضحك: ومالك زعلان كده ليه
اياد بمرح: براحه عليه يا حاج
زين بغيظ: اتلم يا زفت
يوسف يضحك: اعذروه خلقه ضيق المودام مش معاه
زينب: ملكش دعوه بيهم يا حبيبي دول ملهمش في الرومانسيه
زين: عندك حق يا امي والله
خديجه بأعتراض: لا محدش ليه دعوه بچوو
زين: صحيح القرد في عين امه
يوسف: مين القرد
زين: انت يا چوو
ليضحكوا عليه جميعا
زين: المهم تكونوا جاهزين بكره في المعاد
زينب: متقلقش يا حبيبي
يوسف: هتروح شهر العسل فين
زين: سهل حشيش
اياد: ايوا بقي انت الكبير الا فينا سهل حشيش مره واحده
زين: انا ايه حد ولا ايه يا ابني
محمد: مرحتش برا مصر ليه يا ابني
زين: هي فشخره كدابه يا حاج جوه زي بره
وبعدين انا بشجع سياحه بلدي
ليصفق اياد بمرح: الكبير كبير بردو
زين: انت شكلك فايق وانا مش فايقلك
هطلع انام عن اذنكوا
ليصعد زين الي غرفته ليدخلها بحزن فهو اصبح متعود علي وجود جنه معه
ليقول: مش عارف هنام ازاي من غيرك
ليأخذ هدومه ويدخل للمرحاض
ليخرج بعد فتره لينام
ليتقلب في الفراش
زين بعصبيه: يووووه بقي شكلي مش هتنيل انام
ليمسك بهاتفه ليتصل بها
